1 Xránantu' Dios, ba cua ba cua,

Lue' nacu' ca tu xu'u naga zra cháwentu'.

2 Nédxudaute̱ ca za gunu' xi'a zri'a ca',

ne ca za sua xe̱zr la xu, ne bénneache,

na' nédxudaute̱, ne lu da za za' nácaquezu' Lue' Dios.

3 Dxu'u bénneache xelexaque̱' da gulaque̱',

4 Chiu' Lue' chi gaxúa iza zaj naca na ca neaje, da ba gudé na,

ne ca tu chí'idau'ze chizrela.

5 Dxegú' bénneache ca dxun guba'u,

da dxua na xúgute̱ xizre laga ca'.

Zaj naque̱' ca tu bchigala da dxexenite na gate dxexebandxu.

6 Zaj naque̱' ca tu xixre' da dxegula na che zílala.

Dxegula na, ne dxelá'te̱ na xiaj,

na' xelate' zua gubizra dxelechugue̱' na, na' dxebizre na.

7 Dxebía xi'ntu' lawe' da dxezra'u netu'.

Sté̱bele̱'e̱ zúantu' lawe' da dxezrá'le̱'u netu'.

8 Dxenna'u ca da cale̱la da nuntu'.

Dxulé'enu' láwela zria da nabágantu'.

9 Dxuzáchiu' iza chee̱ntu' lawe' da dxezra'u netu'.

Dxelexedú iza chee̱ntu' ca tu be' da dxecá'antu'.

10 Ca zaj naca zra naca bantu', zaj naca na ga xun chi iza,

na' che nácantu' benne' wal-la, waca bantu' du tápalalaj iza,

san ca zaj naca iza ca', dxedentu' xel-la' zi',

Chadí dxeledé iza ca', na' xenítentu'.

11 ¿Nuzra núnbea xanne' ca naca xel-la' dxezrá'a chiu'?

¿Nuzra núnbea ca naca xel-la' xichaj zra'a chiu'?

12 Ble'e netu' ca láteze zaj naca zra chee̱ntu'

chee̱ gácantu' benne' dxeléajni'ine̱'.

13 Xran, bexaca netu' tuze.

¿Bátadxa chenu'?

Bexache lazre' netu', we̱n zrin chiu'.

14 Tu tu zila bzua xichaj lázrdauntu' xel-la' zri'i lazre' chiu',

na' dute̱ xel-la' dxebé tu gul-lazquezentu' chiu'

15 Be̱nna netu' zane' iza chee̱ bentu' ca zaj naca iza

ne ca zaj naca iza guzúantu' lu da ste̱be.

16 Be̱ lataj netu', we̱n zrin chiu', le'entu' da zrente̱ da dxunu',

ne xelelé'e zri'ine zre suantu' da xabáa chiu'.

17 Xránantu' Dios, be̱n gaca chee̱ntu' da chawe' chiu'.

Be̱n chepe ban ca naca zrin dxuntu'.

Awe', Xran, be̱n chepe ban ca naca zrin dxuntu'.