4
Dahuliya andagani hearume Ngode Datagaliwabe mini yaraga halu lenego ogo
1 Ani leagola dege i̱na de gandeba mende handalu hewaria dahuliya andagani panga mbira dugua ho wiaria handaru. Handalu howa hale halu hewaria bi mbira dalimu mbelo biguli ale ala hale harugo bi ogonime i̱hondo lalu, Mani mbira bulebiragonaga i̱na í̠hondo walia holiya i̱ kogoria iraga ha, laya.✡ Mo 1.1, 1.10, 1.19, 11.12, 22.6 2 Ani lalu heaore dege Ngode Datagaliwabe Dinini ibu i̱ha karula haya. Ani biyagola handalu hewaria dahuliya andagani Ngode Datagaliwabenaga handame howa biragane dagia wiagoriani mbirali berearia handaru.✡ Iba 47.8, Ais 6.1, Yar 17.12, Mo 4.9, 17.3, 21.10✡ Ese 1.26-28, 10.1 3 Ibunaga dengui domodomobi to̱le̱ baya burugule mini yasabebi kanelianibi ale hearia handaru. Ani buwa Ngode Datagaliwabenaga handame howa biragane dagia wiago ni domo to̱le̱ domo domobi mini emerolo aleme wa mabu biniya. 4 Ngode Datagaliwabenaga handame howa biragane dagia wiago dombeneha ngelowa haru haga biragane dagia pira kirani maria (24) wu mabu bu wiagoriani dahuliyali haru haga pira kirani maria (24) aga pele buwabi haguaneni haru haganaga manda ngolome wabinigobi karulo berearia handaru.✡ Mo 3.18, 6.11, 11.16, 19.14 5 Ngode Datagaliwabenaga handame ho biragane dagia ogoriani howa hari daba bialu hari kilikulu timbuni lalu biya. Biragane dagia wiago buhayagi lamu hale karia dela heago uruni Ngode Datagaliwabe Dinini karia ka lalu dela hea.✡ Har 19.16, Ese 1.13, Seg 4.2, Mo 1.4, 8.5, 11.19, 16.18 6 Handame ho biragane dagia ogoni wiago buhayagi dege iba solowara handalehe wiago ogoni ibu ngalayi ale wia.✡ Ese 1.5-10, 1.22, Mo 15.2✡ Ese 1.5-10, 10.14
Biragane dagia ogonaga lenelene maria wiagoria holenehe mariali helene hearu ti de buha halu erembirahabi halu de haamehe hearume ho mabu bu hea. 7 Ani biyadago aria mbira pigane timbuni heago budi gabua timbuni laiono handalehe hea. Mende heago nogo bulumaga wangabe handalehe hea. Tebone heago agalinaga dengui handalehe hea. Mane heago ega bodo hariawe ale yaga laluhe handalehe hea. 8 Holenehe mariali helene biaru ti hangu hangume babagane waragaria howa tinaga tingini babagane andanehabe de haamehe hea. Tigua horombe mbiragabi ha̱lo nahe iba gana la ho wialu lalu,✡ Ais 6.2-3, Ese 1.18, 10.12, Mo 1.4, 1.8
Anduane Homogo Ngode Datagaliwabe Hongo Haiheore
ala henegobi áyu kagobi mani holebiragobi
ibu baya buruguleore baya buruguleore baya buruguleore kagoni,
lalu hea.
9 Holenehe mariali helene biaru tigua iba gana layuagome mini lene lolenebi mini yaraga holenebi ka̱i̱ lolenebi mbirali handame ho biragane dagia ogo wiagoriani bedago ha dege bidane ha ho wulebiragohondo laga ka. Ani biragola✡ Dan 4.34, 6.26, 12.7, Mo 1.18, 4.2, 4.10, 5.14, 15.7 10 dahuliyali haru haga pira kirani maria (24) biaru tigua mbirali handame ho biragane dagia wiagoria bereago ibunaga buha bulu palu ibira howa Ngode Datagaliwabe ibuni ha dege bidane ha ho wiaabo kagonaga mini yaraga haabo haga hea. Ani bialu tigua tinaga haru haga manda ngolome wabiniru golowa Ngode Datagaliwabenaga handame ho biragane dagia biago buhayagi ibira halu lalu,✡ Mo 4.4, 4.9, 5.1, 5.7-8, 5.13-14, 6.16, 7.15, 19.4, 21.5
11 Inanaga Anduane Homogo Ngode Datagaliwabe í̠ kegoni.✡ Ab 17.24, Eb 3.9, Kl 1.16, Mo 5.12, 10.6
Ina wali agali bibahendeme mini lene lolenebi mini yaraga holenebi hongo holenebi í̠naga ngeloloma̱ya
í̠ karulapeore kegoni.
Uruni í̠naga ngelabehe kamago irane í̠na mbirale bibahende wabiai harigo howa
tinaga wulenebi holenebi í̠naga hameme mirigonaga labehe kama,
lalu hea.
✡4:1: Mo 1.1, 1.10, 1.19, 11.12, 22.6
✡4:2: Iba 47.8, Ais 6.1, Yar 17.12, Mo 4.9, 17.3, 21.10
✡4:4: Mo 3.18, 6.11, 11.16, 19.14
✡4:5: Har 19.16, Ese 1.13, Seg 4.2, Mo 1.4, 8.5, 11.19, 16.18
✡4:6: Ese 1.5-10, 1.22, Mo 15.2
✡4:8: Ais 6.2-3, Ese 1.18, 10.12, Mo 1.4, 1.8
✡4:9: Dan 4.34, 6.26, 12.7, Mo 1.18, 4.2, 4.10, 5.14, 15.7
✡4:10: Mo 4.4, 4.9, 5.1, 5.7-8, 5.13-14, 6.16, 7.15, 19.4, 21.5
✡4:11: Ab 17.24, Eb 3.9, Kl 1.16, Mo 5.12, 10.6