82
Imehxo Ritonõpo mana Apiakaneme
Asape nymerohpyry.
1 Ritonõpo tosao mana kapu po,
oximõmãkõ rãnao; ritõ tõ rãnao apiakãko mana:
2 “Epo hnae zae pyra imehnõ apiakary poko
oya xine, popyra exiketõ anakorehmara ehtoko.
3 Zae ehtoko tymõkomokãkara a, poetõpo tomo a
roropa, ewomatoko toto;
zae rokẽ ehtoko tyrohmanohposamo a,
etuarimaketomo a roropa.
4 Imehnõ motye kure osekaropyra exiketõ
akorehmatoko, tytinerukãkara roropa;
ipynanohtoko toto popyra exiketõ winoino.
5 “Tuaro pyra matose, onenetupuhpyra;
xinukutumao rokẽ ytoytõko matose.
Zae ehtoh tonahkase sero nono po.
6 Ynara ase: ‘Ritõme matose; Ritonõpo Imehxo
Exikety poenõme matose emero porehme.’
7 Yrome orihnõko matose, emero rokẽ orihketõ samo.
Isene oehtohkõ enahnõko mana
imehnõ tuisa tõ poenõ samo.”
8 Osehko, Ritonõpo, tuisame exiko sero nono Esẽme.
Imeimehnõ nonory põkõ emero okyryryme mã toto,
opoetoryme roropa.