6
Kurãkara atakorehmapotoh Ritonõpo a
Sero saumu tymerose Tawi a.
1 Ritonõpo Jesemy, jupokara exiko yzehno
awahtao! Juãnohpyra exiko zehno awahtao!
2 Ypyno exiko tapotũkehse jexiryke.
Kukurãkako ropa takuruhtase jexiryke.
3 Torẽtyke ase ipunaka ukurohtao.
Ritonõpo, otara ahtao oehnõko ma jukurãkase?
Ekurehpyra exiko.
4 Kypynanohko, Ritonõpo Jesemy!
Yna pyno oexiryke kuanỹko orihpyra jehtohme.
5 Aorihtyã ekepyry esao tuenikehse mase,
moroto oeahmasaromepyra mã toto.
6 Penekehnõko ase yxitary poko.
Kokoro rokẽ jynyhtoh tahxikure exĩko nase
yxitatoh ke;
jupuhpyry apõ tahxikure exĩko yxity ke.
7 Jepetõkara pokoino jenuru tyaose nase
xitakehpyra jexiryke.
Pitiko osenuhmasaromepyra ase.
8 Ameke ehtoko ywinoino,
popyra ehtoh poko exiketomo!
Ritonõpo Jesemy, jotururu etãko yxitaryhtao;
9 jotururu etãko mana jakorehmapory
ekaroporyhtao ya,
otato mana jotururuhtao eya.
10 Jepetõkara ehxirõko mã toto; oserehnõko mã
toto, epãko axiny tuaro pyra exiketõ sã ipunaka.