1 སེམས་ཀྱི་འཆར་བཀོད་མི་ལ་གཏོགས༌ན་ཡང་། །ལྕེ་ལན་འདེབས་པ་ཡ་ཝཱེ་ཁོང་ལས༌འབྱུང༌།། 2 རང་གི་མིག་ལམ་ཅི་བྱས་ཐམས་ཅད༌གཙང༌། །ཡ་ཝཱེས་མི་སེམས་སྲང་ལ་འཇལ་བ༌ཡིན།། 3 རང་གི་སྒྲུབ་བྱ་ཐམས་ཅད་ཡ་ཝཱེར༌བཅོལ། །ཁྱོད་ཀྱི་འཆར་བཀོད་ཡིད་བཞིན་འགྲུབ་པར༌འགྱུར།། 4 ཡ་ཝཱེས་བཀོད་པ་ཀུན་ལ་དམིགས་བྱ༌ཡོད། །ཐ་ན་ངན་པ་ཆག་སྒོའི་ཉིན་ཕྱིར༌ཡིན།། 5 ང་རྒྱལ་ཀུན་ལ་ཡ་ཝཱེ་ཞེན་པ༌ལོག །ཁོ་རྣམས་ཉེས་ཆད་མེད་པར་གཏོང་མི༌སྲིད།། 6 བྱམས་པ་དང་ནི་བདེན་པས་སྡིག་པ༌བཤགས། །ཡ་ཝཱེར་འཇིགས་པས་ངན་པར་གཡོལ་ནུས༌སོ།། 7 མི་ཡི་སྤྱོད་པར་ཡ་ཝཱེ་ཐུགས་དགྱེས༌ན། །ཁོང་གིས་དེ་ཡི་དགྲ་ཡང་དེ་དང༌བསྡུམ།། 8 ཐོབ་བྱ་མང་ཡང་དྲང་གཞག་མེད་པ༌ལས། །ཡོང་འབབ་ཉུང་ཡང་དྲང་བདེན་ཡིན་པ༌ལེགས།། 9 མི་ཡི་སེམས་ཀྱིས་རང་གི་ལམ་གཤོམ༌ཡང༌། །དེ་ཡི་ལམ་སྣ་འདྲེན་མཁན་ཡ་ཝཱེ༌ཡིན།། 10 རྒྱལ་པོའི་ཞལ་དུ་དཀོན་མཆོག་བཀའ་གསུང༌ཡོད། །འདྲི་གཅོད་བྱེད་དུས་ཞལ་ལ་འཁྲུལ་བ༌མེད།། 11 དྲང་བའི་སྲང་དང་རྒྱ་མ་ཡ་ཝཱེར༌གཏོགས། །ཁུག་མའི་གདོས་ཚད་ཐམས་ཅད་ཁོང་གིས༌བཀོད།། 12 དྲང་པོར་བརྟེན་ནས་རྒྱལ་ཁྲི་བརྟན་བྱེད༌པས། །བྱ་ངན་བྱེད་པར་རྒྱལ་པོ་ཞེན་པ༌ལོག། 13 དྲང་བདེན་མཆུ་ལ་རྒྱལ་པོ་ཐུགས་དགྱེས༌ཤིང༌། །དྲང་གཏམ་སྨྲ་བར་ཁོང་ཉིད་དགའ་བ༌འོ།། 14 རྒྱལ་པོའི་ཐུགས་ཁྲོ་འཆི་བའི་ཕོ་ཉར༌མཚུངས། །མཁས་པས་རྒྱལ་པོའི་ཐུགས་ཁྲོ་ཞི་བར༌བྱ།། 15 རྒྱལ་པོའི་ཞལ་འཛུམ་གྱིས་ནི་ཚེ་སྲོག༌སྦྱིན། །ཁོང་གི་ཐུགས་རྗེ་དཔྱིད་ཀའི་ཆར་སྤྲིན༌མཚུངས།། 16 ཤེས་རབ་འབྱོར་བ་གསེར་བས་རབ་ཏུ༌དྲག །དངུལ་ལས་བློ་གྲོས་བདམས་པས་ཤིན་ཏུ༌བཟང༌།། 17 ངན་པ་ལས་གཡོལ་དྲང་པོའི་ལམ་ཆེན༌ཡིན། །རང་གི་བགྲོད་ལམ་སྲུང་བས་རང་སྲོག༌བསྲུང༌།། 18 རྩ་མེད་འགྲོ་བའི་སྔོན་ལ་ང་རྒྱལ༌འབྱུང༌། །མ་ལྟུང་གོང་ལ་སེམས་སུ་ཁེངས་དྲེགས༌བསྐྱེད།། 19 ང་རྒྱལ་ཅན་དང་བཅོམ་ནོར་བགོ་བ༌ལས། །ཁེངས་པ་བསྐྱུངས་ནས་དབུལ་པོར་འགྲོགས་ན༌བཟང༌།། 20 གཟབ་གཟབ་བཀའ་ལ་ཉན་པར་ཕན་ཐོགས༌ཤིང༌། །ཡ་ཝཱེར་བརྟེན་པའི་མི་ལ་བདེ་བ༌འཐོབ།། 21 བློ་རིག་ཅན་གྱི་སེམས་ལ་ཤེས་རབ༌ལྡན། །སྙན་མོ་གཏམ་གྱིས་མི་སེམས་འགུག་ནུས༌སོ།། 22 མཛངས་པའི་བློ་གྲོས་སྲོག་གི་ཆུ་མིག༌ཡིན། །བླུན་པོའི་བླུན་རྨོངས་དེ་ཡི་ཆད་པ༌འོ།། 23 མཁས་པའི་སེམས་ཀྱིས་རང་གི་ཁ་ལ༌བསླབ། །རང་གི་ཚིག་ལ་མི་སེམས་འགུག་ཤུགས༌སྣོན།། 24 སྙན་མོ་ཚིག་ནི་སྦྲང་རྩིའི་ཚང་ལྟར༌ཡིན། །སེམས་ལ་མངར་ཞིང་རུས་ཟུངས་གསོ་བར༌བྱེད།། 25 ལམ་ཞིག་ཡོད་པ་དྲང་པོར་སྣང་ན༌ཡང༌། །མཐའ་རུ་སླེབ་དུས་དེ་ནི་འཆི་ལམ༌ཡིན།། 26 གླ་པས་རང་གི་དགོས་མཁོ་བསྐང་བར༌འབད། །བཀྲེས་སྐོམ་གྱིས་ནི་ཁོ་ལ་ཚ་འདེད༌བགྱི།། 27 གཡོ་ཁྲམ་ཅན་གྱིས་ངན་པ་ཕྱི་རུ༌འདོན། །དེ་ཡི་སྨྲ་བརྗོད་སྲེག་བྱེད་མེ་དང༌མཚུངས།། 28 ལོག་སྤྱོད་ཅན་གྱིས་འཁྲུག་པའི་ས་བོན༌འདེབས། །ཕྲ་མ་བྱེད་པས་མཛའ་གྲོགས་གཏོར་བ༌ཡིན།། 29 གདུག་རྩུབ་ཅན་གྱིས་ཁྱིམ་མཚེས་བསླུ་བ༌དང༌། །དེ་ནི་ངན་པའི་ལམ་དུ་འདྲེན་བྱེད༌དོ།། 30 སྲོལ་ལོག་འཚོལ་བས་མིག་བརྡ་གཏོང་བ༌དང༌། །ཁ་ཚུགས་སྟོན་པས་ངན་པ་འགྲུབ་པར༌བྱ།། 31 མགོ་སྐྲ་དཀར་པོ་དཔལ་གྱི་ཅོད་པན༌ཡིན། །དྲང་བདེན་ལམ་དུ་དེ་ནི་འཐོབ་པར༌འགྱུར།། 32 ངང་རྒྱུད་རིང་བ་དཔའ་བོ་ལས་ཀྱང༌ལྷག །རང་སེམས་འདུལ་བ་གྲོང་ཁྱེར་ལོན་པས༌མཆོག། 33 རྟགས་རིལ་མི་ཡི་པང་དུ་འཕངས༌ན་ཡང་། །ཐུགས་ཐག་གཅོད་པ་ཡ་ཝཱེ་ཁོང་ཉིད༌ལགས།།