19
ពោល គុតាប៝នអេផេឆោ
1 ទោលអាពោលុស គុតាប៝នកោរិនតោ ពោល លោសឞើសឞ្រីព្រីកៀ ហាន់គ្លាត់រ៝ៈឞ្រីអាឆី * ១៩:១៖ មោលាស «ហាន់គ្លាត់រ៝ៈយោក»។ ជេសរីត៝ត់តាប៝នអេផេឆោ ។ តាប៝ននៃពាង់ម៝ប់មាផូងអ៝សម៝នអាបាៈ* ១៩:១៖ ការ ១៨:២៧ 2 ពាង់អោបផូងនៃ៖ “នតើមឞើសខាន់អៃមៃឆឹតញឆីង អាសខាន់អៃមៃលែៈគែសឞ្រាសហ្វេងអ្វែសអីក្ល៝សអ្វែសគុតាខាន់អៃមៃដ៝ង់ឞើស?” ខាន់ពាង់អើស៖ “មោអោស ហេនមោព្រ៝តអោសតាង់ឞូលាសគែសឞ្រាសហ្វេងអ្វែសអីក្ល៝សអ្វែស”។* ១៩:២៖ ការ ១០:៤៤-៤៥ 3 ពោល អោបតៃខាន់ពាង់៖ “លាសនទ្រីម៝សនតីលនាវបាប់តែមខាន់អៃមៃទើន?” “ហេនទើននាវបាប់តែមតឹងនាវនតីយោហាន-បាប់តែម ”។* ១៩:៣-៤៖ លក ៣:១៥-១៧ 4 ពោល លាសមាខាន់ពាង់៖ “យោហាន-បាប់តែម ជានបាប់តែមអ៝ន់មាឞូនុយ្សអីលែៈរាគ៝ល់លើយនូយ្សនហ៝ម់អ្យើស នហ៝មាមឞើសងក៝ចអ៝ន់មាផូងប៝នលានញឆីងមាឞូនុយ្សអីវាច់ឞើសកើយពាង់នៃ ជេងកោរាញយេឆូ [ក្រីស ]”។ 5 ជេសតាង់ពោល លាសកើតនៃ ខាន់ពាង់ទើននាវបាប់តែមមារាញាឆាក់កោរាញយេឆូ ជឹត។ 6 ជេសពោល តេៈតីតាខាន់ពាង់រី ឞ្រាសហ្វេងអ្វែសអីក្ល៝សអ្វែសជុរគុតាខាន់ពាង់ អ៝ន់ខាន់ពាង់ឞ្លាវងើយនាវងើយអេងៗ នហ៝មានតើយ្សនាវងើយកោរាញឞ្រាសដ៝ង់។ 7 ទឹងលែៈផូងនៃក្លាប់លាស ១២ នុយ្សឞូក្លោ។
8 គែសពែខៃពោល គុនតីតាញីសរាបុនផូងអីឆ្រាអែល ពាង់នតីឞាញ់ងាន់។ ពាង់ញច្រាៈពាង់មឞើសងក៝ចនាវកោរាញឞ្រាសម៝ត់អ្វាញ់មាឞូនុយ្សអ៝ន់ឞូអ្យាត់។* ១៩:៨៖ ការ ១៣:១៤ 9 តីសមាគែសឞូនុយ្សអាបាៈនូយ្សនហ៝ម់ទាង់ក៝ មោអុចអ្យាត់ នអ៝ប់មាងើយនាវអ្យើសជឹតមានាវញឆីងមាឞ្រាសយេឆូ តានាប់ឞូនុយ្សអ៝ក់។ ជេសរីពោល ទូរាង្លាសឞើសផូងអីនៃលែវផូងអ៝សម៝នរាបុនតានតុកអេង។ ជេសរីពាង់តឹមញច្រាៈមាឞូអាប់នារអាប់នារតាញីសរាបុនទូហ្វេឞូនុយ្ស រាញាឞូនុយ្សអីនៃតីរានុស ។* ១៩:៩៖ ១កោ ១:២២-២៥ 10 ពាង់នតីឞូតានៃជ៝ៈឞារនាម់ នទ្រីទឹងអ៝ក់ឞូនុយ្សតាឞ្រីអាឆី នៃតាង់នាវកោរាញយេឆូ ទាទេ នអ៝ប់មាផូងអីឆ្រាអែល នអ៝ប់មាផូងអីមោទីផូងអីឆ្រាអែល ដ៝ង់។ 11 នោកនៃកោរាញឞ្រាសជាននទើនាវខ្លៃអេងៗតាពោល រីលែៈនាវងាន់។ 12 ឞូមានមាឆ៝ៈឞ៝កអីពាង់ងគូតឞើសឆាក់ពាង់រី ជេសរីតេៈតាឞូនុយ្សជី ឞូនុយ្សជីឞាស ឞ្រាសអ្យើសអីគុតាឞូនុយ្សលោសឞើសខាន់ពាង់ដ៝ង់។* ១៩:១២៖ ការ ៥:១៥
នទើគែសមាក៝នឆាកេវា
13 គែសផូងអីឆ្រាអែល អាបាៈ ខាន់ពាង់ឞ្រោៈញឆ៝ងអាប់នតុកគៃមាមព្រើសឞ្រាសអ្យើសទូឞើសឞូនុយ្ស។ តាមពោលខាន់ពាង់អីនៃគែសអាបាៈជានទ៝ង់រាញាឆាក់ឞ្រាសយេឆូ ខាន់ពាង់លាសឞ្រាសអ្យើសកើតនអា៖ “គ៝ប់ដាៈខាន់មៃតានាវទើយកោរាញយេឆូ អីពោល ទែនតី អ៝ន់ខាន់មៃទូហ៝ម់!”* ១៩:១៣-១៦៖ ការ ១៦:១៨; លក ៩:៤៩ 14 តាផូងជានកើតនៃ គែសនអ៝ប់មាក៝នឞូក្លោឆាកេវា ពើសនុយ្សដ៝ង់។ ឆាកេវា ជេងមពោលកោរាញជានឞ្រាសផូងអីឆ្រាអែល ។ 15 ឞ្រាសអ្យើសអើសមាផូងអីនៃ៖ “កោរាញយេឆូ ហេនលែៈនាល់ជេស នទ្រែលមាពាង់គែសនាវទើយមាហេន។ ពោល ហេនលែៈនាល់ដ៝ង់ នទ្រែលមាពាង់គែសនាវទើយមាហេនដ៝ង់។ តីសមាខាន់មៃអីនៃឞើសតាៈគែសនាវទើយមាគ៝ប់?” 16 ជេសរីឞូនុយ្សអីឞ្រាសអ្យើសលាប់នៃ រាទោសត៝មលើសខាន់ពាង់រី ទើយពាង់ដាសមាខាន់ពាង់ទឹងលែៈនៃ នហ៝មាត៝ត់ញច្វាត់នអ៝ប់មាលាហោកលាហាក ឆោតគាត់ទាទេ។ 17 លែៈឞូនុយ្សតាប៝នអេផេឆោ នអ៝ប់មាផូងអីឆ្រាអែល នអ៝ប់មាផូងអីមោទីផូងអីឆ្រាអែល តាង់លឺនាវអីនៃ។ ជេសរីខាន់ពាង់ក្លាចញឆ៝រ់ នហ៝មាយើកមារាញាឆាក់កោរាញយេឆូ ។ 18 គែសអ៝ក់ឞូនុយ្សលាប់ញឆីងមាឞ្រាសយេឆូ ជេសរីហាន់មឞើសនាវតីសខាន់ពាង់នើមតានាប់ឞូ ម៝សនាវអីខាន់ពាង់លែៈគែសជានអាល៝រនើសមោហោមម៝។ 19 តាផូងអីនៃអាល៝រនើសគែសអ៝ក់ជេងតាៈជាននអាង ខាន់ពាង់ឆ៝ៈគុនងលារ† ១៩:១៩៖ តានាវងើយគ្រែក មោអោសងើយមា«គុនងលារ» ងើយមា«ឆាផៅ»ច្រាវ យ៝រលាសនោកនៃតាឞ្រីអីនៃគែសនាវទើយកើតនអាងគែសញចីសតាឆាផៅ។ខាន់ពាង់នើមរី ឆូពូរលើយតាអុញតានាប់ឞាល់ផូងរីដ៝ង់។ លែៈនទើខាន់ពាង់ឆូពូរនៃនាវខ្លៃ ៥០០០០ ព្រាក់កាក់‡ ១៩:១៩៖ តានាវងើយគ្រែក មោងើយនហេលមានតីលកាក់តាអ្យាអោស យើនមាគែសនាវខ្លៃអ៝ក់ងាន់ ទើយនតឹតមាព្រាក់ងខោមទូហ្វេឞូនុយ្សជានការ ៥០០០០ នារ។ ។ 20 យ៝រមានាវខ្លៃអីនៃ ឞូមឞើសងក៝ចមានាវកោរាញយេឆូ លើមាលាមនតុក ជេសរីឞូឆឹតញឆីងមាពាង់លើមាអ៝ក់។
នាវអុសអាសតាប៝នអេផេឆោ
21 ជេសគែសនាវនៃ ពោល មឹនអុច§ ១៩:២១៖ មោលាស «ឞ្រាសហ្វេងអ្វែសដាៈពោល »។ហាន់តាប៝នយេរូឆាលឹម ពាង់អុចហាន់គ្លាត់រ៝ៈឞ្រីមាឆេដោន នទ្រែលមាឞ្រីអាខៃ ពាង់លាស៖ “ជេសហាន់តាប៝ននៃ អ្យាត់មាគ៝ប់ហាន់តាប៝នក្វ៝ង់រោម ដ៝ង់”។ 22 ជេសរីពាង់ដាៈឞារហៃឞូនុយ្សកើលជានការពាង់ហាន់ល៝រតាឞ្រីមាឆេដោន ដាៈតីមោថេ នទ្រែលមាអេរាសតុស ។ អីពាង់នើមរីហោមគុតាឞ្រីអាឆី * ១៩:២២៖ ប៝នអេផេឆោ ជេងតាឞ្រីអាឆី ដ៝ង់។ជ៝ៈអ៝យប៝ត់។* ១៩:២២៖ ការ ១៦:១-៣; ២តម ៤:២០
23 នោកនៃគែសនាវអុសអាសទុតក្វ៝ង់ យ៝រមានាវញឆីងមាឞ្រាសយេឆូ ជានអ៝ន់ឞូមោហោមយើកមឞាសមារូបឞ្រាសអេងៗ។ 24 គែសទូហ្វេឞូនុយ្សឞូក្លោរាញាដេមេត្រុស ពាង់ជេងឞូនុយ្សឞ្លាវជាននទើមាព្រាក់ ម៝នរូបងកឺបជានឞ្រាសមាព្រាក់មាជានឞ្រាសឞូអូរដីអាន † ១៩:២៤៖ តានាវងើយគ្រែក គែសញចីស«អារតេមីស »។ យើនមារាញាពាង់តានាវងើយលាតាង់ រាញា«ដីអាន »។ យ៝រមាការពាង់ផូងអីឞ្លាវជានគែសព្រាក់អ៝ក់។ 25 ជេសរីពាង់រាគូមផូងឞ្លាវជាននៃ នទ្រែលមាលែៈផូងអេងអីជានការកើតពាង់នៃដ៝ង់។ ពាង់លាសមាខាន់ពាង់៖ “ហើយអ៝សនោ ខាន់មៃលែៈគឹតជេស ឞ៝ន់គែសព្រាក់អ៝ក់យ៝រមានទើជានការអ្យា។ 26 ពាង់អីរាញាពោល នៃ ខាន់មៃលែៈគឹតលែៈនាល់ពាង់ដ៝ង់ ពាង់លាសរូបឞ្រាសតីឞូនុយ្សជានមោអោសទីឞ្រាសងាន់។ ពាង់ជាៈញឆុកញឆោរអ៝ក់ផូងប៝នលានអ្យាត់តឹងពាង់ មោអោសទើនតាប៝នអេផេឆោ អ្យាទើម លាមឞ្រីអាឆី អ្យាងាន់។* ១៩:២៦៖ ការ ១៧:២៩; អេឆា ៤០:១៨-២២ 27 លាសនទ្រីឞ៝ន់ក្លាចមោអោសទើនមានាវការផូងឞ៝ន់អ្យាទើមឞូមោហោមយើក។ ក្លាចលាសឞូមោហោមយើកត៝ត់មាញីសជានឞ្រាសមាឞ្រាសដីអាន អីទុតក្វ៝ង់អ្យា។ ឞ្រាសឞូអូរអីនៃអីឞូវៃយើកមឞាសលាមឞ្រីអាឆី នអ៝ប់មាលាមទឹងលែៈឞូនុយ្សតានែសនតូអ្យា អាបៃអ្យាក្លាចលាសរ៝សនាវឞូលឺពាង់ដ៝ង់”។ 28 ត៝ត់មាតាង់នាវពាង់លាសកើតនៃ ទឹងលែៈផូងតានៃជីនូយ្សទុតហោងាន់ ខាន់ពាង់នតែរទ្រើវលាស៖ “ឞ្រាសដីអាន តាប៝នអេផេឆោ អ្យាទុតក្វ៝ង់ងាន់!” 29 នោកនៃលាមប៝នគែសនាវអុសអាសតាសត៝រ់ងាន់ ខាន់ពាង់ហាន់គ្រុងគ្រាង់ជឹតនតុកឞូព៝ល់ ខាន់ពាង់តេកមផ៝ក់កៃយុស នទ្រែលមាអើរីសដារកុស ហាន់តារីដ៝ង់។ ខាន់ពាង់អីនៃជេងផូងឞ្រីមាឆេដោន វៃហាន់នទ្រែលពោល ។* ១៩:២៩៖ ការ ២៧:២ 30 ពោល អុចហាន់ម៝ប់ផូងប៝នលាននៃដ៝ង់ យើនមាផូងអ៝សម៝នឞ្វៃមោអោសអ៝ន់ពាង់ហាន់។ 31 នអ៝ប់មាផូងជានការក្វ៝ង់តាឞ្រីអាឆី នៃ អីតឹមនាល់មាត់ពាង់ ដាៈឞូហាន់មឞើសពាង់ ឞ៝ញមោអោសអ៝ន់ពាង់ហាន់តានតុកឞូព៝ល់នៃ។ 32 លែៈផូងប៝នលានតានៃ អាបាៈនតែរលាសនអា អាបាៈនតែរលាសនត៝ គែសនាវអុសអាសតាសត៝រ់ងាន់ឞេងនតុកឞូព៝ល់នៃ។ គែសអ៝ក់ឞូនុយ្សមោអោសគឹតម៝សនាវតឹមរាបុននៃ។ 33 គែសផូងអីឆ្រាអែល អាបាៈនត្រោលទូហ្វេតាឞាល់មពោលខាន់ពាង់នើមរាញាពាង់អាលេកឆាន់ត្រុស ដាៈពាង់ទ៝ក់ឞើសនាប់ឞូរី។ ពាង់យើរតីគៃមាអ៝ន់ឞូឞាសងើយ យ៝រមាពាង់អុចមឞើសងក៝ចមាផូងប៝នលានផូងអីឆ្រាអែល មោអោសគែសជានតីស។ 34 ត៝ត់មាឞូនាល់ពាង់ជេងផូងអីឆ្រាអែល អីមោយើកមឞាសមាឞ្រាសដីអាន ឞូនតែរទ្រើវលាស៖ “ឞ្រាសដីអាន តាប៝នអេផេឆោ អ្យាទុតក្វ៝ង់ងាន់!” ឞូនតែរទ្រើវលាសកើតនៃជ៝ៈក្លាប់លាសគែសឞារម៝ងងាន់។ 35 ត៝ត់ងគ្លែៈទុតកោរាញញចីសឆ៝ម់បុតតាប៝នអីនៃឞ្វៃផូងប៝នលានអ៝ន់គុរាក្លាក់ ពាង់លាស៖ “អើផូងអ៝សនោកោញវាតាអេផេឆោ ! ឞូនុយ្សតាប៝នអ្យាលែៈឞូគឹតទាទេជេសជេងផូងម៝ត់ញីសជានឞ្រាសមាឞ្រាសដីអាន អីឞ្រាសទុតក្វ៝ង់ នទ្រែលមារូបពាង់អីលែៈតុបតាៈឞើសកាលើត្រោកតី។ 36 មោអោសគែសឞូនុយ្សរាលាច់នាវនៃ លាសនទ្រីអ៝ន់ខាន់អៃមៃគុរាក្លាក់ហ៝ៈ។ លើយទឹងអោសខាន់អៃមៃទាសមាជានលាៈជានលេង។ 37 ខាន់អៃមៃលែវមពោលអីនៃតាអ្យា យើនមាខាន់ពាង់មោគែសអោសនតុងឞើសញីសជានឞ្រាស មោលាសងើយរាកឆ្វាយមាឞ្រាសឞូអូរដីអាន ផូងឞ៝ន់។ 38 លាសនទ្រី លាសដេមេត្រុស នទ្រែលមាផូងអីជានការដាសពាង់នៃ គែសនាវតឹមនតោនមាឞូ អ៝ន់ខាន់ពាង់ហាន់តឹមងើយទោយ្សតាឞើសនាប់កោរាញផាតទោយ្សតាញីសផាតទោយ្ស។ 39 លាសខាន់អៃមៃគែសនាវអុចអោបមានាវអេងជឹត ក៝ប់ត៝ត់ម៝ងឞូរាបុនក្វ៝ង់តឹងមានាវវៃ អ៝ន់ឞូញច្រាៈ។ 40 កើតនទ្រីអ៝ន់ឞ៝ន់ញជ្រាង់ ក្លាចលាសឞូនតោនឞ៝ន់នារអ្យាជាននាវអុសអាស ជេសរីឞ៝ន់ជ៝យនាវមាតឹមអើសដាសឞូមោហោមឞ្លាវវាៈមានាវជានអុសអាសអ្យា”។ 41 ជេសពាង់លាសកើតនៃ ពាង់ដាៈផូងរាបុននៃឆឹតលែៈផ្យៅ។
*19:1 ១៩:១៖ មោលាស «ហាន់គ្លាត់រ៝ៈយោក»។
*19:1 ១៩:១៖ ការ ១៨:២៧
*19:2 ១៩:២៖ ការ ១០:៤៤-៤៥
*19:3 ១៩:៣-៤៖ លក ៣:១៥-១៧
*19:8 ១៩:៨៖ ការ ១៣:១៤
*19:9 ១៩:៩៖ ១កោ ១:២២-២៥
*19:12 ១៩:១២៖ ការ ៥:១៥
*19:13 ១៩:១៣-១៦៖ ការ ១៦:១៨; លក ៩:៤៩
†19:19 ១៩:១៩៖ តានាវងើយគ្រែក មោអោសងើយមា«គុនងលារ» ងើយមា«ឆាផៅ»ច្រាវ យ៝រលាសនោកនៃតាឞ្រីអីនៃគែសនាវទើយកើតនអាងគែសញចីសតាឆាផៅ។
‡19:19 ១៩:១៩៖ តានាវងើយគ្រែក មោងើយនហេលមានតីលកាក់តាអ្យាអោស យើនមាគែសនាវខ្លៃអ៝ក់ងាន់ ទើយនតឹតមាព្រាក់ងខោមទូហ្វេឞូនុយ្សជានការ ៥០០០០ នារ។
§19:21 ១៩:២១៖ មោលាស «ឞ្រាសហ្វេងអ្វែសដាៈពោល »។
*19:22 ១៩:២២៖ ប៝នអេផេឆោ ជេងតាឞ្រីអាឆី ដ៝ង់។
*19:22 ១៩:២២៖ ការ ១៦:១-៣; ២តម ៤:២០
†19:24 ១៩:២៤៖ តានាវងើយគ្រែក គែសញចីស«អារតេមីស »។ យើនមារាញាពាង់តានាវងើយលាតាង់ រាញា«ដីអាន »។
*19:26 ១៩:២៦៖ ការ ១៧:២៩; អេឆា ៤០:១៨-២២
*19:29 ១៩:២៩៖ ការ ២៧:២