18
ពោល គុតាប៝នកោរិនតោ
1 ឞើសកើយនៃពោល លោសឞើសប៝នអាថែន ហាន់តាប៝នកោរិនតោ ។ 2 តាប៝ននៃពាង់ម៝ប់មាផូងអីឆ្រាអែល ទូហ្វេរាញាអាកីលា តាៈឞើសឞ្រីពុនតុស នទ្រែលមាអូរពាង់រាញាព្រីឆីល ។ ខាន់ពាង់មហែទូតាៈឞើសឞ្រីអីតាលី យ៝រលាសកោរាញកាដាច់ក្លោដេស ដាៈផូងអីឆ្រាអែល ទឹងលែៈអ៝ន់ទូលោសឞើសប៝នក្វ៝ង់រោម ឞ្រីអីតាលី ទាទេ។ ជេសរីពាង់ហាន់ខ៝ល់អាឞារហៃខាន់ពាង់នៃ។* ១៨:២-៣៖ ការ ១៨:១៨-១៩, ២៦; រម ១៦:៣; ១កោ ១៦:១៩ 3 ពាង់គុនទ្រែលខាន់ពាង់ ជានការនទ្រែល យ៝រលាសនាវជានការពោល នើសតឹមឞានឞាល់ ខាន់ពាង់ឞូនុយ្សជឹងនតោគៃមាជានចូន។* ១៨:៣៖ ១កោ ៩:១១-១២ 4 អាប់នារឆាបាត់ អីនាររាលូផូងអីឆ្រាអែល ពាង់គុនតីឞូតាញីសរាបុនផូងអីឆ្រាអែល ឞ៝ញជាៈផូងអីឆ្រាអែល នទ្រែលមាផូងគ្រែក អ៝ន់ឆឹតញឆីងមាឞ្រាសយេឆូ ។* ១៨:៤៖ ការ ១៣:១៤
5 ជេសឆីលាស នទ្រែលមាតីមោថេ លោសតាៈឞើសឞ្រីមាឆេដោន ត៝ត់តារី ពោល នត្លើយលែៈនាវជានការជឹងឞ៝កអីនៃ គៃមាមឞើសងក៝ចនាវឞ្រាសយេឆូ ទើម។ ពាង់ងក៝ចអ៝ន់មាផូងអីឆ្រាអែល ក្ល៝សរាសវាស ឞ្រាសយេឆូ ជេងឞ្រាសក្រីស អីនើមរាក្លាយ្សអីលែៈកោរាញឞ្រាសត៝នកាល់អែនើស។* ១៨:៥៖ ការ ១៦:១-៣ 6 យ៝រមាផូងអីឆ្រាអែល តឹមរាទ៝ង់មាពាង់ នទ្រែលមារាកឆ្វាយពាង់ដ៝ង់ ពាង់រាតោសឞ៝កអាវ* ១៨:៦៖ មានាវខ្លៃរាតោសឞ៝កអាវ ទាន់អ្វាញ់តា ការ ១៣:៥១។ពាង់នើមគៃមាញហើពាង់អុចតឹមងខាសមាខាន់ពាង់ងាន់ នហ៝មាលាសមាផូងនៃ៖ “លាសកោរាញឞ្រាសតេៈទោយ្សមាខាន់អៃមៃ យ៝រមានាវតីសខាន់អៃមៃនើមទើម មោហោមអោសយ៝រមាគ៝ប់ នតើមឞើសនារអ្យាជឹតនាប់គ៝ប់ហាន់នតីផូងអីមោទីផូងអីឆ្រាអែល ”។* ១៨:៦៖ ការ ១៣:៥១; លក ៩:៥; ១កោ ១:២២-២៤ 7 ជេសរីពោល លោសឞើសនតុកនៃ ហាន់តាជៃទូហ្វេឞូក្លោរាញាតីតុស-យុសតុស ។ ពាង់អីនៃឞូនុយ្សយើកមឞាសមាកោរាញឞ្រាស† ១៨:៧៖ «យើកមឞាសមាកោរាញឞ្រាស»គែសនាវខ្លៃលាសអេល៝រពាង់ឆឹតញឆីងមាឞ្រាសយេឆូ ពាង់លែៈឆឹតញឆីងមាកោរាញឞ្រាស។ដ៝ង់ ជៃពាង់កេងញីសរាបុនផូងអីឆ្រាអែល ។ 8 គែសឞូនុយ្សនើមម៝ត់អ្វាញ់ញីសរាបុននៃរាញាក្រីសពុស ពាង់ឆឹតញឆីងមាកោរាញយេឆូ នទ្រែលមារានាក់វ៝ល់ពាង់ដ៝ង់។ គែសអ៝ក់ឞូនុយ្សតាប៝នកោរិនតោ នៃតាង់នាវពោល ងក៝ច ជេសរីឆឹតញឆីង នទ្រែលមាទើននាវបាប់តែមយុកមាទាកដ៝ង់។ 9 គែសទូមាង់កោរាញយេឆូ តឹមមពើលមាពោល តានាវតឹមឆៃ ពាង់លាសកើតនអា៖ “មៃលើយក្លាចអោស អ៝ន់មៃហោមងើយមឞើសងក៝ចមាគ៝ប់ លើយអោសមៃគុរាក្លាក់* ១៨:៩-១០៖ ការ ៩:១២; ១៦:៩ 10 យ៝រលាសគ៝ប់គុនទ្រែលមៃ។ មោគែសឞូនុយ្សទើយតឹមរាទ៝ង់ជានអ្យើសមាមៃ នទ្រែលមាគែសអ៝ក់ដ៝ង់ឞូនុយ្សញឆីងមាគ៝ប់គុតាប៝នអ្យា”។ 11 ពោល គុតាប៝ននៃ ជ៝ៈទូនាម់ងគូល នតីនាវកោរាញឞ្រាសអ៝ន់មាឞូ។
12 យើនមានោកកាលីយោ ជានកោរាញក្វ៝ង់តាឞ្រីអាខៃ ‡ ១៨:១២៖ ប៝នកោរិនតោ តាឞ្រីអាខៃ ។ នោកនៃផូងអីឆ្រាអែល តឹមទីនាវគៃមាតឹមរាទ៝ង់ដាសពោល ញុបញជុនពាង់តានតុកញីសផាតទោយ្ស* ១៨:១២-១៣៖ ការ ២១:២៨ 13 នតោនពាង់អ៝ន់មាកោរាញក្វ៝ង់អីនៃ៖ “ឞូនុយ្សអ្យា ញឆុកជាៈឞូយើកមឞាសមាកោរាញឞ្រាសមានាវនតីអីតីសដាសនាវវៃផូងហេន”។ 14 ទោលពោល អុចមាងើយ កាលីយោ លាសកើតនអា៖ “អើផូងអីឆ្រាអែល លាសគែសទោយ្សងខឹតឞូ មោលាសនាវតីសក្វ៝ង់អាអេង គ៝ប់អុចអ្យាត់នាវខាន់មៃរ៝។* ១៨:១៤-១៥៖ ការ ២៣:២៩; ២៥:១៨-២០ 15 យើនមាលាសមានមាតឹមរាលាច់មានាវមឞើសងើយ មោលាសមារាញាឆាក់ឞូនុយ្ស មោលាសមានាវវៃផូងអីឆ្រាអែល ទើម គ៝ប់មោអុចអោសផាតទោយ្សនាវខាន់មៃនៃ។ អ៝ន់ខាន់មៃតឹមផាតទោយ្សអេងនទ្រាង់ខាន់មៃនើម”។ 16 ជេសរីពាង់ដាៈខាន់ពាង់ទូលោសឞើសញីសផាតទោយ្សនៃ។ 17 ទោលនៃឞូញុបឆោសតែន § ១៨:១៧៖ មោគឹតនហេលអោសឆោសតែន អ្យា ដាសមាឆោសតែន តា ១កោ ១:១ ជេងទូហ្វេឞូនុយ្សទើមមោលាសមោ។ ពាង់ជេងឞូនុយ្សកោរាញម៝ត់អ្វាញ់ញីសរាបុនផូងអីឆ្រាអែល រាពាត់អោឞាល់ឞើសនាប់ញីសផាតទោយ្សរីរ៝ យើនមាកាលីយោ មោអោសជីឞោកជីតោរមានាវនៃ។
ពោល ព្លឹឆឹតតាប៝នអ៝ន់តីយោក
18 ពោល ហោមគុតាប៝ននៃជ៝ៈនារជឹត ជេសរីពាង់នតិញផូងញឆីង ពាង់លោសឞើសប៝ននៃញច៝ទូកអុចហាន់តាឞ្រីឆីរី ។ ឞូនុយ្សហាន់នទ្រែលពាង់គែសព្រីឆីល នទ្រែលមាអាកីលា ឞារហៃអូរឆាយខាន់ពាង់។ ត៝ត់តានតុកឞូញឆ្រុងទូករី នតុកនៃរាញាប៝នកេងក្រេ ពោល ក្រែសងូកឞោកតានតុកនៃ យ៝រលាសពាង់លែៈជេសត៝នទូនតីលនាវតឹងនាវវៃផូងអីឆ្រាអែល * ១៨:១៨៖ តានាវវៃផូងអីឆ្រាអែល គែសនាវត៝នមាកោរាញឞ្រាសទូនតីល ឞូក្វាល់លាស៖ «នាវត៝ននាឆារីត »។ នោកត៝នមានាវត៝នអីនៃឞូក្រែសងូកឞោក ជេសរីមោហោមក្រែសឆ៝ក់ត្រុយ្សមាលែៈឞាសនាវត៝នអីនៃ នោកលែៈឞាសនាវត៝នអីនៃឞូជានឞ្រាសមាកោរាញឞ្រាសដ៝ង់។។* ១៨:១៨៖ ការ ១៥:៤១ 19 ខាន់ពាង់ញច៝ទូកត៝ត់តាប៝នក្វ៝ង់អេផេឆោ រី ជេសរីពោល ហាន់តាញីសរាបុនផូងអីឆ្រាអែល គុតឹមញច្រាៈមាផូងអីឆ្រាអែល តានតុកនៃ។ ជេសរីពាង់នតិញព្រីឆីល នទ្រែលមាអាកីលា ។* ១៨:១៩៖ ការ ១៣:១៤ 20 ឞូក៝ន់ពាង់គុជ៝ៈតាប៝ននៃ យើនមាពាង់មោអុចអោស។ 21 ពាង់នតិញលាសមាខាន់ពាង់តានៃ៖ “[គ៝ប់អុចលាប់ញេតបុនទូនតីលតាប៝នយេរូឆាលឹម ។] លាសកោរាញឞ្រាសអុច គ៝ប់ហោមព្លឹម៝ប់ខាន់អៃមៃដ៝ង់”។ ជេសរីពាង់ញច៝ទូកឞើសប៝នអេផេឆោ នៃ។* ១៨:២១៖ យាក ៤:១៥ 22 ត៝ត់តាប៝នឆេឆារា រី ពាង់ឞ្រោៈជ៝ង់តាប៝នយេរូឆាលឹម ខ៝ល់ផូងញឆីងមាឞ្រាសក្រីស តាប៝ននៃ ជេសឞើសនៃពាង់ហាន់តាប៝នអ៝ន់តីយោក ឞ្រីឆីរី ។ 23 ពាង់គុតាប៝ននៃជ៝ៈអ៝យ ជេសរីពាង់ហាន់គ្លាត់រ៝ៈឞ្រីកាលាតី រ៝ៈឞ្រីព្រីកៀ នហ៝មានតីអ៝ន់ផូងអ៝សម៝នជឹតអ៝ន់ញអោតន៝ប់នាវញឆីង។* ១៨:២៣៖ ការ ១៦:៦
អាពោលុស គុតាប៝នអេផេឆោ នទ្រែលមាប៝នកោរិនតោ
24 នោកពោល ហោមញឆ៝ងតាឞ្រីកាលាតី តាឞ្រីព្រីកៀ នៃ តាប៝នអេផេឆោ គែសទូហ្វេតាផូងអីឆ្រាអែល មហែត៝ត់ រាញាអាពោលុស ។ ពាង់តាៈឞើសប៝នអាលេកឆាន់ត្រី មឞើសងើយឞ្លាវងាន់ នទ្រែលមាគឹតជ្រូតានាវកោរាញឞ្រាសងើយ។* ១៨:២៤-២៨៖ ការ ១៩:១; ១កោ ៣:៤-៦; ១៦:១២; តត ៣:១៣ 25 ឞូលែៈនតីពាង់មានាវកោរាញយេឆូ នទ្រីទឹងពាង់នតីនាវកោរាញយេឆូ អ៝ន់ទីមាលែៈនូយ្សនហ៝ម់។ យើនមាពាង់មានមាគឹតនាវបាប់តែមយុកមាទាកអីយោហាន-បាប់តែម ទែជាន ទាសរីទើម។ 26 ពាង់នតីឞូតាញីសរាបុនផូងអីឆ្រាអែល ឞាញ់ងាន់។ ត៝ត់មាព្រីឆីល នទ្រែលមាអាកីលា តាង់កើតនៃ ខាន់ពាង់ជាៈពាង់គុនទ្រែល នតីមឞើសងក៝ចពាង់នាវកោរាញឞ្រាសអ៝ន់លើមាវ៝ត់ជឹត។ 27 ជេសរីអាពោលុស អុចហាន់តាឞ្រីអាខៃ ។ ផូងញឆីងតាអេផេឆោ អុចកើលពាង់ ជេសរីញចីសឆ៝ម់បុតអ៝ន់ពាង់ញអោតគៃមាអ៝ន់ផូងអ៝សម៝នគុតាឞ្រីនៃអ៝ន់រ៝មពាង់។ ត៝ត់ពាង់តានៃ ផូងអីកោរាញឞ្រាសលែៈអ៝ន់ញឆីងមាឞ្រាសយេឆូ ពាង់កើលអ៝ក់ងាន់ 28 យ៝រលាសពាង់តឹមរាលាច់ដាសផូងអីឆ្រាអែល តានាប់ឞូនុយ្សអ៝ក់រី ទើយពាង់ងាន់។ ពាង់មឞើសងក៝ចនាវកោរាញឞ្រាសងើយ មឞើសមាឞូឞ្រាសយេឆូ ជេងឞ្រាសក្រីស ងាន់ អីនើមរាក្លាយ្សអីកោរាញឞ្រាសលែៈត៝ននើស។* ១៨:២៨៖ ការ ៩:២២; លក ២៤:៤៤-៤៦; យហ ៥:៣៩
*18:2 ១៨:២-៣៖ ការ ១៨:១៨-១៩, ២៦; រម ១៦:៣; ១កោ ១៦:១៩
*18:3 ១៨:៣៖ ១កោ ៩:១១-១២
*18:4 ១៨:៤៖ ការ ១៣:១៤
*18:5 ១៨:៥៖ ការ ១៦:១-៣
*18:6 ១៨:៦៖ មានាវខ្លៃរាតោសឞ៝កអាវ ទាន់អ្វាញ់តា ការ ១៣:៥១។
*18:6 ១៨:៦៖ ការ ១៣:៥១; លក ៩:៥; ១កោ ១:២២-២៤
†18:7 ១៨:៧៖ «យើកមឞាសមាកោរាញឞ្រាស»គែសនាវខ្លៃលាសអេល៝រពាង់ឆឹតញឆីងមាឞ្រាសយេឆូ ពាង់លែៈឆឹតញឆីងមាកោរាញឞ្រាស។
*18:9 ១៨:៩-១០៖ ការ ៩:១២; ១៦:៩
‡18:12 ១៨:១២៖ ប៝នកោរិនតោ តាឞ្រីអាខៃ ។
*18:12 ១៨:១២-១៣៖ ការ ២១:២៨
*18:14 ១៨:១៤-១៥៖ ការ ២៣:២៩; ២៥:១៨-២០
§18:17 ១៨:១៧៖ មោគឹតនហេលអោសឆោសតែន អ្យា ដាសមាឆោសតែន តា ១កោ ១:១ ជេងទូហ្វេឞូនុយ្សទើមមោលាសមោ។
*18:18 ១៨:១៨៖ តានាវវៃផូងអីឆ្រាអែល គែសនាវត៝នមាកោរាញឞ្រាសទូនតីល ឞូក្វាល់លាស៖ «នាវត៝ននាឆារីត »។ នោកត៝នមានាវត៝នអីនៃឞូក្រែសងូកឞោក ជេសរីមោហោមក្រែសឆ៝ក់ត្រុយ្សមាលែៈឞាសនាវត៝នអីនៃ នោកលែៈឞាសនាវត៝នអីនៃឞូជានឞ្រាសមាកោរាញឞ្រាសដ៝ង់។
*18:18 ១៨:១៨៖ ការ ១៥:៤១
*18:19 ១៨:១៩៖ ការ ១៣:១៤
*18:21 ១៨:២១៖ យាក ៤:១៥
*18:23 ១៨:២៣៖ ការ ១៦:៦
*18:24 ១៨:២៤-២៨៖ ការ ១៩:១; ១កោ ៣:៤-៦; ១៦:១២; តត ៣:១៣
*18:28 ១៨:២៨៖ ការ ៩:២២; លក ២៤:៤៤-៤៦; យហ ៥:៣៩