នាវកោរាញឞ្រាសងើយនាវតឹមរាង្លាប់មហែ លូកា 16

នាវងើយនតឹតមាឞូនុយ្សម៝ត់អ្វាញ់ក្វែ

1 ជេសរីឞ្រាសយេឆូ លាសមាមពោលអ៝សម៝នពាង់៖ “គែសទូហ្វេឞូនុយ្សនទ្រ៝ង់ ពាង់អ៝ន់ទូហ្វេឞូនុយ្សជានការម៝ត់អ្វាញ់ទ្រាប់នទើពាង់។ ជេសរីគែសឞូឞ្រោៈមឞើសមាឞូនុយ្សនទ្រ៝ង់អីនៃលាស ឞូនុយ្សអីម៝ត់អ្វាញ់អីនៃទឹញរីស(មអីសមអែស)ទ្រាប់នទើពាង់ទុតហោ។ 2 ជេសរីឞូនុយ្សអីនទ្រ៝ង់ក្វាល់ឞូនុយ្សអីម៝ត់អ្វាញ់អីនៃលាស៖ «ល៝ង់មៃងក៝ចមាគ៝ប់អីទ្រាប់នទើគ៝ប់មៃម៝ត់អ្វាញ់ ម៝សនទើលែៈគែសអាបៃអ្យា? យ៝រលាសលែៈនាវគ៝ប់តាង់ឞូងក៝ចមាមៃមោអោសគែសនាវអ្វែស នទ្រីមៃមោហោមអោសម៝ត់អ្វាញ់ទ្រាប់នទើគ៝ប់ជឹត»។ 3 ឞូនុយ្សអីនៃងក្ល៝ន់អេងតាឆាក់ពាង់នើមរី៖ «ឞាសកោរាញមោអោសអ៝ន់គ៝ប់ម៝ត់អ្វាញ់ទ្រាប់នទើពាង់ជឹត។ លាសនទ្រីម៝សនទើជានគ៝ប់អីរីតៃ? លាសព៝ក់នែសហ៝ៈមោទើយ លាសទាន់ឞូហ៝ៈដីត។ 4 អោ! គឹតហើយ្ស គ៝ប់មរាជានកើតនអា គៃមាឞូរ៝មគ៝ប់គុតាជៃខាន់ពាង់ លាសពាង់មោហោមអ៝ន់គ៝ប់ជានការអ្យាតៃ»។

5 ជេសរីពាង់ក្វាល់ទឹងលែៈឞូនុយ្សអីហោមរាន៝នដាសកោរាញពាង់រីនើស អ៝ន់លាប់ទូហ្វេទូតឹ ពាង់អោបឞូនុយ្សអីឞើសនាប់រី៖ «ទាសអ៝ក់មៃហោមរាន៝នមាកោរាញគ៝ប់មេស?» 6 ឞូនុយ្សអីនៃមឞើសមាពាង់៖ «ហោមងី ១០០ យាង់ទុងយាង់ក្រែង»។ ពាង់លាសមាឞូនុយ្សអីនៃ៖ «ឆ៝ៈងាច់ហ៝ម់ឆ៝ម់បុតរាន៝នមៃញចីសតេៈលាស ៥០ យាង់ទុងយាង់ក្រែងហ៝ៈ»។ 7 ជេសរីពាង់អោបទូហ្វេឞូនុយ្សជឹត៖ «មៃទាសអ៝ក់ហោមរាន៝នមាកោរាញគ៝ប់មេស?» ឞូនុយ្សអីនៃមឞើសមាពាង់៖ «ហោមឞា ១០០ ឆាស»។ ពាង់លាសមាឞូនុយ្សអីនៃ៖ «ឆ៝ៈឆ៝ម់បុតរាន៝នមៃហ៝ម់ញចីសតេៈលាស ៨០ ឆាសហ៝ៈ»។

8 ជេសរីអីកោរាញរីរានេមាឞូនុយ្សម៝ត់អ្វាញ់ក្វែអីនៃ យ៝រលាសពាង់ឞ្លាវគឹតមឹនងាន់។ នទ្រីឞូនុយ្សមោអ្យាត់នាវកោរាញឞ្រាសឞ្លាវរាលាវឞូនុយ្សអ្យាត់ យ៝រលាសខាន់ពាង់ឞ្លាវជ៝យឆា គៃមាគែសនាវរេសអ្វែសតានែសនតូអ្យា។ យើនមាឞូនុយ្សអ្យាត់នាវកោរាញឞ្រាសមោអោសឞ្លាវកើតខាន់ពាង់គុរេសគឹតមានាវរេសអ្វែសតានារជឹតនាប់តៃ”។*

នាវទ៝ង់ទ្រាប់នទើតានែសនតូអ្យា

9 “គ៝ប់មឞើសមាខាន់អៃមៃ នោកខាន់អៃមៃហោមគុតានែសនតូអ្យា ពាៈទ្រាប់នទើខាន់អៃមៃនើមជានមឹតជាង់នទ្រែលឞូនុយ្សអ៝ក់ គៃមាត៝ត់ខាន់អៃមៃខឹតឆឹតប៝នអ្វែសតាកាលើត្រោករី មឹតជាង់ខាន់អៃមៃនៃរ៝មគុនទ្រែលនហ៝រ៝។* 10 ឞូម៝សឆ៝ង់មាជាននទើជេៈ ពាង់ឆ៝ង់មាជាននទើក្វ៝ង់ដ៝ង់។ ឞូម៝សក្វែមាជាននទើជេៈ ពាង់ក្វែមាជាននទើក្វ៝ង់ដ៝ង់។* 11 លាសនទ្រី លាសខាន់អៃមៃមោឆ៝ង់អុចឆាញឆ្យាន់មាទ្រាប់នទើខាន់អៃមៃនើមតានែសនតូអ្យា កោរាញឞ្រាសមោអោសអ៝ន់មាខាន់អៃមៃទ្រាប់នទើអីគែសនាវខ្លៃងាន់តាប៝នអ្វែសតាកាលើ*។ 12 លាសខាន់អៃមៃមោឆ៝ង់មាទ្រាប់នទើឞូអេង មើមកោរាញឞ្រាសទើយអ៝ន់ទ្រាប់នទើមាខាន់អៃមៃតាប៝នអ្វែសតាកាលើ? 13 មោគែសអោសទូហ្វេឞូនុយ្សទើយជានការអ៝ន់មាឞារហៃកោរាញ យ៝រលាសពាង់មរារ៝ង់មាទូហ្វេកោរាញ ជេសរីឞ្យាញ់មាទូហ្វេកោរាញអីអេង មោលាសតឹងជឹតទូហ្វេ មឺចអីទូហ្វេអីអេងរី។ កើតនទ្រីខាន់អៃមៃយើកមឞាសមាកោរាញឞ្រាសដ៝ង់ យើកមឞាសមាទ្រាប់នទើតានែសនតូដ៝ង់មោទើយអោស”។

នាវវៃផូងអីឆ្រាអែល មាដាសនាវកោរាញឞ្រាសម៝ត់អ្វាញ់ឞូនុយ្ស

(មថ ១១:១២-១៣; ៥:៣១-៣២; មក ១០:១១-១២)

14 គែសផូងផារីឆី តាង់នាវងើយកើតនៃ ខាន់ពាង់គើមមឺចមាឞ្រាសយេឆូ យ៝រលាសខាន់ពាង់នើសរ៝ង់មាព្រាក់ងាន់។* 15 ឞ្រាសយេឆូ លាសមាខាន់ពាង់៖ “ខាន់មៃជេងផូងអុចជានឆ៝ង់អ៝ន់មាត់ឞូនុយ្សឆៃ យើនមាកោរាញឞ្រាសលែៈគឹតជេសនូយ្សនហ៝ម់ខាន់មៃ។ គែសអ៝ក់នទើអីឞូនុយ្សកើបខ្លៃ តីសមាកោរាញឞ្រាសឞ្យាញ់ងាន់នទើអីនៃ។* 16 ឆ៝ម់បុតនាវវៃផូងឞ៝ន់† នទ្រែលមាឆ៝ម់បុតឞូនុយ្សនតើយ្សនាវងើយកោរាញឞ្រាសកាល់អែនើស ទឹងលែៈនទើលែៈគែសញចីសតានៃកោរាញឞ្រាសអ៝ន់ផូងឞ៝ន់អ្យាត់ នហ៝មាត៝ត់យោហាន-បាប់តែម នតើមនតុមនតីឞូ។ តាៈឞើសយោហាន-បាប់តែម អីនៃគ៝ប់មឞើសងក៝ចនតីនាវមហែមហានអ្វែសមានាវកោរាញឞ្រាសអុចម៝ត់អ្វាញ់ឞូនុយ្ស។ អ៝ន់ទឹងលែៈឞូនុយ្សញឆ្រោយ្សគៃមាកោរាញឞ្រាសម៝ត់អ្វាញ់មាខាន់ពាង់។* 17 យើនមានាវវៃផូងឞ៝ន់អីកោរាញឞ្រាសអ៝ន់មោអោសទើយរាគ៝ល់។ ត្រោក នទ្រែលមានែសនតូឞ្លាវរ៝ស យើនមាតានាវវៃអីនៃឞ៝លលាសតានាវអីទុតជេៈកាដោយមោអោសឞ្លាវរ៝ស។ 18 នតឹតលាសឞូម៝សនត្លើយអូរ ជេសរីឆ៝ៈតៃអូរអេងជឹត ឞូក្លោអីនៃជេងឞូនុយ្សល៝ម់អូរ។ ឞូម៝សឆ៝ៈអូរដាសឞូអូរឆាយនត្លើយ ឞូក្លោអីនៃជេងឞូនុយ្សល៝ម់អូរដ៝ង់‡”។*

ឞូក្លោនទ្រ៝ង់ នទ្រែលមាលាឆារ

19 ជេសរីឞ្រាសយេឆូ ងើយជឹត៖ “គែសទូហ្វេឞូក្លោនទ្រ៝ង់ ពាង់ញឆ៝សងគូតមាឞ៝កអាវអីអ្វែសៗងាន់ ឆ៝ៈឞើសឞ៝កឆូតឞ៝កហូល ពាង់គុរេសមអាកងាន់ឆោងឆាព្យាង់ត្រាវកាសងាន់អ៝ក់រាមែសអាប់នារ។ 20 គែសដ៝ង់ទូហ្វេឞូក្លោអ៝អាចរាញាពាង់លាឆារ លាមឆាក់ជាន់ពាង់គែសឆោតគ្រាយ្សទាទេ ឞូលែវពាង់អ៝ន់ឞិចតាឞោកមពោងជៃឞូនុយ្សនទ្រ៝ង់អីនៃ។ 21 ពាង់អុចងាន់ឆាព្យាង់នទាក់ត្រាវនទាក់អីត្រោសឞើសលើញឆឺងឆោងឞូនុយ្សនទ្រ៝ង់អីនៃគៃមាឞាសជីង៝ត គែសនអ៝ប់មាឆ៝ហាន់លែរឆោតគ្រាយ្សពាង់តារីដ៝ង់។

22 ត៝ត់ទូនារឞូនុយ្សអ៝អាចអីនៃខឹត ជេសរីផូងតោងពារ់លែវពាង់គុនទ្រែលអាឞ្រាហាម់ អីចែផូងឞ៝ន់តាប៝នអ្វែសតាកាលើគៃមាគុរេសអ្វែសតារី។ ឞូនុយ្សនទ្រ៝ង់អីនៃខឹតដ៝ង់ ឞូលែវត៝ប់ពាង់តាមោច។ 23 ជេសរីពាង់គុតាឞ្រីផាន តាឞ្រីផាន§រីគែសនាវរេសរាញាល់ក្រីតជេរទុតហោងាន់មាឞូនុយ្សនទ្រ៝ង់អីនៃ ពាង់ងគើរអ្វាញ់ឆៃចែអាឞ្រាហាម់ ឞើសងាយ នទ្រែលមាលាឆារ គុកេងពាង់រីដ៝ង់។ 24 ឞូនុយ្សនទ្រ៝ង់អីនៃនតែរក្វាល់ចែអាឞ្រាហាម់ ៖ «ហើយចែ! ទាន់មៃយោៈនអាចមាគ៝ប់បាៈអើ។ ឆើមដាៈលាឆារ ដាៈពាង់យុកទាកមាលាវតី ជេសរីហាន់នត្រោសតាមព្យាត់គ៝ប់អ្យាអ៝ន់មានអីកអ៝យ យ៝រលាសគុតាអុញអ្យាគែសនាវរេសញជីទុតហោងាន់»។ 25 ចែអាឞ្រាហាម់ អើសមាពាង់៖ «ហើយឆៅ! អ៝ន់មៃកាសគឹត ទោលមៃហោមរេសតានែសនតូនើស មៃលែៈនាល់មានាវអ្វែសងាន់ ល៝ង់លាឆារ អ្យាពាង់នាល់មានាវអ្យើសទើម។ អាបៃអ្យាលាឆារ លែៈគែសនាវឞ៝ញតាអ្យាហើយ អីមៃនៃមៃគុតានាវរេសញជីទុតហោងាន់។* 26 គែសដ៝ង់នតូឞ្រ៝ង់ទុតហ្វីវាសវាងហេនមាមៃ កើតនទ្រីទឹងឞូម៝សអុចហាន់ឞើសនតុកអ្យាជឹតនតុកមៃនៃ ឞើសនតុកមៃជឹតនតុកហេនអ្យា ឆ្វាងមោទើយអោស»។ 27 ឞូនុយ្សនទ្រ៝ង់អីនៃលាសមាចែអាឞ្រាហាម់ ៖ «ហើយចែ! លាសកើតនទ្រី ខឹតអោមលោមលាៈ ទាន់មៃដាៈលាឆារ ហាន់តាជៃឞឹគ៝ប់រីអើ‌ 28 យ៝រមាគ៝ប់គែសព្រាម់នុយ្សអ៝សនោឞូក្លោលាស។ ដាៈពាង់មឞើសមាខាន់ពាង់ អ៝ន់ខាន់ពាង់កាសគឹតញជ្រាង់ឆាក់ គៃមាលើយអោសអ៝ន់ហាន់តានតុកនាវរេសរាញាល់ទុតហោអ្យា»។ 29 ចែអាឞ្រាហាម់ អើសមាពាង់៖ «អ៝សនោមៃលែៈគែសឆ៝ម់បុតមោឆេ * នទ្រែលមាឆ៝ម់បុតឞូនុយ្សនតើយ្សនាវងើយកោរាញឞ្រាសកាល់អែនើស† លាសនទ្រីអ៝ន់ខាន់ពាង់អ្យាត់ទឹងលែៈនទើអីមពោលខាន់ពាង់អីនៃគែសញចីសតានៃទោ»។* 30 ឞូនុយ្សនទ្រ៝ង់ជ៝ល់អើសមាពាង់ជឹត៖ «មោអោស! ហើយចែ អ៝ន់គែសទូហ្វេឞូនុយ្សអីតាៈឞើសខឹតហាន់មឞើស រីមើខាន់ពាង់រាគ៝ល់លើយនូយ្សនហ៝ម់អ្យើស»។ 31 ចែអាឞ្រាហាម់ អើសមាពាង់៖ «លាសខាន់ពាង់មោអ្យាត់នាវមោឆេ នទ្រែលមានាវឞូនុយ្សនតើយ្សនាវងើយកោរាញឞ្រាសលែៈគែសញចីស ឞ៝លលាសគែសឞូនុយ្សខឹតទ៝ក់រេសហាន់មឞើសមាខាន់ពាង់ ក៝ៈខាន់ពាង់មោអ្យាត់ដ៝ង់»”។*

*16:8 ១៦:៨៖ រម ១៦:១៩; មថ ១០:១៦

*16:9 ១៦:៩៖ លក ១២:៣៣; មថ ២៥:៣៥-៤០

*16:10 ១៦:១០៖ លក ១៩:១៧

*16:11 ១៦:១១៖ មោលាស «លាសខាន់អៃមៃមោឆ៝ង់មានាវទ៝ង់ទ្រាប់នទើមោឆ៝ង់ ឞូម៝សអ៝ន់ទ្រាប់នទើអីគែសនាវខ្លៃងាន់មាខាន់អៃមៃ?»។

*16:14 ១៦:១៤៖ លក ២០:៤៧

*16:15 ១៦:១៥៖ លក ១៨:៩-១៤; ១ឆា ១៦:៧

†16:16 ១៦:១៦៖ ឆ៝ម់បុតនាវវៃផូងអីឆ្រាអែល ជេងឆ៝ម់បុតមោឆេ ញចីសតានាវតឹមរាង្លាប់អើម នតើមឞើសឆ៝ម់បុតនាវនតើម ត៝ត់មាឆ៝ម់បុតនាវវៃរាខិច។

*16:16 ១៦:១៦៖ យហ ១:១៧

‡16:18 ១៦:១៨៖ រានោកឞ្រាសយេឆូ ឞូទើយឆ៝ៈអូរអីឞូអូរឆាយនត្លើយ តីសមាកោរាញឞ្រាសមោអុចអោសនទើអ្យា។

*16:18 ១៦:១៨៖ ១កោ ៧:១០-១១

§16:23 ១៦:២៣៖ មោលាស «តានទ្រូងអុញ»។

*16:25 ១៦:២៥៖ លក ៦:២៤

*16:29 ១៦:២៩៖ ឆ៝ម់បុតមោឆេ គែសរាញាទូនតីលជឹត ជេងឆ៝ម់បុតនាវវៃផូងអីឆ្រាអែល ។ ទាន់អ្វាញ់ដ៝ង់តានទើញចីសឞើសទ៝ង់តា ១៦:១៦។

†16:29 ១៦:២៩៖ ទឹងលែៈឆ៝ម់បុតអីនៃគែសតានាវតឹមរាង្លាប់អើម។

*16:29 ១៦:២៩៖ ២តម ៣:១៦

*16:31 ១៦:៣១៖ យហ ៥:៤៦