4
A dijegoꞌrr ïdäjï Yicung
(Murkuj 1.12–13; Luka 4.1–13)
1 A be Lïgïꞌrïm ape Yicung nggwe ele poor gïtäny a dijegoꞌrr* 4.1 Dijegoꞌrr diru deleny didi ngwüꞌrïllä dicaar Jitan gwuru gweꞌte gïyïꞌrränü yidi gerala ngwuru ngwanni gwüdï yïꞌrrä aar nyortaci Ngwaalinganu a je be Ngwaalu linynya kerala. ele ndi ïdäjä. 2 Anni mung määtä ngwädä yomon küüꞌrï rom (40) lingen le na dilu de, a be ngwamu enyanu.
3 A dijegoꞌrr ꞌdonggaci ngwuci, “Manari nga gwuru Gïjï gidi Ngwaalu, ca yoꞌrra giyee aar rudini yon nga je eny.”
4 A Yicu ci, “Yüllïnä ndi ari, ‘Dïjï dümnä dati ꞌti midu eny gwe ꞌdogo a be dati midi ngwujaꞌri ngwe ꞌdar ngwanni ngwati ꞌtüdä ngwulemanu ngwudi Ngwaalu.’ 4.4 Täjïnïyä 8.3”
5 A dijegoꞌrr ape nggwe ele kündär ganni gijuꞌru ngwape ngwalliji ngwüdünï ngwüjärmädï ngwudi gobo† 4.5 Gobo na ngwuꞌdun ngwudi Ngwaalu, ngwuru ꞌdogo ngweꞌte pu Üräjälïm ngwuju gu ngwaalu Ngwujuꞌrana ngwanni ngwati gu ngwurꞌdal änï ꞌdogo yïnï ye yidi mïꞌrïnï nono ndi gätïjï Ngwaalingalu aar düdänïjï ngwüjänü ndi ke gwegen. korrala 6 ngwube ci, “Manari nga gwuru Gïjï gidi Ngwaalu, gätï ligoꞌro lunga ngene ꞌdi nga aalu gïdïyängälü. Ndi ari yüllïnä,
‘Nginde ngwa ondaca yïꞌrrä yüngün ara gu etadi.
Aar ang mätädälä ngwuy ngwe,
nunnu aaꞌti nga gwa obalu gora ge gunga koꞌrr.’ 4.6 Mäjïmür 91.11–12”
7 A Yicu ci, “Yüllïnä ꞌto ndi ari, ‘Aaꞌti nga gwa ïdäjï Delenya diru Ngwaalu ngwunga.’ 4.7 Täjïnïyä 6.16”
8 Oꞌre a dijegoꞌrr ape mana nggwe allu kenala golala gwulleny ngwenggaci yelenyalu ꞌdar yidi dïdlä na näjï gwegen. 9 Ngwube ci, “Ya je ätädä giyee ꞌdar manari nga gwuma ämnï nyii jürbäcälü nyii kwucalu yirku ye.”
10 A Yicu ci, “Dijegoꞌrr ndee abru kayanu! Yüllïnä ndi ari, ‘Jürbäcä Ngwaalingalu ngweꞌte pu nga je kwucalu yirku ye nga je äpïjï yobo jücü.’ 4.10 Täjïnïyä 6.13”
11 A dijegoꞌrr gatani ngwele. A yïꞌrr ila aar äpïjï yiiru.
A Yicu oꞌre Jälïl
(Murkuj 1.14–15; Luka 4.14–15)
12 Anni ma Yicu ꞌdingini ndi ari Yuwana gwuma aar määtä gwuma aar giki, ngwüꞌdïꞌrï ngwele Jälïl. 13 Ngwugatani gündärä gani Najra ngwele ngwuji kündär gani Kaprnawum gijacidaar yaw ye ngwaalu ngwani Jablun na Nabitali. 14 Ndi ari a ngwujaꞌri ngwudi Ngwaalu ätï ngwäyänü ngwanni ngwaru ngwe dïjïr dani Ajaya ndi ari,
15 “Dïyäng didi Jablun na dïyäng didi Nabitali,
gay gidi ele giyaw yidi Ordoning,
Jälïl gwudi ngwüjï ngwuru Garany.
16 Ngwüjï ngwanni ngwujalu gïdïrïmänü
ngwuma engga buri gwupa.
Gïläꞌdï liju gidil didi dïyäng didi yiꞌrany
lima je buri oꞌrracalu.” 4.16 Ajaya 9.1–2
17 ꞌTuꞌtu gaji nggoo ngwelada gweere, a Yicu ꞌdïꞌrï ndi enggaci ngwüjü ngwujaꞌri ngwuje ci, “Joꞌrenyanar, ndi ari yeleny yidi gerala yima ja gito.”
Ngwooꞌra ngwanni ngwurnida je Yicu gwerre gwerre
(Murkuj 1.16–20; Luka 5.1–11)
18 Anni ma Yicu ji ndi ele gïmämäng nono gidi yaw yidi Jälïlïng, ngwengga ngwoꞌra yengga rom, Jamaan gwani Butruj na gwenggen gwani Andrawuj, liju ndi gatu ngwüꞌdïbä giyaw ndi ari ngindenga liru ngwiina ngwudi ngwuum. 19 A je Yicu ci, “Gwujaniiny nggwa je ruji ngwiina ngwudi ommada ngwüjü giyeleny yidi Ngwaalu.” 20 Puprang no, aar ꞌdïꞌrï aar gatani ngwüꞌdïbälü aar gwujani.
21 Ngwoꞌre ngwuꞌdongga ngenone ngwengga ngwoꞌra yengga rom mana ngwuꞌter, Yagub gïjï gidi Jäbädï na gwenggen gwani Yuwana, liju gïbälükänü papanga le gwegen ndi gagiri ngwüꞌdïbänü ngwegen, ngwuje urnidi. 22 Aar ꞌdïꞌrï aar gatani bälükälü na papang gwegen aar gwujani.
A Yicu uꞌriyi ngwüjü nono ngwümä
(Luka 6.17–19)
23 A Yicu ele ngwulandalu ngwaalu ꞌdar kündär gani Jälïl ngwenggaci ngwüjü ngwujaꞌri ngwanni ngwujaw ngwämrä‡ 4.23 Ngwämrä ngwuru ngwaalu ngwati gu Ngwüyäwüd otaci Ngwaalingalu. Ngwüyäwüd ngwätï ngwämrä ngwonyadu gïyündär yegen ngwati aar gu oꞌrajidalu komon Kwoꞌra täꞌrïl aar gu äpïjï Ngwaalinga yobo aar gu uli ngwujaꞌri ngwüngün. ngwegen. Ngwuje ondaci yelenya ye yidi Ngwaalu ngwuꞌriyi ngwüjü dümdï nono ngwuje äbräjï dimdi nono ꞌdar danni dätäär. 24 A ngwüjï ꞌdinginalu ngwujaꞌri ngwe ngwüngün ꞌdar ngwaalu ngwani Jürïyä. Aar äpïjä ngwüjü ꞌdar ngwanni ngwümä dümdï donyadanu na ngwanni ngwati ji yiꞌrendeny eny nono yonyadanu na ngwüjï ngwanni ngwätïnä ngwüꞌrïllä nono na ngwanni ngwati äyïnï na ngwanni ngwuru ngwurga ngwuje uꞌriyi nono. 25 A ngwüjï ngwudi Jälïlïng ngwonyadu gwujani na ngwudi Yündär yanni yiru ꞌdï (10) na ngwudi gündär gani Üräjälïm na Yäwüdïyä na ngwudi ngwaalu dambal Ordon.
*4:1 4.1 Dijegoꞌrr diru deleny didi ngwüꞌrïllä dicaar Jitan gwuru gweꞌte gïyïꞌrränü yidi gerala ngwuru ngwanni gwüdï yïꞌrrä aar nyortaci Ngwaalinganu a je be Ngwaalu linynya kerala.
4:4 4.4 Täjïnïyä 8.3
†4:5 4.5 Gobo na ngwuꞌdun ngwudi Ngwaalu, ngwuru ꞌdogo ngweꞌte pu Üräjälïm ngwuju gu ngwaalu Ngwujuꞌrana ngwanni ngwati gu ngwurꞌdal änï ꞌdogo yïnï ye yidi mïꞌrïnï nono ndi gätïjï Ngwaalingalu aar düdänïjï ngwüjänü ndi ke gwegen.
4:6 4.6 Mäjïmür 91.11–12
4:7 4.7 Täjïnïyä 6.16
4:10 4.10 Täjïnïyä 6.13
4:16 4.16 Ajaya 9.1–2
‡4:23 4.23 Ngwämrä ngwuru ngwaalu ngwati gu Ngwüyäwüd otaci Ngwaalingalu. Ngwüyäwüd ngwätï ngwämrä ngwonyadu gïyündär yegen ngwati aar gu oꞌrajidalu komon Kwoꞌra täꞌrïl aar gu äpïjï Ngwaalinga yobo aar gu uli ngwujaꞌri ngwüngün.