33
Hay Dimmatngan nan Holag Israel ad Moab an Nalpudad Egypt
1 Hiyatuy ngadan di babluy an gun nungkampuan nan holag Israel hi nakakandad Egypt an na'uhi'uhigdan impangpangulun da Moses ay Aaron. 2 Ya immandal Apo Dios ay Moses ta itudo'nan amin nan ngadan di babluy an gunda pungkampuan. At hiya hatuy ngadan nan babluy:
3 Impadeh nan holag Israel an nakak hinan babluy ad Rameses* Bahaom nan footnote di Gen. 47:11. hidin miyapulu ta lemay algaw eden hopap di bulan† Unu Aviv/Nisan 15. Hiyah ne March-April hinan calendar tu'u. eden nabiggat hi nalpahan di Behtan nan Namaliwan di Anghel Apo Dios hinan Tatagun Holag Israel. Ya henen nakakanda ya mi'id di ta'otdah nangipadihanda an ta"on un titiggon nan i'Egypt 4 ti nipaddeh an gunda munlubu' hinan nun'atoy an papangpangullun imbabaluydan din numpatoy Apo Dios. Ya ni'moltan goh Apo Dios nan bulul an dayawondad Egypt.‡ Bahaom nan footnote di Ex. 12:12.
5 Ya heden nakakan nan holag Israel ad Rameses ya nidatongdad Sukkoth, at nungkampudah di.
6 Ya nakakdad Sukkoth, ya nungkampudad Etham hinan pingit di mapulun.
7 Ya nakakdad Etham, ya imbangngaddan ene'wad Pi Hahiroth an nehnod hinan babluy ad Ba'al Zephon, ya hidih nan neheggon ad Migdol di nungkampuanda.
8 Ya tinaynandad Pi Hahiroth, ya dinalanda ta binad'angda nan Mumbolah an Baybay§ Unu Red Sea. ta nangamung unda immatam hinan mapulun. Ya tuluy algaw di nundalanandah nan Mapulun an Etham ya unda midatong ad Marah an nungkampuanda goh.
9 Ya nakakdad Marah ta immuydad Elim an hidiy awadan nan himpulu ta duwan obob ya napitun ayiw an palma. Ya nungkampudah di.
10 Ya nakakdad Elim, ya immatamdah nan Mumbolah an Baybay, at nungkampudah di.
11 Ya nakakdah nan Mumbolah an Baybay ta nangamung unda nidatong hinan Mapulun an Sin, at hidi goh di nungkampuanda.
12 Ya nakakdah nan Mapulun an Sin, ya immuydad Dophkah ta hidiy nungkampuanda.
13 Ya nakakdad Dophkah ta immuydad Alush, at hidiy nungkampuanda.
14 Ya nakakdad Alush ta immuydad Rephidim, at hidiy nungkampuanda. Ya mi'id danum hi inumonda.
15 Ya nakakdad Rephidim ta immuydah nan Mapulun an Sinai, at nungkampudah di.
16 Ya nakakdah nan Mapulun an Sinai, ya immuyda nungkampud Kibroth Hattaavah.
17 Ya nakakdad Kibroth Hattaavah ta immuyda nungkampud Hazeroth.
18 Ya nakakdad Hazeroth, at immuyda nungkampud Rithmah.
19 Ya nakakdad Rithmah ta immuyda nungkampud Rimmon Perez.
20 Ya nakakdad Rimmon Perez ta immuyda nungkampud Libnah.
21 Ya nakakdad Libnah ta immuyda nungkampud Rissah.
22 Ya nakakdad Rissah ta immuyda nungkampud Kehelathah.
23 Ya nakakdad Kehelathah ta immuyda nungkampuh nan Duntug an Shepher.
24 Ya nakakdah nan Duntug an Shepher ta immuyda nungkampud Haradah.
25 Ya nakakdad Haradah ta immuyda nungkampud Makheloth.
26 Ya nakakdad Makheloth ta immuyda nungkampud Tahath.
27 Ya nakakdad Tahath ta immuyda nungkampud Terah.
28 Ya nakakdad Terah ta immuyda nungkampud Mithkah.
29 Ya nakakdad Mithkah ta immuyda nungkampud Hashmonah.
30 Ya nakakdad Hashmonah ta immuyda nungkampud Moseroth.
31 Ya nakakdad Moseroth ta immuyda nungkampud Bene Jaakan.
32 Ya nakakdad Bene Jaakan ta immuyda nungkampud Hor Haggidgad.
33 Ya nakakdad Hor Haggidgad ta immuyda nungkampud Jotbathah.
34 Ya nakakdad Jotbathah ta immuyda nungkampud Abronah.
35 Ya nakakdad Abronah ta immuyda nungkampud Ezion Geber.
36 Ya nakakdad Ezion Geber ta immuyda nungkampuh nan Mapulun an Zin an hakup ad Kadesh.
37 Ya nakakdad Kadesh ta immuyda nungkampuh nan Duntug an Hor hinan pogpog nan lutad Edom. 38 Ya minandal Apo Dios hi Aaron an Nabagtun Padi ta nunti'id hinan Duntug an Hor ta hidiy natayanah din hopap di algaw hinan miyaleman bulan eden miyanapat di tawon hi nakakandad Egypt.* Unu Abi 1, 1405 B.C. Hiyah ne July-August hinan calendar tu'u. 39 Ya heden natayan Aaron ya hinggahut ya han duwampulu ta tuluy tawona.
40 Ya nan alid Arad an nunhituh nan appit hi agwan hi un hagangon di buhu'an di algaw ad Canaan ya dengngolnan na'uyda nan holag Israel.
41 Ya nakakda goh nan holag Israel hinan Duntug an Hor ta immuyda nungkampud Zalmonah.
42 Ya nakakdad Zalmonah ta immuyda nungkampud Punon.
43 Ya nakakdad Punon ta immuyda nungkampud Oboth.
44 Ya nakakdad Oboth ta immuyda nungkampud Iye Abarim hinan pogpog di igad ad Moab.
45 Ya nakakdad Iye Abarim ta immuyda nungkampud Dibon Gad.
46 Ya nakakdad Dibon Gad ta immuyda nungkampud Almon Diblathaim.
47 Ya nakadad Almon Diblathaim ta immuyda nungkampuh nan aduntuduntug ad Abarim an neheggon hinan Duntug an Nebo.
48 Ya nakakdah nan aduntuduntug ad Abarim ta immuyda nungkampuh nan nundotal ad Moab hinan Wangwang an Jordan an dammang ad Jericho. 49 Ya hidih nan nundotal an lutad Moab di nungkampuandah nan way pingit di Wangwang an Jordan an nete"ah ad Beth Jeshimoth ta nangamung ad Abel Shittim.
Uldin hi Bumad'angan hinan Wangwang an Jordan
50 Ya himmapit hi Apo Dios ay Moses hidih nan awadandah nan nundotal hi ad Moab, ya inalinay, 51 “Mi'hapit'ah nan holag Israel ta alyom ay diday, Wa ay ta bumad'ang ayuh nan Wangwang an Jordan hi umayanyud Canaan 52 ya mahapul an pakakonyun amin nan numpunhitun den luta an atamanyu. Ya pa"ionyun amin nan batu ya gumo' an bululda, ya numba'ahyun amin di gunda pundayawan hinan bulul hinan nun'abagtun lugal. 53 Ya hakuponyuh nen luta, ya munhitu ayu ti indat'u tuwalih nen luta ta banohyu. 54 Ya punggogodwonyuh nen luta, mu mahapul an iyu'nuhyu, at nan do'do"ol an himpangapu ya do'do"ol goh di midat hi banohda, ya nan nahnot an himpangapu ya nahnot goh di banohda. At nan nepto' ay da'yun luta ya hiyah ne banohyu ya ihinanyun himpangapu. At nan banohyu ya miyunnudan hinan ngadan nan ahimpahimpangapun holag din o'ommodyu.
55 Mu gulat ta adiyu pakakon an amin danen tatagun numpunhitun nen luta ya danen udum an agguyyu pinakak di paddungnay mamutah matayu, ya paddungnay hubitda, at hubiton da'yu, at boholon da'yu eden lutan punhituwanyu. 56 At adiyu ay pakakon dida ya da'yuy pangata' hinan ninomnom'uh ato' ay dida.”