48
Hay Impa'innilan Apo Dios hi Ma'at ad Moab
(Isa. 15:1—16:14; 25:10-12; Ezek. 25:8-11; Am. 2:1-3; Zech. 2:8-11)
1 Hiyatu goh di impa'innilan nan nidugah di abalinanan Dios an dayawon tu'un holag Israel ay ha"in an hi Jeremiah hi ma'at ad Moab.* Intudun Flavius Josephus (37-100 A.D.) an ohan Hudyun nuntudo' hi historyn di Hudyu an nipa'annung heten impa'innilan Jeremiah hidin 582 B.C. An inalinay,
“Mahmo' ayun iMoab hi ad Nebo ya ad Kiriathaim ti makulug an mun'a'ubah ayu!
Ti la'tot ya abakon da'yuh nan buhulyu ti pumpa"ida nan allupyu,
at nidugah di abainanyun tatagu.
2 At mi'id mahkay di manaphapit hi amaphod ad Moab
ti nan buhul ya nonomnomonday atondan mama"id Heshbon† Heten hapit hinan Hudyu ya umat hinan hapitda an mama"id, at munhanul hi Apo Dios. Ya hiyay kapitulyun di iMoab (mu bahaom goh nan footnote di Jer. 48:45). ta mi'idon da'yun iMoab.
At ta"on un da'yun tatagud Madmen ya duminong‡ Heten hapit hinan Hudyu ya umat hinan hapitdah babluydad Madmen, at munhanul hi Apo Dios. ayu goh mahkay ti gubaton da'yu.
3 Ya ta"on un da'yud Horonaim ya awniat madngol di ahikikila
an dumalat di a'ubahanyu.
4 Ti mapa"i nongkay ad Moab,
at ahikikila nan ung'ungungnga.
5 At munti'id ayu ta ipluyud Luhith an adi medpol di kilayu,
ya wan madngol nongkay di ahikikilah nan kalatad Horonaim.
6 At Ha"in an hi Apo Dios ya alyo' ay da'yuy,
Umuy ayu ta mun'ipo"oy ayuh nan mapulun!
7 Ti gapu ta inyokodyuh nan abalinanyu ya nan inadangyanyu
at miyuy hi udum an babluy nan bululyu an hi Chemosh,§ Hi Chemosh di na'abbagbagtun bulul ad Moab.
ya nan padiyu, ya nan mangipangpanguluh nan pundayawanyun hiya,
ya da'yun amin ta hidiy ibaludanyu.
8 At mi'id di ta"on hi ohah nan babluyyud Moab hi adi mapa"i
ti Ha"in an Dios di nangalih pa"ion nan buhulyun amin nan babluy hinan nundotal ya hinan nammagtu.
9 At alyo' hinan buhulyuy,
Pa"ionyud Moab ta mi'id di mabalin hi munhituh di!
10 At da'yun tatagun adi mangat hi ipatamu' ya nidugah di pummolta' ay da'yu!
Ya da'yun adi mumpamatoy hinan iMoab
ya umat goh an nidugah di pummolta' ay da'yu!
11 Ya Ha"in an hi Apo Dios ya alyo' goh di,
Da'yun iMoab ya mi'id di na'at ay da'yu an nete"ah din immelganyu,
at hiyanan ninaynayun di pinumhodanyu.
At umat ayuh nan bayah an nunnonong hinan tibung an nittuwana an agguy neyew'ewel hinan udum an tibung,
ta hiyanan maphod di tamtamna ya hunghungna.* Nundengwa ad Moab hi abablubabluy an dimmalat nan greyp ya bayahda.
12 Mu hay alyo' an Dios ya adi madnoy at honogo' di mi'buhul
ta paddungnay pun'ihiitda nan nun'ittuh nan atibutibung an nittuwanda ta mi'id di mittu,
ya numpohalda nan tibung.
13 At mabainan ayun iMoab ti nan bululyun hi Chemosh ya adina abalinan an mangibaliw ay da'yu,
at umat hidin nabainan nan holag Israel hidin nangiyokodandah nan bululdad Bethel.† Nabainan nan i'Israel ti nan titindalun di alid Assyria di nangabak ay didah din 722 B.C., ya impiyuyda didad Assyria, ya agguy inabalinan nan bakan bululdad Bethel an impiyamman nan Alin hi Jeroboam I (930-909 B.C.) an namaliw ay dida (I Ki. 12:28-30).
14 Ya alyo' goh ay da'yun iMoab di,
Goh mah din alyonyu an nidugah an abalinanyun mi'gubat?
15 Ti ten punggohob di buhulyu nan babluyyu an pumpatoyda nan mumpangilog an titindaluyu.
Ti Ha"in an Ali an hay ngadan'u ya Nidugah di Abalinanan Dios di mangalih mapa"id Moab!
16 Ya hitun apa"ian di babluyyu ya adi madnoy at mipa'annung,
17 at da'yun nun'eheggon hi ad Moab an nanginnilah nundongolana ya kilaanyu.
An alyonyuy,
Nidugah ahan di napogpogan nan nundongol an ongol di abalinanan mumpapto' hi udum an tatagu!
18 At da'yun iDibon an e'gonan din tatagu
ya umbun ayuh hupu' ti pa"ionda nan allupyu,
ya pa"iondan amin nan babluyyud Moab.
19 Ya da'yun i'Aroer ya umuy ayuh nan kalata ta malauhda ay nan lumayaw an tatagu
ya hinanhananyuh un hay na'at.
20 At dida ya alyondan da'yuy,
Nidugah an ababain di na'at ay ditu'un iMoab ti na'a"abak tu'u!
At olton tu'uy kila tu'u,
ya nun'ibaga tu'uh nan tataguh nan pingit di Wangwang an Arnon an napa"i mahkay di babluy tu'u!
21 Ti nadatngan mahkay di amoltaan tun babluy tu'uh nan nun'abagtu
an ad Holon,
ya ad Jahzah,
ya ad Mephaath,
22 ya ad Dibon,
ya ad Nebo,
ya ad Beth Diblathaim,
23 ya ad Kiriathaim,
ya ad Beth Gamul,
ya ad Beth Meon,
24 ya ad Kirioth,
ya ad Bozrah,
ya an amin nan nun'eheggon ya nan nun'iyadagwin babluy tu'un iMoab!
25 At Ha"in an hi Apo Dios ya alyo' di,
Mapogpog mahkay nan ongol an abalinanyun iMoab an mi'gubat!
26 Ti da'yun iMoab ya nginohoya',
at hiyanan alyo' hinan buhulyu ta paddungnay butngon da'yun dida.
At mun'atu"in ayu ta olo'anyuy inutayu,
at mumbalin ayuh aba'abatlan di tatagu.
27 Hidin hopapna ya gunyu inaba'abatlan nan holag Israel.
Mu undan nangakawda ta wa ay ta nadalat di ngadanda
ya nungwigiwig ayuh pamihulyun dida?
28 At da'yun iMoab ya taynanyu nan babluyyu an numpunhituwanyu,
ya immuy ayuh nan awadan di daplah ta umat ayuh nan kalapati
an hay pangiyammaandah agabanda ya hinan way pantaw di liyang!
29 Immannung an dengngol'uy nidugah hi pumpahiyaanyu
ti hay punnomnomyu ya nabagtu ayu ya un nan udum an tatagu.
30 Mu Ha"in ya inila' nan pumpahiyaanyu,
mu mi'id di hulbina ti manuy hapityu,
ya mi'id di ipa'annungyu.
31 At hiyanan kilaa' da'yun iMoab,
an inyal'allanah nan linala'id Kir Hareseth an munha'it di punnomnoma' hi atayanda.
32 Ya nidugah goh di kila' ay da'yun iSibmah ya un nan kumilaa' hinan iJazer
ti umat ayu ahan hinan nitanom an greyp an nanaphapeng hi engganah nan Natoy an Lobong
ta nidatong hinan baybay ad Jazer.
Mu ad ugwan ya paddungnay pina"in di buhulyu nan na'allum an bungbungaanyu ya nan greypyu.
33 At din emmenghan pun'am'amlonganyun iMoab hi un ayu mumpugah hi intanomyu ya mami'id mahkay
ti hay madngol ya tu'u' di titindalun mi'gubat
an bo'on hay gangoh di mun'apal hi greyp.
34 Ya ma"adngol hi ad Elealeh ta engganad Jahaz nan ahipopokaw hi ad Heshbon,
ya ad Zoar, ya ad Horonaim, ya ad Eglath Shelishiyah.
Ti ta"on un nan danum hinan ala' ad Nimrim ya natdu' mahkay.
35 Ti Ha"in an Dios ya pogpogo' nongkay nan babluyyu,
ya nan munggohob hi incense,
ya nan udum an mun'onong ta e'nongyuh nan bululyu.
36 Mu munlungdayaa' damdaman dumalat nan ma'at ay da'yu
ti mami'id nan inadangyanyu an intamutamuanyu.
Ya hay aat di lumungdayaa' ya umat hinan tukal di kantah un way matoy.
37 At an amin ayu ya ih'ihanyuy hamayyu ya buu'yu,
ya gulatonyun hugaton di ngamayyu,
ya numpunlubung ayuh langgut ta ipattigyun munlungdaya ayu.
38 Ya an amin nan nundotal an atap di a'abungyud Mo'ab
ya ta"on un hinan kalata ya wadaday mumpunlungdaya.
Ti hitun pama"ia' hinan babluyyu ya mumbalin hi umat hinan napohla' an banga an mi'id mahkay di iyusalana.
39 At nidugah ahan di napa"iana,
at ahikikila ayu an dumalat di nabainanyu.
Ti numbalin hi atata'ot di tigaw nan babluyyu
ta omod hi un aba'abatlan di tataguh nan nunlene'woh an babluy.
40 Ya Ha"in an hi Apo Dios ya waday ipa"el'un alyo' di,
Nan buhulyu ya umatdah nan muntadyapan an agila
an un himbumagga ya inlayawnay babluyyu!‡ Hay ipa"elna ya nan titindalun nan Alin hi Nebuchadnezzar.
41 Ti polhon di buhulyu nan babluyyu an ta"on un nan nun'ihamad an nun'a'allup,
at nidugah an mi'id di bi'ah nan titindaluyu an umatdah nan babain nuntungaw.
42 At mun'apa"i mahkay nan babluyyu ti nginohoya' ay da'yu,
43 at hay hohoddonyu ya nan nidugah an umipata'ot
ya nan agahanyuh nan bitu,
ya nan ahuluanyu.
44 Ya nan lumayaw ay da'yu an dumalat di ta'otna ya magah hinan bitu,
ya gulat ta abalinanan bumuhu' hinan bitu ya mahulu damdama goh.
At umat hina nongkay di ma'at ay da'yun iMoab ti nadatngan di amoltaanyu!
45 At nan lumayaw ya mipogpogdad Heshbon an nun'alian din hi Sihon§ Ta"on un ad Heshbon di kapitulyudad Moab mu hin'umu'uddum ya penloh nan holag Ammon henen siudad ta hinakupda goh an umat hinan inat nan Alin hi Sihon (Num. 21:26). Hidin amatagun Jeremiah ya hakup nan holag Ammon (Jer. 49:3).
ti waday nidugah an apuy hidi.
At heden apuy di mama"in amin hinan babluyyud Moab
ya nan mumpungngohoy ay Ha"in an Dios.
46 At mahmo' ayun iMoab an nundayaw ay Chemosh ti ad ugwan ya mun'a'ubah ayu!
Ya miyuy hi udum an babluy nan imbabaluyyu ta hidiy ibaludanda!
47 Mu udum di algaw damdama ya pumbangngado' da'yun iMoab hinan babluyyu.
Ha"in an hi Apo Dios di nanapit ene.”
At hiyah te nipogpogan nan inalin Apo Dios hi ma'at hi ad Moab.
*48:1 Intudun Flavius Josephus (37-100 A.D.) an ohan Hudyun nuntudo' hi historyn di Hudyu an nipa'annung heten impa'innilan Jeremiah hidin 582 B.C.
†48:2 Heten hapit hinan Hudyu ya umat hinan hapitda an mama"id, at munhanul hi Apo Dios. Ya hiyay kapitulyun di iMoab (mu bahaom goh nan footnote di Jer. 48:45).
‡48:2 Heten hapit hinan Hudyu ya umat hinan hapitdah babluydad Madmen, at munhanul hi Apo Dios.
§48:7 Hi Chemosh di na'abbagbagtun bulul ad Moab.
*48:11 Nundengwa ad Moab hi abablubabluy an dimmalat nan greyp ya bayahda.
†48:13 Nabainan nan i'Israel ti nan titindalun di alid Assyria di nangabak ay didah din 722 B.C., ya impiyuyda didad Assyria, ya agguy inabalinan nan bakan bululdad Bethel an impiyamman nan Alin hi Jeroboam I (930-909 B.C.) an namaliw ay dida (I Ki. 12:28-30).
‡48:40 Hay ipa"elna ya nan titindalun nan Alin hi Nebuchadnezzar.
§48:45 Ta"on un ad Heshbon di kapitulyudad Moab mu hin'umu'uddum ya penloh nan holag Ammon henen siudad ta hinakupda goh an umat hinan inat nan Alin hi Sihon (Num. 21:26). Hidin amatagun Jeremiah ya hakup nan holag Ammon (Jer. 49:3).