18
Hay Nipa'innilah Amoltaan ad Cush* Ta"on un hakup ad Egypt hidin penghana mu hiyay babluy ad Ethiopia ad ugwan.
(Isa. 20:1-6; Zeph. 2:12)
1 Mahmo'da nan numpunhitud Cush
an neheggon hinan wangwang an awadan di ahipapayagpag an dudun.† Mid mapto' ya ipa"elday mun'abi'ah an titindalud Cush.
2 An gun mannag hi umuy hinan udum an babluy hi un way ipa'innilada
an munlugandah bangkan hay niyamma ya nan atlubong.
Ya hay pange'wanda ya nan Wangwang an Nile.
At da'yun mumpunwilit an gun mahnag
ya mumbangngad ayuh nan babluyyun nabattabattanan hi wangwang
an awadan di atata'nang an tatagun ul'ulidammuh di up'upda,‡ Waday hamay nan Hudyu, mu mi'id hinan i'Ethiopia.
ya nat'on di hapitda an ta'tan di tataguh abablubabluy
an gapuh amabungotda ya ongol di abalinanda.
3 At da'yun tataguh abablubabluy hitun luta
ya tigonyu ta wada ay di mipatulun bantilah nan duntug
ya mipagangoh ay nan talampet ya ihamadyun donglon.
4 Ti inalin Apo Dios ay ha"in di,
“Awni akkay ta tigo' nan ma'ma'at.
Ti umata' hinan potang an mid al'ali ya bimmuhu'.”
5 Ya manu ay umat hinay inalina
ti nan ninomnomnan ma'at an pamogpoganah nan i'Assyria
ya mipaddung hinan nitanom an greyp an agguy nalum di bungada
ya numputulanay halepengda.
6 At mun'iwalatangdah nan luta ta way onon di hamutih nan duntug
hi engganah apogpogan di tiyalgaw,
ya nan ma'angang ya onon di animal hi inalahan hinan lawang.
7 Ya henen gutud di pangiyalian nan tatagun atata'nang ya ul'ulidammuh di up'updah
adaw an midat ay Apo Dios an nidugah di abalinana.
An didana din ta'tan an amin di tataguh nan nun'eheggon ya nun'iyadagwin babluy
ti mun'abi'ahda ya mangab'abakda
an hay babluyda ya nigagwah nan wangwang.
Ya henen adawda ya iyuydah nan Duntug an Zion
an nan pundayawandan Apo Dios an nidugah di abalinana.§ Hidin natayan nan Alin hi Sennacherib hidin 681 B.C. ya impiyuy nan i'Assyria di adawda ay Alin hi Hezekiah hi ad Judah (II Chron. 32:23).
*^ Ta"on un hakup ad Egypt hidin penghana mu hiyay babluy ad Ethiopia ad ugwan.
†18:1 Mid mapto' ya ipa"elday mun'abi'ah an titindalud Cush.
‡18:2 Waday hamay nan Hudyu, mu mi'id hinan i'Ethiopia.
§18:7 Hidin natayan nan Alin hi Sennacherib hidin 681 B.C. ya impiyuy nan i'Assyria di adawda ay Alin hi Hezekiah hi ad Judah (II Chron. 32:23).