17
Hay Pummoltaan Apo Dios ad Damascus
(Jer. 49:23-27; Am. 1:3-5; Zech. 9:1)
1 Hay impa'innilan goh Apo Dios hi ma'at ad Damascus an kapitulyud Aram* Unu ad Syria. ya inalinay,
“Awniat tigonyud Damascus an nidugah di apa"iana
at bo'on mahkay babluy di aatna.
2 Ya nan abablubabluy ad Aroer† Hiyah ne igad ad Aram (unu ad Syria) hi appit hi agwan hi un hagangon di buhu'an di algaw. ya minganuyda.
At hay baka ya kalniluy umuy hidi
ti mi'id di taguh dih mangabul ay dida.
3 At ad Damascus ya ma'abak an umat hinan na'allup an babluy ad Israel an mapa"i
ta mi'id di ipo"oyan nan tataguh di.
At nan ma'angang an tatagud Aram ya umatda nongkay hinan i'ibbayun i'Israel
an mami'id din nidugah an abalinanda.‡ Hidin 732 B.C. ya hinakup nan Alin hi Tiglath-Pileser III (744-727 B.C.) an nalpud Assyria ad Damascus, ya inabakna goh nan do'ol an siudad ad Naphtali ya ad Zebulun an hakup ad Israel, ya pinaligatna dida (Isa. 9:1).
Ha"in an nidugah di abalinanan Dios di nanapit ete.”
4 Ya inalin goh Apo Dios di,
“Henen a'atana ya nan ma"aphod an aat di i'ibbayun holag Jacob ya maluman
ti mami'id mahkay di inadangyanda,
at umatdah nan ahohomo' an tagun na"ung'ung.
5 At mipaddungdah nan paguy hi payaw an nabto' ay ya ma'lengda,
at umat hinan Nundotal an Rephaim.§ Nan Nundotal an Rephaim ya ma"ap'aphod di nitanom hidi ya un nan udumnan lugal.
6 Mu nan pumpugahan hinan bungbungaan an umat hi olibo
ya mabalin an wadaday ohha'ohhah bunganah ma'angang hi uddu'na.
Umat goh hinay ma'at hinan i'ibbayun holag Israel an awniat wadaday ma'angang.
Ha"in an hi Apo Dios an dayawonyun holag Israel di nanapit ete.”
7 Ya ma'at ay hatu ya ibilang mahkay nan tatagu
nan nunlumun didan hi Apo Dios an dayawon tu'un holag Israel.
At Hiya mahkay di pumpabadanganda.
8 At bo'on mahkay nan inyammadan pun'onngan hinan udum an dayawon di udum an babluy
an umat ay Asherah di pange'kodanda.
Ya adida mahkay munggohob hi incense hinan pun'onngan.
9 Ya henen a'atana ya nan nun'a'allup an babluy ya mapa"ida ta matawanda.
10 Mu da'yu ya inaliwanyuh Apo Dios an nangibaliw ya gun nangipapto' ay ditu'un
nipaddung hinan daplah an nahamad hi ihi'ugan.
Mu hay inatyu ya un ayuat goh nuntanom hinan ma"aphod an tanom
an nalpuh udum an babluy.
11 Mu ta"on hi un himbumagga ya himmangaw ya himmabungdah nan mabiggat
mu adi damdama mabalin hi pugahonyuy bungada
ti mi'id di hulbidah nan dumatngan di nidugah an punligatan ya lumungdayaan.* Hanan dumalat hinan gumubatan nan i'Assyria hinan i'Israel.
12 Anakkayah di gehom nan do'ol an titindalun nalpuh nan numbino'ob'on an babluy
an paddungnay un gongaah nan mabi'ah an danum.
13 Mu ta"on hi unda umat hinan atata'ot an gongaah di do'ol an danum
mu ihingal ay Apo Dios dida ya ma'aladyawdah nan adagwi,
at umatdah dugin miwa'at hinan duntug,
unu dagamin iyaddib di tuyup.
14 At ta"on hi unda nidugah an atata'ot hinan mahdom
mu adi mawa'ah at mami'idda.
Ti umat hinay pumbalinan nan puma"i unu nan pumloh hi gina'uh tun babluy tu'u.† Bahaom di Isa. 37:36-37 an ipa'annungan ten nibaga.
*17:1 Unu ad Syria.
†17:2 Hiyah ne igad ad Aram (unu ad Syria) hi appit hi agwan hi un hagangon di buhu'an di algaw.
‡17:3 Hidin 732 B.C. ya hinakup nan Alin hi Tiglath-Pileser III (744-727 B.C.) an nalpud Assyria ad Damascus, ya inabakna goh nan do'ol an siudad ad Naphtali ya ad Zebulun an hakup ad Israel, ya pinaligatna dida (Isa. 9:1).
§17:5 Nan Nundotal an Rephaim ya ma"ap'aphod di nitanom hidi ya un nan udumnan lugal.
*17:11 Hanan dumalat hinan gumubatan nan i'Assyria hinan i'Israel.
†17:14 Bahaom di Isa. 37:36-37 an ipa'annungan ten nibaga.