1 च लिउँइ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।✡ 13:1 दान ७:३; दर्शन १७:३,७-१२ 2 ङइ म्रोंबै च खेदो चितुवा धों ब्योंब् मुँल। चए प्‍हले भलुए प्‍हले धों तब् मुँल, झाइले चए सुँ सिंहल् धों ब्योंब् मुँल। च अजिङ्गरइ च चितुवा धों ब्योंबै खेदोलाइ ह्रोंसए शक्‍ति, थेबै हग नेरो राजगद्दि पिंइ।✡ 13:2 दान ७:४-६ 3 च खेदोए क्र ङि न्‍होंर्बै क्र घ्रिर बेल्‍ले नल् लब थेबै घा धों तब् म्रोंइ, दिलेया लिउँइ च घा सयाइ। छतसि ताँन् पृथ्‍बीर्बै म्‍हिमैं प्लेटोयासि च खेदोए लिलि ल्‍हैदिइ। 4 झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”

5 च खेदोलाइ परमेश्‍वरए बिरोधर आछ्याँबै ताँमैं पोंल् पिंइ। चलाइ प्लिच्‍यु से म्हैंन ङ्हिल् समा पाप लबै हग पिंल। 6 छतसि च खेदोइ परमेश्‍वरए बिरोधर आछ्याँबै ताँ पोंसि परमेश्‍वरए मिं, परमेश्‍वर टिबै क्‍ल्‍ह्‍यो नेरो स्‍वर्गर टिब्मैं ताँनए बिरोधर आछ्याँबै ताँ पोंबर होंइ।✡ 13:5-6 दान ७:८,२५; ११:३६ 7 च खेदोइ परमेश्‍वरए म्‍हिमैंने ल्हडें लसि चमैंलाइ ट्होवाल् पिंइ। झाइले ताँन् कुलर्बै म्‍हिमैं, ताँन् ह्‍युलर्बै म्‍हिमैं, ताँन् क्युइ पोंब्‍मैं नेरो ताँन् ह्रेंर्बै म्‍हिमैंए फिरै या चलाइन ग्याल्स लल् पिंइ।✡ 13:7 दान ७:२१ 8 पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।✡ 13:8 भज ६९:२८

9 “न्‍ह मुँब्मैंइ चु ताँ छेनाले थेद्।

11 च लिउँइ धबै अर्को खदो घ्रि पृथ्‍बीउँइँले त्‍होंखरिब् ङइ म्रोंइ। च खेदोल क्यु च्हजए रुँ धों ब्योंबै रुँ ङ्हिं मुँल। दिलेया अजिङ्गर धोंलेन् च खेदो पोंमल। 12 चइ ओंसोंबै खेदोए ताँन् हग चए उँइँर्न ओलेमल। पृथ्‍बी नेरो पृथ्‍बीर टिब्मैंलाइ च ओंसोंबै खेदोलाइ चइ फ्‍योद् बिसि ल्‍हैदिमल। च ओंसोंबै खेदोए थेबै घा सयाल। 13 चइ मुउँइँले पृथ्‍बी समा मिए राब खारमिंसि म्हिमैंए उँइँर प्लेटोयान् तबै केमैं लमल। 14 ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ। 15 च कु पोंल् खाँरिगे, धै च कुलाइ आम्हाँदिब्‍मैंलाइ चइ सैवाल् खाँरिगे बिसि च लिउँबै खेदोइ च कुलाइ सोगों तबै हग पिंइ। 16 झाइले च खेदोइ थेब नेरो च्‍योंब, प्लब नेरो ङ्हाँदु, केब्छैं ङिंलेया आङिंलेया, ताँन् म्हिलाइ चमैंए क्‍योलो योर अथवा ङ्‌होर छाप झोंबर ल्‍हैदिइ। 17 च खेदोए मिंए छाप, अथवा चए मिंए नम्‍बरए छाप, ह्रोंसए ज्युर आरेइबिस्‍याँ खाबज्यै तोइ सै किंलै आयोंमल, तोइ चुँलै आयोंमल।

18 चु ताँ क्‍होबै ल्हागिर ज्ञान चैदिम्। मैंल् खाँबै म्हिइ च खेदोए नम्‍बरए अर्थ क्‍होल् खाँम्, तलेबिस्याँ च नम्‍बर म्‍हि घ्रिए मिंए नमुना ग। चए नम्‍बर टुब्रासे टुच्‍यु से टु (६६६) ग।