18
Korinta: Paulo Vala Dedevina
italavaite Diyuu yaidi go, sikatae
italavaite Diyuu yaidi go, sikatae
1 Ame dogoiyadi sikavava, Paulo itaoya Ateni ikalave go, ina Korinta goi. 2 Tayamo Diyuu yoina Akuila amoko goi ivalobode. Akuilayana Pontosi‡a Pontosi: Ame tayamo parovinsi Roma aba lovina sinaena ikaaiyaka. korotoina go, monena yoina Pirisikila‡b Pirisikila: Ame vavina youyuwoina moe Pirisika (Gui 18:18,26; Rom 16:3; 1Ko 16:19; 2Ti 4:19). Itali parovinsi sinaena asa Roma goi silogala. Ago makaitaga Roma sikalave sigalakunu sima Korinta goi sikaaiyaka unana boi Sisa Kiladiyasi ilovina bego Diyuu liliudi Roma sikalave. Sikaaiyaka, e Paulo ina igitedi. 3 Ikaaiyakedi be nakae ipaaisewa tauyadi taiyao unana Akuila be Paulo idi paisewayana tayamo, moe parai ana gíluma.‡ Parai ana gíluma: Ame parai nakona yoguyogu sakavaina goi o nakona goti unuunudi goi sigilumidi. Paraiyadi moe yoyou manuna o maniyedi nakona areko manudi. Kidi Diyuu idi nuwonúwana moe igoyo neta tovatulúkwana esaesa ina vatulúkwana goi ibabane. Tauna tovatulúkwana toinina nimana goi ipaisewa bego ina mani ibabane. 4 E Pauloyana Sabati tamo tamo inonoina Diyuu idi kaba tugúguna goi Yeisu Valena manuna ikaugeeogéona go, Diyuu be nakae Totuyoyowo, tauyadi Yaubada ana totaimaminayao, itaamyabidi bego sinumisa.
5 E tutayana Sailasi be Timoti Mesadoniya parovinsi goi sisou sima Korinta, tauna Paulo itoboine ina paisewa ikalave go, toinina ikasale Yeisu ana talavaita yaina. Tauyana italavaita makimaki Diyuu yaidi idigo kana,
‘Yeisu kina moitamo Guyau, Yaubada ana Vadámana.’
6 Go Diyuuyadi sitaoya, Paulo sivaakaleye nakae sitaagiwoi. Tuwo tauyana itaoya ana kwama ikatusapisapi ina katae manuna idigo kana,
‘Neta komi kovailai, boma! Moe geya yau guna puwoya geya. Ame tutayana yau bei ana kidi Totuyoyowo yaidi Vala Dedevina atalavaite.’
7 Ibóbwara ikavava, idi kaba tugúguna ikalave go, ibala ina koroto tayamo yoina Taitiyo Yusto ina vada. Tauyana Yaubada ana totaimámina tayamo. Ina vadayana moe Diyuu idi kaba tugúguna kikina. Amoko goi Paulo itoboine ivatulúkwana. 8 E Kirisipo† Gui 18:17; 1Ko 1:1,14. amo aba tugugunayana ana tolovina go, mana bodayauwo liliudi sinumisa Tomoya yaina. Tuwo da Korinta badabadaidi nakae tutayana valena sinove, sinumise be nakae adi sayóyova sibabane. 9-10 E Paulo ikaaiyaka go, sabamgo tayamo nukotona goi ikalayáusa. Ina kalayausayana goi Tomoya isowóduwo, tauyana ilatuwoko idigo kana,
‘Paulo, taabu kuumatōita, go sem nava kubobōbwara unana yau guna bodao badabadaidi ame asayana goi sikaaiyaka. Tauna geya vatau tayaamo itoboine iyogedegedem unana yau akaaiyaka yaim. Tauna taabu kuutugāu, go sem nava Vala Dedevina kutaalavāite.’
11 E tuwo tauyana tala tayamo be tukówana ainima tayamo ikaaiyaka Yaubada ina Vala ivaatulúkwana da Korinta yaidi.
12 E Akeya parovinsi ana gávana yoina Galiyo iilovina go, kidi Diyuu nuwodi tayamo goi sitaoya Paulo siyoisi sinave Galiyoyana ina kaba takínona ana kaba tusobu goi 13 sidigo kadi,
‘Ame korotoyana ima ameko tomota itamyabidi sisaakululu Yaubada yaina go, moe sakululuyana geya kada Roma ina lovina nakae geya.’
14 E Paulo bego ibóbwara go, Galiyoyana ilatuwokoidi idigo kana,
‘Komi Diyuu, neta ame korotoyana ibágala o goyo tamo gagaina iguinuwe, bei yaimi goi amesayágana, e niyami anove. 15 Go moe komi bóbwara, you be nakae toinimi imi lovina manudi kokaumakimaki, tauna moe komi toinimi imi polava. Yau geya latuwogu bego moe dogoiyadi manudi atakínona.’
16 Ibóbwara ikavava, aba takínona goi Diyuuyadi ivalilivedi sina. 17 E boda madabokina sitaoya, aba tugugunayana ana tolovina Sositeni‡ Sositeni: Ame youyana ana yagoina moe yava ana togaga. Tomota maniyedi sinuwonúwana ame tauyana youyuwoina moe Kirisipo (Gui 18:8). Mainao yoina Kirisipo go, tutayana Yeisu inumise, Paulo ivayou Sositeni (1Ko 1:1). siyoisi, aba takínona ana kaba tusobuyana matana goi siláui go, ame guinuwayana manuna Galiyo geya inuwonuwoneta.
Paulo ikaluvilamna ina Antiyoki
18 E kina go Pauloyana maliyalina tuwaina amoko goi ikaaiyaka senao nuumisaidi yaidi. Maliyalinayadi sikavava, senaoyadi ivaduduwedi go, Pirisikila†a Gui 18:2,26; Rom 16:3; 1Ko 16:19; 2Ti 4:19. be Akuila taiyao siiwo sina asa Kenakareya. Amoko goi Pauloyana kununa ibobo. Boi tauyana ikatótula Yaubada yaina go, kununa ana bóbwana moe aba kinana ina katotulayana bogina iguinuwe. E siiwo sina Kenakareya goi oga tayamo sibabane, sisowoya. Sisowoya, sikailova silokoina sina Siriya.†b Yoy 6:18. 19 Sinonoina, sina Epeso goi sisou, Pirisirayana‡ Pirisirayana: Ame Pirisikila go, gínina ituli. be Akuilayana ikalavedi go, kina iyava ina Diyuu idi kaba tugúguna goi Yeisu Valena manuna ikaugeogéona Diyuuyadi yaidi. 20 Ikavava, e kidi sikawanoi Paulo yaina bego ikaaiyaka yaidi bei tuwaina ivaatulúkwana go, tauyana geya itagoneta, 21 go sem ivaduduwedi idigo kana,
‘Neta Yaubada ina nuwonúwana nakae, e aiyuwoina bei akaluvilamna ama.’
Ibóbwara ikavava, ikaluvilamna ina oga isowoya, Epeso goi ikailova ilokoina ina Sesariya. 22 Sesariya goi ivaiu, isou, ituko ina Yerusalema goi Tomoya ana totugugunayao ivadadedi. Ikavava, isou ina Antiyoki. 23 Giyaina yawoina itowo Tomoya ana tonumisayao taiyao amoko goi ikaaiyaka. Ikavava, asa ikalave go, ina Galetiya ana dadava be nakae Parugiya ana dadava goi ivanibiníbita Yeisu ina tovatotowanayao idi numisa ikitogagedi.
Paisewa Epeso goi
(Guinuwa 18:24—19:20)
Apolosi tetelina
24 E tayamo Diyuu yoina Apolosi,† 1Ko 16:12; Tai 3:13. tauyana Alekisandira korotoina go, tauyana tobóbwara tayamo, ana bóbwara maavadaina. Gínina Kimaasabaidi itoboine mana togaga italigeidokoidi. E tauyana ima Epeso goi. 25 Ame tauyana Tomoya ina yava ana kenao ina vatulúkwana bogina inove be nakae ikabi. Tauna mana salau kaga iiyagoi Yeisu manuna moe ivatulukwana dókana. Go Yeisu valena madabokina geya iyagoiyeta, go sem Iyoni ina sayóyova tauna iyagoi. 26 E ame tauyana ivatowo Diyuu idi kaba tugúguna goi mana katepatu ibobwara makimaki Yeisu manuna. Go tuta tayamo kidi Pirisikila† Gui 18:2,18; Rom 16:3; 1Ko 16:19; 2Ti 4:19. be Akuila nakae sikaaiyaka, tauyana ina vatulúkwana sinove, tuwo sikabi sinave aditava sikaiyaka go, Yaubada ina kenao sivatulukodoko. 27 E tauyana latuwona isaidámana ina Akeya parovinsi goi Yeisu Valena italavaite, tuwo senao nuumisaidi atena sivapatupatu go, ana leta sigini sietune ina Yeisu ina tovatotowanayao Akeya goi silatuwokoidi sidigo kadi,
‘Apolosi bei iwo; tauyana kouyaōne.’
Tuwo moitamo tauyana oga isowoya ikailova ina Akeya goi ivaiu, e isou. Isou, ikaaiyaka go, avatauwa neta Yaubada ina kanuwóiya goi siinumisa Apolosiyana ivaitedi gagaina. 28 Moitamo ivaitedi. Mana salau Diyuu tomota matadi goi ikausagugudi ame nakae: Gínina Kimaasabaidi goi ivatulukoidi Yeisu moitamo Guyau, Yaubada ana Vadámana.
‡a18:2 Pontosi: Ame tayamo parovinsi Roma aba lovina sinaena ikaaiyaka.
‡b18:2 Pirisikila: Ame vavina youyuwoina moe Pirisika (Gui 18:18,26; Rom 16:3; 1Ko 16:19; 2Ti 4:19).
‡18:3 Parai ana gíluma: Ame parai nakona yoguyogu sakavaina goi o nakona goti unuunudi goi sigilumidi. Paraiyadi moe yoyou manuna o maniyedi nakona areko manudi. Kidi Diyuu idi nuwonúwana moe igoyo neta tovatulúkwana esaesa ina vatulúkwana goi ibabane. Tauna tovatulúkwana toinina nimana goi ipaisewa bego ina mani ibabane.
‡18:17 Sositeni: Ame youyana ana yagoina moe yava ana togaga. Tomota maniyedi sinuwonúwana ame tauyana youyuwoina moe Kirisipo (Gui 18:8). Mainao yoina Kirisipo go, tutayana Yeisu inumise, Paulo ivayou Sositeni (1Ko 1:1).
†a18:18 Gui 18:2,26; Rom 16:3; 1Ko 16:19; 2Ti 4:19.
†b18:18 Yoy 6:18.
‡18:19 Pirisirayana: Ame Pirisikila go, gínina ituli.
†18:26 Gui 18:2,18; Rom 16:3; 1Ko 16:19; 2Ti 4:19.