4
ዬሱሲ ፓጬቲዴስ
(ማር 1፡12-13፤ ሉቃ 4፡1-13)
1 ሄሳፌ ጉዬ ፂሎ ኣያናይ ፃላዔን ፓጬታና ማላ ዬሱሳ ዱጌ ባዞ ቢታ ኤፊዴስ። * ኢብ 2፡18፤ 4፡15 2 ኦይዱ ታሙ ጋላሲኔ ኦይዱ ታሙ ቃማ ፆሚዳፔ ጉዬ ዬሱሲ ጋፊዴስ። 3 ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ።
4 ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ። * ዛሬ 8፡3
5 ቃሴካ ፃላዔይ ዬሱሳ ጌሻ ካታማዮ ኤፊ ፆሳ ኬꬃ ቁስቴ ቦላ ኬሲዲ፥ 6 “ኔ ፆሳ ና ጊዲኮ ኣኔ ሃይሳፌ ዱጌ ጉፓ፤ ኣይሲ ጊኮ
‘ኔ ቶሆይ ሹቻን ꬉጴቶንታ ማላ ኪታንቻቲ
ባ ኩሼራ ኔና ኦይኪ ዴንꬃና ማላ ኔ ጊሽ
ፆሲ ባ ኪታንቻ ኪታና’ ጌቴቲ ፃፌቲዴስ” ጊዴስ። * ማዛ 91፡11-12
7 ዬሱሲካ “ጌሻ ማፃፋን ‘ኔ ጎዳ ፆሳ ፓጮፋ’ ጌቴቲ ፃፌቲዴስ” ጊዲ ዛሪዴስ። * ዛሬ 6፡16
8 ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥ 9 “ኔ ኩንዳዳ ታስ ጎይኒኮ ሃይሳ ኡባ ታ ኔስ ኢማና” ጊዴስ።
10 ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ። * ዛሬ 6፡13
11 ሄሳፌ ፃላዔይ ኢዛ ኣጊዲ ቢዴስ፤ ኪታንቻቲካ ዪዲ ኢዛ ማዲዳ።
ዬሱሲ ሳባኮ ኦይኪዴስ
(ማር 1፡14-15፤ ሉቃ 4፡14-15)
12 ዬሱሲ፥ ዮሃኒሲ ቃሼቲዳይሳ ሲይዲ ጌዴ ጋሊላ ሲሚዴስ። * ማቶ 14፡3፤ ማር 6፡17፤ ሉቃ 3፡19-20 13 ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ። * ዮሃ 2፡12
14-16 “ሄሳን ዛቢሎኔኒኔ ኒፍታሌሜ ቢታን፥
ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ
ኣይዛቤ ጊዲዳ ጋሊላ ዴሬ ኣሳይ፥
ꬉማን ዲዛ ዴሬይ ዎልቃማ ፖዖ ቤዪዴስ።
ሃይቆ ኩዋ ጊዶን
ዲዛ ዴሬስ ፖዖይ ፖዒዴስ”
ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ።
17 ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ። * ማቶ 3፡2
ኮይሮ ዬሱሳ ካሊዳይታ ፄይጌቴꬅ
(ማር 1፡16-20፤ ሉቃ 5፡1-11)
18 ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ። 19 ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ። 20 ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ።
21 ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤ 22 ኢስቲ ሄራካ ዎጎሎዛኔ ባ ኣዋ ኣጊዲ ካሊዳ።
ዬሱሲ ሃርጊዛይታ ፓꬂዴስ
(ሉቃ 6፡17-19)
23 ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ። * ማቶ 9፡35፤ ማር 1፡39 24 ሄሳ ጌዶን ሎዖ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቦላፌ ቢታን ዬጊዛ ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ። 25 ሄሳፌ ዴንዲዳይሳን ጋሊላፔ፥ ታሙ ካታማታፔ፥ ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ። * ታሙ ካታማፔ ጊሪኬ ቃላ ሃሳዪዛይቲኔ ኣይሁዳ ጊዶንታ ዴሬቲ ኢሲፌ ዲዛሶይ ታሙ ካታማታ ጌቴቴስ። ሄ ካታማታፔ ዳሮ ባጋቲ ጌሊላ ኣባፌ ኣዋ ኣርሼይ ጌልዛሶ ባጋራኔ ፑዴሃ ባጋራ ኡሻቻ ቦላ ዴቴስ።