125
Typoetory tõ ewomary Ritonõpo a
Ytoytoketõ eremiatoh sero.
1 Ritonõpo Kuesẽkõ enetupuhnanõ ypy Xião
ehtoh sã mã toto; esyryhmasaromepyra mana,
jũme tosarykõ po exĩko mã toto.
2 Pata Jerusarẽ zomye ypy tõ mana,
moro sã typoetory tõ zomye Kuesẽkõ mana,
toto ewome seromaroro, jũme roropa exikehpyra.
3 Zae pyra exiketõ jũme pyra tuisame exĩko mã toto, zae exiketõ nonory esẽme.
Okynahxo zae pyra exiketõ tuisame ahtao, otarame mokaro zae exiketõ popyra ehtoh poko exipitõko mã toto.
4 Ritonõpo, kure rokẽ opoetory tõ tyriko,
zae exiketomo, õmiry omipona exiketomo!
5 Yrome popyra exiketõ wãnopyryhtao oya,
mokaro roropa zuãnohko, onyripohpyry
rumekahpõkomo, õmiry omipona pyra aexityamo.
Izyraeu tõ ewomako, osepeme tyriko ropa toto!