124
Typoetory tõ pynanohneme Ritonõpo mana
Tawi nymerohpyry.
1 “Otara sehtory kymaro xine pyra
Ritonõpo Kuesẽkõ ahtao?”
Kuezuhtoko Izyraeu tomo!
2 Ezuhtoh sero: “Kymaro xine pyra Kuesẽkõ ahtao
kyzehno xine exiketõ tooehse ahtao etonase,
3 typoremãkase sehtory, kymarokõ tonahse exiry eya xine isene ro; kyzetũkõ tanỹse ahtao eya xine.
4 Mame tuna konõto a kymarokõ tarose exiry;
zue aka tarose sehtory,
5 zue konõto kuaka tynerymapose kymarokõ exiry.”
6 “Kure mase,” sykatone Ritonõpo Kuesẽkomo a,
kymarokõ onekaropyra exiryke kuepetõkara a
poremãkatohme eya xine.
7 Tonepanohse sytatose, torõ enepanopyry sã
apoitoh winoino.
Apoitoh tyhmose, imyhpokatyã tõ sã sytatose.
8 Kuakorehmatohkõ oehnõko Ritonõpo poe,
kapu Rihpono, sero nono Rihpõme roropa.