122
Pata Jerusarẽ kure potu
Tawi nymerohpyry.
1 Tãkye exiase ynara tykase toto ahtao ya:
“Ehmaropa Ritonõpo Tapyĩ taka.”
2 Seromaroro taro sytatose, omõtoh tao
xikihme Jerusarẽ po!
3 Jerusarẽ tyrise ropa mana, pata kurano,
moroto ahno oximõnõko mã toto.
4 Tarona ahno tõ onuhnõko mana, oxiekyrymãkomo,
Izyraeu pakomotyamo, “Kure mase,”
katohme Ritonõpo a, inyripohpyry ae ro.
5 Taro zae ehtoh apiakãko tuisa tõ mana,
taro Izyraeu tõ tuisary roropa
typoetory tõ apiakãko mana.
6 Oturutoko Kuesẽkomo a Jerusarẽ põkõ poko,
osepeme toto ehtohme.
“Kure rokẽ Jerusarẽ pyno exiketõ tyripory se ase!
7 Osepeme tyripoko toto pata po,
apuru tõ ao exiketomo!
Tuisa tapyĩ konõto tao exiketõ towomasẽme
toto ripory se ase roropa.”
8 Wekyry tõ pyno jexiryke jepe tõ maro,
ynara ãko ase Jerusarẽ põkomo a:
“Osepeme oexirykõ se ase, torẽtyke pyra oehtohkõme.”
9 Ritonõpo Kuesẽkõ Tapyĩ sehxo ase.
Morara exiryke oturũko ase Ritonõpo a opoko xine.
Kure rokẽ oriporykõ se ase eya, Jerusarẽ põkomo.