121
Ritonõpo kuewomanekomo
Ytoytoketõ eremiatoh sero.
1 Mya osenuhmãko ase, ypy tõ enẽko.
“Ozeino jakorehmatoh oehnõko nae?” ãko,
ekaropõko ase.
2 Kuesẽkõ jakorehmãko mana,
kapu rihpõme mã ynororo, sero nono roropa.
3 Opupuru piserehkamexipopyra mana;
oewomanekõ nyhpyra mana.
4 Izyraeu tõ pyno exikety pimỹme exipyra mana,
nyhpyra roropa mana.
5 Oewomãko Kuesẽkõ mana;
ãpotunuru wino exikehpyra mana, oewomatohme.
6 Saereme ahtao xixi oryhmara exĩko mana;
koko ahtao nuno oryhmara mana.
7 Kuesẽkõ opynanohnõko mana popyra ehtoh
winoino; isene oehtoh ewomãko mana.
8 Oewomãko mana oytoryhtao te, oepyry ropa ahtao,
seromaroro te, jũme exikehpyra, enara.