114
Ejitu poe Izyraeu tõ tũtatopõpyry
1 Jako pakomotyã tutũtase ahtao Ejitu poe, Izyraeu
tomo, imepỹ omiry ae oturuketõ nonory poe,
2 Ritonõpo nymenekahpyryme Juta tõ toehse,
ipoetoryme te, esaryme toehse Izyraeu tomo.
3 Tuna konõto Tahpiremã moro eneryke tyya
toepase; tuna Joatão totypohse, ytopyra toehse.
4 Ypy tõ pyhseky tykase toh nexiase kaneru tõ samo,
somokyhmã kõ pyhseky tykase toh nexiase
kaneru poenõ samo.
5 Otara toehse oya, tuna konõto, mepase oty katohme?
Omoro roropa tuna Joatão, oty katohme metypotyahse?
6 Ypy tomo, oty katohme kaneru tõ sã
pyhseky mexiatose?
Somokyhmãkomo, oty katohme kaneru poenõ sã
pyhseky mexiatose?
7 Tykytyky kaxiko, nono, Kuesẽkõ oepyryhtao,
Izyraeu tõ Esẽ ẽpataka,
8 topu konõto rĩko mana tuna enatyryme,
topuimo tõ rĩko mana tuna enatyry tõme.