101
Tawi omihpyry
Tawi nymerohpyry.
1 Eremiãko ase anamonohpyra oehtoh poko,
zae oehtoh poko roropa;
eremiãko ase oeahmaryme, Ritonõpo Jesemy.
2 Zae ehtoh poko rokẽ exĩko ase.
Otara ahtao oehnõko mah osẽpatakãmase ymaro?
Kure ehtoh poko rokẽ exĩko ase ytapyĩ tao,
3 moro taka popyra ehtoh onẽmapopyra ase ipunaka.
Ritonõpo rumekary se exiketõ nyriry se pyra ase
yronymyryme, mokaro rypyry poko se pyra roropa ase.
4 Osenetupuhtoh ajohpe ehtoh ameke
aropõko ase ywinoino.
Popyra ehtoh poko pyra exĩko ase ipunaka.
5 Tokare pyra tykatonomory kerekeremananõ
enahkapõko ase, imehnõ motye kure
osekaroketomo te, epyrypaketõ se pyra ase ipunaka.
6 Anamonohpyra exiketõ Ritonõpo omipona
toexiry poko se rokẽ ase.
Osa ekarõko ase eya xine ytapyĩ konõto tao.
Zae ehtoh poko exiketomo a, erohtoh ekarõko ase.
7 Imehnõ enekunohne tosake pyra exĩko mana ytapyĩ konõto tao.
Ajohpe exiketõ se pyra ase upũto roropa.
8 Kokoro rokẽ popyra exiketõ enahkapõko ase
kynonorykõ po, zae pyra ehtoh poko
exiketõ aropõko ase Ritonõpo patary poe.