1 Tsaol-aq nail lavqkhoel nee tsel dov-ai thaq nail Philma aqivq khal jiovq-a nail yaoq gaq yaoq-ao nee, Miqyail nail ganl bhi nl nail dai khi, tsaol-aq yaq nail lavqkhoel khe tsel dov-ai thaq nail ngaol. Aivq tsaol-aq yaq nail oeqbal nail haqbhoil danq nail phaq danq khi, laol bhiq nail phaq laol nail ngaol. 2 Aivq iqsanl, gaq bhaq nail tsaol-aq ngel-i mail, maq heeq nia nail tsaol-aq khi nl bheeq-a nail tsaol-aq bhai gaoqhaq nia nail ngaol. 3 Aivq gaq bhaq nail ngel-i mail, tsaol-aq nail oeqbal nail haqbhoil laol bhiq nail khe-ai, yovqgavq nail haqbhoil iqsanl ya laol bhiq nail ngaol.

4 Tsaol-aq teevq gaq-ail, Philma nail alyaq al bhai yovqgavq bhai yovqgavq maq hav bhoel nia-ail. Miqyail Aqloq bhai khul-a nail khe-ai, aivq bhai iqsanl, Miqyail khul nail ngaol. 5 Khali iqsanl, alhai dul nail ngaol. Aivq bhai aivq thaq eeq khi Philma nail alyaq ya dai, nl-a nail maq ngel-ail.

aivq bhai ge bhiq-a nail Miqyail-i mail, alyaq bivq-a nail ngaol.

6 Alhai dul dai, yaoq dao yaoq-ao bhai aivq niailhai ge-ai thaq nail:

ge-ai thaq nail ngaol.

7 Yeiqsul miltsaq kovtavq bhai aqdoevq doevq-u phao, sil nail phaq nail lavqkhoel nee aivq bhai bhi jel-ail nia nail Miqyail bhai, aqthel aqkav kav dai, gul gul-ail khi maivbhil dov nail lavqkhoel nee geeqlaoq hal deedee-a nail ngaol. Aivq Miqyail bhai ev khi, Miqyail nail neenoeq nl-a nail ngel-i mail, aivq nail hal daoq bhai Miqyail naldaiq-a nail ngaol. 8 Aivq neq Miqyail nail Yaqyov pevq khi ngaol-aoq, haq nail aoq nail phaq daq-a nail lavqkhoel, daoq naldaiq nail phaq bhai heeq nia lal-a nail ngaol. 9 Aivq alhai bhee lal khi, aivq nail daoq bhai khal naldaiq nail juq nail haqbhoil, aivq nqmaq maqluv halyeel Hevqkovq nail gaq pevq nail ngaol. 10 Maqlaqkhilsaqdaiv Philma jiovq nail joiqjaq ovq nail khe-ai, Miqyail aivq bhai Philma bhi jiovq-a nail ngaol.

11 Ganl niil ngal ge heeq phaq-ail maodai phaq jiav nail ngaol. Thailhai ngaol-aoq, nuljuq naqkov aqthul ngel-i mail, daoqceevq ge bhiq nail haq-ail nial. 12 Aqyanq niidai maoq lal-aoq nail bhai saol-nvq-ai lai haq neq, nuljuq yu bhai cavq bhiq cov bhiq nail tsaol-aq pevq lal heeq phaq-ail tsaq nail ngaol. Thailhai ngaol-aoq, nuljuq neq, Miqyail nail daoq bhai tavq lai khi neq, iqmoeq ilmoeq ya saol nail ganl bhai kev dai, yu-i mail cavq bhiq covq bhiq nail bhai loq-ail haq nail niil. Nuljuq neq, aqjal aqgaol phaq maq jaq-ail. Aqtsil taivq-ail cuvq nail ngaol. 13 Aqtsil cuvq yaq yaoq gaq yaoq-ao nee yaqnoil ngel-i mail, tsaq nail daol nail phaq bhai maq heeq nia-ail haq-al. 14 Aqjal aqgaol neq, eeq lal-a nail tsaol-aq nail haqbhoil ngaol. Aqyu juq neq, heeq nia lal moel nia lal dai, mee nia pov ya saol-a nail ngaol. Alheel ngel-i mail, meeq nail phaq khi maq meeq nail phaq bhai tselpav nia nail ngaol.