1 Chupa kꞌu ri nabꞌe tzij kꞌo taqanik puwiꞌ suꞌanik kaloqꞌnimax uqꞌij ri Dios pa jun luwar santo wara che ruwachulew. 2 Xyak kꞌu jun nimalaj carpa “Tabernáculo”* Éx. 26:1-30 kecha che. Waꞌ kebꞌ upa uꞌanom. Ri nabꞌe upa ja kabꞌiꞌx “Luwar Santo” che. Chiriꞌ kꞌo wi ri tzukꞌulibꞌal aqꞌ y kꞌo ri mexa pa kayaꞌ wi ri pam yaꞌtal chwach ri Dios. 3 Chirij kꞌu jun telón kꞌo rukaꞌm upa ja kabꞌiꞌx “Luwar lik Santo” che. 4 Chiriꞌ kꞌu riꞌ kꞌo jun altar re oro pa kaporox wi incienso* Éx. 30:1-6 y kꞌo ri kaxa re ri tzij uꞌanom ri Dios kukꞌ rutinamit yey wa kaxa chꞌuqum rij rukꞌ oro. Chupa kꞌu ri kaxa kꞌo jun xaro re oro kꞌo maná chupa, kꞌo ri bara re ri Aarón, waꞌ e ri bara xtuxik y kꞌo ri jutaq peraꞌj abꞌaj pa xtzꞌibꞌax wi ri taqanik re ri tzij uꞌanom ri Dios kukꞌ rutinamit.* Dt. 10:1-5 5 Puwi kꞌu ri kaxa kꞌo kebꞌ kikꞌaxwach querubines lik kewon rukꞌ ruchomalil ri Dios; yey rukꞌ ri kixikꞌ kichꞌuqum uwiꞌ ri luwar re kuybꞌal mak.* Puwi wa kaxa kamakꞌamoꞌx ri kikꞌ re awaj ekamisam echiriꞌ katzꞌonox kuybꞌal kimak taq ri tikawex chwach ri Dios. Lv. 16:14 Pero woꞌora na kojchꞌaꞌt ta chi más puwi waꞌ.

6 Jekꞌuriꞌlaꞌ uꞌanom ronoje waꞌ. Chupa kꞌu ri nabꞌe upa ja re ri Rocho Dios kebꞌok raj chakunel chaꞌ kakiloqꞌnimaj uqꞌij ri Dios. 7 Noꞌj chupa kꞌu rukaꞌm upa ja, xew kok bꞌi ri kajawal raj chakunel pa Rocho Dios, yey waꞌ xa julaj kuꞌan pa ri junabꞌ. Echiriꞌ kok bꞌi, rukꞌaꞌam bꞌi kikikꞌel awaj re kuꞌyaꞌa pukꞌaxel rumak rire y pukꞌaxel taq ri mak na uꞌanikil taj kakiꞌan ri tinamit. 8 Rukꞌ kꞌu waꞌ ri Santowilaj Ruxlabꞌixel ri Dios e kukꞌut chiqe: Xaloqꞌ kꞌa kꞌo wa nabꞌe upa ja, e keꞌeloq na utz taj chike ri tikawex kebꞌok chupa ri Luwar lik Santo,† Raj chakunel pa Rocho Dios xkiporoj incienso y xkiya qasaꞌn chupa ri nabꞌe upa ja re ri Rocho Dios, pero na utz ta kebꞌok chupa rukaꞌm upa ja, waꞌ e ri Luwar lik Santo. Ma xew taqal che ri kajawal raj chakunel kok chupa yey xa julaj kuꞌan waꞌ pa ri junabꞌ. Noꞌj woꞌora ri Cristo e ri Qajawal kachꞌaw paqawiꞌ chwach ri Dios chilaꞌ chikaj, y ruma kꞌu Rire utz kojok chwach ri Dios. Heb. 10:19-20 ma kꞌamajaꞌ kaqꞌalajinik suꞌanik utz kebꞌok chwach ri Dios. 9 Ronoje waꞌ e jun kꞌutubꞌal chiqe riꞌoj waqꞌij ora, ri qasaꞌn y rawaj ekamisam chwa raltar na kuꞌan ta jusukꞌ che ri kibꞌinik kisilabꞌik ri keloqꞌniman ri Dios rukꞌ waꞌ; ma tobꞌ kakiꞌan riꞌ, kꞌa kakinaꞌ chikikꞌuꞌx kꞌo kimak. 10 Ma wa taqanik puwi saꞌ ri katijik y ri kaqumik y puwi saꞌ ri kaꞌanik re josqꞌikil, xew xuriq uchak xaloqꞌ kꞌamajaꞌ kopon ruqꞌijol echiriꞌ ronoje waꞌ kajalkꞌatix ruma ri Dios rukꞌ ri más utz.

11 Rukꞌ ri Cristo kape wi ronoje ri utz kaqakꞌul riꞌoj, ma woꞌora e Rire ri Qajawal kachꞌaw paqawiꞌ pa ri Rocho Dios chilaꞌ chikaj. Yey waꞌ wa Rocho Dios más nim y más tzꞌaqat chwa ri xuꞌan ri Moisés chupa ri luwar katzꞌintzꞌotik, ma na achijabꞌ ta ri xeyakaw re y na re tane wara che ruwachulew. 12 Ri Cristo xa jumul xok chupa ri Luwar lik Santo chaꞌ kuya kolobꞌetajik na jinta utaqexik chiqe. Xuꞌan kꞌu waꞌ na ruma ta kikikꞌel kaprux mamaꞌibꞌ o toroꞌibꞌ, ma e ruma rukikꞌel Rire.

13 Ri nabꞌe tzij kubꞌiꞌij we juna tikawex xuchꞌulaj ribꞌ ruma ri xuchapo,‡ Pa ri Tzij Pixabꞌ re ojertan kubꞌiꞌij kuꞌan chꞌul juna tikawex we kuchap juna animaꞌ o katakꞌiꞌ puwi juna muqubꞌal. Nm. 19:16 kajawax rujosqꞌikil; kamakꞌamoꞌx kꞌu puwi rire kikikꞌel toroꞌibꞌ y kaprux mamaꞌibꞌ ekamisam* Lv. 15:31; 16:15-16 y chaaj re juna bakilo xporox chwi raltar,* Nm. 19 chaꞌ kuꞌan tanchi chom y jekꞌulaꞌ utz kok pa ri Rocho Dios.

14 We kuꞌan kꞌu riꞌ waꞌ rukikꞌel juna awaj, ¡makꞌuwariꞌ rukikꞌel ri Cristo! Ma ruma ri Ruxlabꞌixel ri Dios na jinta utaqexik, ri Cristo, ri na jinta kꞌana umak, xuya ribꞌ pa kamik chwach ri Dios chaꞌ jelaꞌ kujosqꞌij ri qanimaꞌ che ri mak, ri kukꞌam lo qꞌatbꞌal tzij re kamik paqawiꞌ. Jekꞌulaꞌ ruma ri Cristo kaqanaꞌ chiqakꞌuꞌx na jinta chi qamak y utz kꞌu riꞌ kaqaloqꞌnimaj ri Dios kꞌaslik.

15 Ruma kꞌu riꞌ laꞌ, ri Cristo e kakꞌamaw qawach chwach ri Dios chupa ri kꞌakꞌ tzij. Yey ruma rukamik, kꞌo kuybꞌal mak chike ri xemakun chuxeꞌ ri nabꞌe tzij,§ Ri nabꞌe tzij e ri xuꞌan ri Dios kukꞌ rutinamit Israel chwa ri juyubꞌ Sinaí. chaꞌ jelaꞌ konoje ri ebꞌusikꞌim ri Dios kakikꞌul na ri ubꞌiꞌtisim Rire chike yey waꞌ na jinta utaqexik. 16 Wa jun kꞌakꞌ tzij e pachaꞌ juna tzij kutzꞌibꞌaj junoq chaꞌ kubꞌiꞌij china taq kekanaj kan rukꞌ rubꞌitaq re we xkamik. Yey chaꞌ utz kaꞌan ri tzꞌibꞌital kanoq, lik chirajawaxik wi nabꞌe na kaqꞌalajisaxik we kaminaq chi ri xtzꞌibꞌan re ri wuj. 17 Ekꞌu wa tzij kajikiꞌ uwach xew we xkam ri xtzꞌibꞌan re, yey we ri xtzꞌibꞌan re kꞌa kꞌaslik, riꞌ kꞌamajaꞌ utz kajikiꞌ uwach waꞌ. 18 Jenelaꞌ ri nabꞌe tzij xjikiꞌ lo uwach rukꞌ kikikꞌel awaj ekamisam. 19 Ma ri Moisés nabꞌe na xubꞌiꞌij ronoje ri taqanik re ri Tzij Pixabꞌ chike konoje ri tinamit; tekꞌuchiriꞌ xukꞌam lana kaq y rukꞌ jun uqꞌabꞌ cheꞌ re hisopo, xuchuqꞌ chupa ri kikikꞌel toroꞌibꞌ y kaprux mamaꞌibꞌ ekamisam yey waꞌ kojotal yaꞌ chwach. Tekꞌuchiriꞌ xumakꞌamaꞌ puwi ri libro re ri Tzij Pixabꞌ y pakiwi konoje ri tikawex. 20 Tekꞌuchiriꞌ xubꞌiꞌij chike: «E kikꞌ waꞌ kujikibꞌaꞌ uwach ri tzij uꞌanom lo ri Dios iwukꞌ»* Éx. 24:8 xchaꞌ. 21 Yey pachaꞌ kꞌu ri xuꞌan che ri libro, jekꞌulaꞌ xumakꞌamaꞌ kikikꞌel awaj chupa ri Rocho Dios y puwi ronoje ri kachapabꞌexik re kaloqꞌnimax ri Dios.* Lv. 8:15 22 Ma chupa ri tzijpixabꞌ tzꞌibꞌital kanoq, kubꞌiꞌij lik kꞌi taq ri josqꞌinik kaꞌan rukꞌ ri kikikꞌel rawaj, yey na jinta kꞌu kuybꞌal mak we na katuruw tana ri kikikꞌel rawaj ekamisam.* Lv. 17:11

23 Xajawax kꞌut jelaꞌ ri josqꞌinik xꞌan che taq ri kachapabꞌexik re kaloqꞌnimax ri Dios, ri xa e ukꞌaxwach taq ri kꞌo chilaꞌ chikaj. Yey ri josqꞌinik re chilaꞌ chikaj más ne lik utz chwa ri kaꞌan xa rukꞌ ri kikikꞌel rawaj ekamisam chwach raltar wara che ruwachulew. 24 Ma ri Rocho Dios pa xok wi ri Cristo na e ta ri ꞌanom kuma tikawex, ma ri re ruwachulew xa e ukꞌaxwach ri saqil Rocho Dios kꞌo chilaꞌ chikaj; ekꞌu Rire xok chilaꞌ chaꞌ kachꞌaw paqawiꞌ chwach ri Dios.

25 Ri Cristo xa julaj xuya ribꞌ pa kamik y xopon kꞌu chilaꞌ chikaj chwach ri Dios. Noꞌj ri kajawal raj chakunel pa Rocho Dios ronoje junabꞌ kok chupa ri Luwar lik Santo re kuꞌyaꞌa chwach ri Dios ri kikꞌ na riꞌre taj. 26 We ta chirajawaxik waꞌ che ri Cristo, ukꞌiyal laj tane riꞌ uyaꞌom ribꞌ Rire pa kamik chwi lo ri jeqebꞌal re ruwachulew; noꞌj woꞌora chupa wa kꞌisbꞌal qꞌij xa julaj xuya ribꞌ pa kamik chaꞌ xa jumul karesaj ri mak. 27 Lik kꞌu jikibꞌam chi uwach konoje ri tikawex xa julaj kekamik, tekꞌuchiriꞌ kape ri qꞌatbꞌal tzij pakiwiꞌ. 28 Jekꞌulaꞌ riꞌ, ri Cristo xa julaj xuya ribꞌ pa kamik chaꞌ jelaꞌ karesaj ri kimak ukꞌiyal tikawex. Noꞌj echiriꞌ kakꞌun tanchik, na re ta chi koꞌlkam ruma ri mak ke ri winaq, ma e re kebꞌukolobꞌej konoje ri koyeꞌem Rire.