2
परमप्रभुको आउने समय
1 सियोनमा तुरही फुक,
मेरो पवित्र पर्वतमा चेतावनीतको ध्वनि बजाऊ।
ती सबै मानिसहरुलाई जो यो देशमा बस्छन् डरले थरथर कामुन्?
परमप्रभुको विषेश दिन आउँदैछ।
परमप्रभुको विशेष दिन नजिकै छ।
2 त्यो दिन अन्धकार उदासी दिन हुनेछ।
त्योदिन धेरै अँध्यारो र बादलले ढाकेको हुनेछ।
तिमीहरु विशाल र शक्तिशाली मानिसहरु पर्वतमा अन्धकार झैं फैलिंदै गरेको देख्ने छौ।
तिनीहरु जस्ता धेरै संख्यामा मानिसहरु
पहिले त्यहाँ कहिल्यै पनि आएका थिएनन्
अनि न त भबिष्यमा यस्तो हुनेछ।
3 तिनीहरुकोअघाडी आगोले भष्म पार्छ। तिनीहरुको पछाडी आगोको ज्वाला दन्कन्छ।
भूमी मानिसको सामुने अदनको बगैंचा झैं हुनेछ
अनि मनिसको पछि उजाड मरुभूमि जस्तै हुनेछ।
त्यहाँ केही पनि रहने छैन।
4 सलहहरु घोडा जस्तै देखिन्छन्
अनि तिनीहरु युद्धको घोडा जस्तै दौडन्छन्।
5 तिनीहरुलाई सुन!
तिनीहरुको ध्वनि युद्घको समयमा
रथ पहाडमा चढ्दा भएको खैला-बैला जस्तै हुन्छ।
त्यो आवज भुस जलेर निस्केको
आगोको ज्वाला जस्तै छ।
एक हुल शक्तिशाली मानिसहरु
युद्घका निम्ति तत्पर हुँदाको जस्तै हुनेछ।
6 मानिसहरु तिनीहरुको अघि डरले थर-थर काम्छन्।
तिनीहरु को अनुहार डरले पहेंलो हुन्छ।* मानिसहरु … हुन्छ यो पद हिब्रूमा अनिश्चित छ।
7 तिनीहरु योद्धाहरु झैं दगुर्छन्।
तिनीहरु युद्धका मानिसहरु झैं पर्खालमाथि चढ्छन।
प्रत्येक मानिस सोझो अघाडी बढछन्।
तिनीहरु पंक्ति नबिगारी हिंडछन्।† तिनीहरु … हिंडछन् यो पद हिब्रूमा अनिश्चित छ।
8 उनीहरु एक अर्कामाथि ठेलाठेल गर्दैनन्।
प्रत्येक सेना आफ्नो बाटोमा हिंड्छन्।
यदि कुनै सेनालाई चोट लागेर लडे पनि
अरु सेनाहरु अघि बढि रहन्छन्।
9 तिनीहरु कुदेर शहरमा पस्नेछन्
अनी चाँडै पर्खाल माथि कुद्नेछन्।
तिनीहरु घरमाथि चढछन्
अनि झ्यालबाट चोरहरु जस्तै भित्र पस्छन्।
10 तिनीहरुको अगाडी पृथ्वी हल्लिन्छ,आकाश काम्छ।
सूर्य र चन्द्रमा पनि अँध्यारो हुन्छ अनि तारा चम्कन छोड्छ।
11 परमप्रभुले आफ्नो सेनाहरुलाई ठुलो स्वरले बोलाउनु हुन्छ।
उहाँको छाउनी अत्यन्त विशाल छ।
ती जसले परमप्रभुको आज्ञा पालन गर्छन्
तिनीहरु धेरैल संख्यामा छन्।
परमप्रभुको विशेष दिन महान् अनि डर लाग्दो हुनेछ।
यो कसले सहन सक्छ र?
परमप्रभुले मानिसलाई परिवर्तन हुनु भन्नुहुन्छ
12 परमप्रभु भन्नु हुन्छ:
“अहिले पनि तिमीहरु सम्पूर्ण हृदयले
उपवास बसेर रूँदै र शोक गर्दै
म तिर फर्क ।
13 लुगा होइन, तिमीहरु को हृदय फटएर रोऊ।”‡ लुगा होइन … हृदय फटएर आफ्नो दुःख प्रकट गर्न मानिसहरु आफ्ना लुगा च्यात्थे। यहाँ परमेश्वरले चाहानु हुन्छ कि मानिसहरुले गरेका दुष्ट कामको बारेमा तिनीहरु साँचो रितले दुःखीत होउन्।
परमप्रभु तिमीहरुका परमेश्वरकहाँ फर्केर आऊ।
उहाँ दयालु अनि करूणामय हुनुहुन्छ।
उहाँ चाँडै रिसाउनु हुन्न।
उहाँ को प्रेम महान छ,
दण्ड दिने बिषयमा उहाँले
जो निर्णय लिनु भएको छ
त्यो उहाँले परिवर्तन गर्न सकनु हुछ।
14 कसले जान्दछ, हुनसक्छ परमप्रभुले आफ्नो मन बद्लीन सक्नु हुन्छ।
यो पनि हुनसक्छ उहाँले तिमीहरुलाई आशिष दिनुहुन्छ।
अनि फेरि तिमीहरुले परमप्रभु तिमीहरुका परमेशवरलाई
अन्नबलि र अर्घबलि चढाउन योग्यका हुने छौ।
परमप्रभुलाई प्रार्थना गर
15 सियोनमा तुरहि फुक,
महा-पबित्र सभा बोलाऊ।
उपवासको विशेष समयलाई बोलाऊ।
16 मानिसलाई भेला गर।
त्यो विशेष सभाकोलागि उनीहरुलाई बोलाऊ।
तिमीले बूढा-प्रधानहरु अनि नानीहरुलाई भेला गर।
त्यो दुधे-बालकलाई पनि लिएर आऊ,
नयाँ दुलहा-दुलहीलाई
सिधै तिनीहरुको कोठाबाट बोलाऊ।
17 पूजाहारीहरु, परमप्रभुका सेवकहरु
मन्दिरको दलान वेदीको बिचमा रहुन्।
तिनीहरुले भनुन्, “हे परमप्रभु तपाईका मानिहरुलाई दया देखाउनुहोस्।
तपाईंका मानिसलाई लज्जित हुन नदिनु होस्।
तिनीहरुलाई राष्ट्रहरुको बिचमा हाँसोको पात्र नबनाउनु होस्।
तपाँईंले अन्य देशहरुलाई हाँस्दै भन्ने अवसर नदिनुहोस्,
‘तिनीहरुका परमेश्वर कहाँ हुनुहुन्छ?’ ”
परमप्रभुले तिम्रो देश फिर्ता दिनुहुन्छ
18 तब परमप्रभु आफ्नो भूमिको निम्ति अत्यन्तै जोशिलो हुनुभयो।
उहाँ आफ्ना मानिसहरुमाथि करुणामय हुनुभयो।
19 परमप्रभुले आफ्ना मानिसहरुलाई उत्तर दिनु भयो।
उहाँले भन्नुभयो, “म तिनीहरुका निम्ति अन्नहरु, नयाँ दाखरस र तेल पठाउनेछु।
तिमिहरुका निन्ति प्रशस्त हुनेछ।
म तिमीहरुलाई अन्य जातिहरुको बिचमा हाँसोको पात्र बनिन दिने छैन।
20 त्यहाँ आएका उत्तरवासीहरुलाई§ उत्तरवासीहरुलाई बाबेल सेना यहूदामा आक्रमण गर्न उत्तर दिशाबाट आउँथे। अरुराष्ट्रहरुबाट सेनाहरु इस्राएलको दक्षिण र पुर्वका सेनाहरु यहूदा र इस्राएललाई आक्रमण गर्न यस दिसाबाट आउँथे। तिमीहरुको देशबाट हटाइदिनेछु।
उनिहरुलाई बाँझो र उजाड देशमा पठाइदिनेछु,
त्यसमध्ये आधिलाई पूर्वको समुद्रपट्टि पठाई दिनेछु,
अनि फेरि आधिलाई पश्चिमको समुद्रतर्फ पठाईदिनेछु।
उनीहरुले यस्तो घृणित कर्म गरेका छन्,
उनीहरुसडेको दुर्गन्धमाथि उठ्नेछन्। तिनीहरुको नराम्रो गन्ध उँभो जानेछ।
तिनीहरुले धेरै घिनलाग्दा कामहरु गरेका छन्।”
फेरि देशलाई नयाँ बनाईने छ
21 हे देश नडरा!
तँ खुशि भएर रमाइलो गर,
किनकि परमप्रभुले ठूला-ठूला काम गर्नु हुनेछ।
22 हे जङ्गलका पशुहरु! नडराऊ,
बनको उजाड खर्कमा हरियाली आउँनेछ।
रूखहरुले फलदिन थाल्नेछन्।
नेभाराको बोटहरु र दाखको बोटहरुले प्रशस्त फल दिनेछ।
23 हे सियोनका मानिसहरु! खुशीहोऊ।
परमप्रभु,तिमीहरुका परमेश्वरसँग रमाऊ।
किनभने उहाँले तिमीहरुलाई राम्रो गर्नुहुनेछ।
उहाँले तिमीहरुलाई अघिल्लो र पछिल्लो दुबै झरी पहिला झैं पठाई दिनुहुन्छ।
24 अब खलाहरु गहुँले भरिपूर्ण हुनेछन्।
अनि दाख-कुण्डहरु नयाँ दाखरस र तेलले भरिनेछन्।
25 “म परमप्रभुले मेरो शक्तिशाली सेना तिमीहरुको बिरुद्धमा पठाएको थिएँ।
ती काट्ने सलहहरु, ती बगाले सलहहरु
अनि उफ्रने सलहहरुले तिम्रा सबै अन्नहरु खाईदिए।
तर म परमप्रभु ती सबै नोक्सान भएको फेरि भरपूर गरिदिनेछु।
तिमीहरु फेरि भरिभराऊ हुनेछौ।
26 फेरि तिमीहरुसँग प्रशस्त खानेकुरा हुनेछ।
तिमीहरु सन्तुष्ट हुनेछौ र तिमीहरुले परमप्रभु
तिमीहरुका परमेश्वरको प्रशंसाको गीत गाउनेछौ।
उहाँले तिम्रा निम्ति आश्चर्यचकित काम गर्नु भएकोछ।
अब मेरो मानिसहरु कहिल्यै लज्जित हुनेछैनन्।
27 अनि तिमीले थाहापाउनेछौ म इस्राएलको बीचमा छु।
अनि फेरि तिमीले जन्नेछौ म परमप्रभु तिमीहरुको परमेश्वर हुँ
र म वाहेक अर्को कुनै परमेश्वर छैन।
मेरा प्रजाहरु फेरि कहिल्यै लज्जित हुनेछैनन्।”
परमेश्वरले उहाँको आत्मा सबै मानिसलाई दिनुहुन्छ
28 “त्यसपछि,
म तिमीहरु सबै माथि मेरो आत्मा खन्याउँनेछु।
तिमीहरुका छोरा-छोरीहरुले अगमवाणी गर्नेछन्।
तिमीहरुका बूढा मानिसहरु स्वप्न-दर्शी हुनेछन्।
तिनीहरुका जवानले दर्शन देख्नेछन्।** पद 28 हिब्रूमा यो पद अध्याय 31 हो।
29 त्यस समय म आफ्ना आत्मा मेरा दास
र दासीहरुमाथि खन्याउनेछु।
30 पृथ्वी अनि आकाशमा म अद्भूत चिन्ह देखाउनेछु।
त्यहाँ रगत, आगो र धुवाँको खम्बाहरु हुनेछन्।
31 सूर्य अँध्यारोमा बद्लनेछ।
चन्द्रमाको रंग रगतमा बद्लनेछ।
अनि परमप्रभुको महान् र डरलाग्दो दिन आउनेछ।
32 अनि हरेक मानिस जसले परमप्रभुको नाउँ पुकर्छ उसलाई बचाइनेछ।
किनकि परमप्रभुले भन्नु भए अनुसार त्यहाँ बाँचेकाहरु सियोन डाँडा र यरूशलेममा हुनेछन्।
यो ठिक परमप्रभुले भन्नु भए जस्तै हुनेछ।
बाँचेहरुको बिचमा तिनीहरु हुनेछन्
जसलाई परमेश्वरले बोलाउनु हुनेछ।
*2:6: मानिसहरु … हुन्छ यो पद हिब्रूमा अनिश्चित छ।
†2:7: तिनीहरु … हिंडछन् यो पद हिब्रूमा अनिश्चित छ।
‡2:13: लुगा होइन … हृदय फटएर आफ्नो दुःख प्रकट गर्न मानिसहरु आफ्ना लुगा च्यात्थे। यहाँ परमेश्वरले चाहानु हुन्छ कि मानिसहरुले गरेका दुष्ट कामको बारेमा तिनीहरु साँचो रितले दुःखीत होउन्।
§2:20: उत्तरवासीहरुलाई बाबेल सेना यहूदामा आक्रमण गर्न उत्तर दिशाबाट आउँथे। अरुराष्ट्रहरुबाट सेनाहरु इस्राएलको दक्षिण र पुर्वका सेनाहरु यहूदा र इस्राएललाई आक्रमण गर्न यस दिसाबाट आउँथे।
**2:28: पद 28 हिब्रूमा यो पद अध्याय 31 हो।