7
Esayi yi Alaa falan nali Axasi ma
1 Yotami a dii xɛmɛna Axasi, Yusiya mamandenna, Yuda Mangan waxatini, Arami manga Resin nun Remaliyaa dii xɛmɛn Peka, Isirayila mangan yi siga Yerusalɛn yɛngɛ xinla ma, koni e mi a nɔ. 2 Muxune yi a fala Axasi xa Dawuda yixɛtɛna, e naxa, “Arami kaane nun Efirami bɔnsɔnna muxune bata e malan ɛ xili ma.” Mangan nun a yamaan bɔɲɛn yi maxa na feen ma alo foyen wudine yimaxama kii naxan yi.
3 Nayi, Alatala yi a fala Esayi xa, a naxa, “Ɛ nun i ya dii xɛmɛn Seyari-Yasubu* Seyari-Yasubu bunna nɛɛn Heburu xuini fa fala “Yamaan muxu dɔnxɛne xɛtɛma nɛn sa keli konyiyani.” xa mini Axasi ralandeni ige ramaraden faxaraxiin xunna ra,† Ige ramaraden naxan geyaan na. dugi xane xɛɛ ma kiraan xɔn. 4 A fala a xa, i naxa, ‘A liga i yeren ma, i raxara, i nama gaxu. I nama tunnaxɔlɔ i ma muxu firinni itoe xɔlɔ gbeena fe ra, Resin‡ Arami kaane mangan nan Resin na. Arami kaan nun Remaliyaa dii xɛmɛna. Yegen tumatɔɔn nan tun ne firinna ra. 5 N na a kolon Arami kaane nun Efirami bɔnsɔnna muxune nun Remaliyaa dii xɛmɛn bata a nata a e xa fe ɲaxin liga i ra. E naxa, 6 “En siga Yuda yamanan xili ma! En sa mɛn kaane yigitɛgɛ! En yi e yamanani taxun, en yi Tabele a dii xɛmɛn dɔxɔ mangan na e xun na.” 7 Koni Marigina Alatala ito nan falaxi,
Na mi lanɲɛ, na mi ligama.
8 Amasɔtɔ Damasi findixi Arami manga taan nan tun na.
Resin findixi Damasi mangan nan tun na.
Benun ɲɛɛ tonge sennin e nun suulun,
Efirami bɔnsɔnna kalama nɛn,
a mi fa yatɛ yamaan na.
9 Samari findixi Efirami manga taan nan tun na.
Remaliyaa dii xɛmɛn findixi Samari mangan nan tun na.
Xa ɛ mi dɛnkɛlɛya,
ɛ mi tiyɛ!’ ”
Diin barima naxan xili Ɛmanuwɛli
10 Alatala mɔn yi falan ti Axasi xa, a naxa, 11 “Taxamasenna nde maxɔdin bɔxɔn bun hanma kore xɔnna ma Alatala ma, i ya Ala.” 12 Koni Axasi yi a yabi, a naxa, “N mi sese maxɔdinma, n mi Alatala bunbama.”§ Na feen sɛbɛxi Sariyane 6.16 kui.
13 Nayi, Esayi yi a fala Axasi xa, a naxa, “Ɛ tuli mati, Dawuda yixɛtɛne! Ɛ muxune tunnaxɔlɔma e ma, koni ɛ mi ɛ wasa soxi na yi. Ɛ mɔn n ma Ala fan tunnaxɔlɛ a ma ba? 14 Nayi, Marigin yɛtɛɛn taxamasenna yitɛ ɛ ra: sungutun nasɔlɔnxin fudikanma nɛn, a yi dii xɛmɛn bari. A yi xili sa ‘Ɛmanuwɛli,’ na bunna nɛɛn fa fala, ‘Ala en tagi.’ 15 A baloma fɛnɛn nun kumin nan na, han a yi nɔ fe ɲaxin nun a faɲin tagi rabɛ. 16 Anu benun na diin xa nɔ fe ɲaxin nun a faɲin tagi rabɛ, i gaxuxi manga firinna naxanye yɛɛ ra, ne yamanane rabeɲinma nɛn. 17 Koni Alatala ɲaxankata lɔxɔne rafama nɛn i tan xili ma, e nun i ya yamaan nun i babaa denbayaan xili ma. Na lɔxɔne ɲɔxɔn munma lu na singen xabu Isirayila nun Yuda yamanane fata. Na fatama Asiriya mangan nan na.”
18 Na lɔxɔni,
Alatala tugetugene xilima nɛn kolinni
sa keli Nila baan biradeni fɔxɔ igen ma Misiran yi
e nun kumi ɲɛɲɛn naxanye Asiriya yamanani.
19 E birin fama nɛn
e fa dɔxɔ folone ra xudene xɔn,
e nun gɛmɛ bɔxine kanke ra,
e nun wudi dungine nun darane birin yi.
20 Na lɔxɔni,
Marigina Asiriya mangan findima nɛn a walikɛɛn na,
a findi dɛ xabe biin na
keli Efirati baan kidi ma
a yi ɛ xunne nun ɛ sanne mabi,
hali ɛ dɛ xabene birin.
21 Na lɔxɔni,
muxuna nde ɲinge keden nun sii firin namarama nɛn.
22 E yi nɔnɔ gbegbe fi muxune ma
e fɛnɛn yi don.
Muxun naxanye birin na lu yamanani,
ne baloma fɛnɛn nun kumin nan na.
23 Na lɔxɔni,
manpa bili wuli keden xɛɛn naxan ma
naxanye sarama gbeti gbanan wuli keden na
mɛnna findima ɲanle nun tansin xɛɛn nan na.
24 Muxune sigama nɛn mɛnni xanle nun xalimakunle ra e yii,
amasɔtɔ sɛxɛn nun ɲanle nan luma bɔxɔn ma.
25 Muxune gaxuma nɛn ɲanle nun tansinne yɛɛ ra,
muxu yo mi fa sigɛ geyane fari
dɛnaxanye yi bima ɲinge kenna ra nun.
Mɛn yi findi ɲinge rabaden na,
yɛxɛɛne yi na yibodon.