52
Bada ana vilawana e nenei
7 I ai ḡaḡa, taupariverena a inanai olei e taḡotaḡonai.
Riwa Aiaina e jimejimei:
nuauba ma nuaiaii riwai
ma Bada ana vilawana.
Ma Zion i riwei, “Ami God e vivibada.”
8 Ona rautaniḡana! Ami tauvineneḡana e vigaragararei;
ana morelanai e logologoi;
Taui mataiei Bada i ʼnanai
e nenememei au Zion.
9 Jerusalem wanarikarikana,
ana morelanami ona wela-gogona Bada awarina.
Tauna ana rava i vinuaubai,
ma ana melagai Jerusalem, i vai-melei.
10 Dobu anatapui au matai
ana rewapana vivivireina e vivieḡai.
Rava anatapui au dobu
Bada ana vilawana, ina inanai.
Taunola ana vinuapoapoe ma ana boruma.
13 Bada i riwa, “Au taunola ana nola ina kauana-kauei!
Rava tauna ina voepai au tepa dewadewana.
14 Au naona rava maḡamaḡaui tauna i ʼnanai
ma i virovorovoanei.
I vunu-kauei ma i vitaratarai;
da inanana eḡa me rava.
15 Wate marina dobu patarai ina raviḡori
ma gulagulau gamoi i pota tauna voepaepa aubaina.
Eḡa ita pariverei,
marina mataiei ina inanai,
ma aiwai eḡa ita nonori, ina aramanei.”