35
Bada, Jacob i viaiaini
9 Jacob, Padan-Aramei* Padan-Aram Wei dobuna Aram au wapuna au Mesopotamia. Haran lamna melagai tagogi wei au dobuna. i nememei au Bethel. God i eḡa me Jacob awarina ma i viaiaini 10 ma i riwei i pa:
“Tam wavam Jacob,
wate marina eḡa ina ḡorei Jacob
ma wavam vouna Israel.† Jacob anona amkwalakwalana. Israel anona God maiteni i viḡaiḡaiawa.”
Ma i viwavai Israel
11 ✡ Gen 17:4-8ma i pa:
“Tau God Vivirewapana Kaukauana
Ma vinatuna guratana ma ma vimaḡaimi
Am epaepaia ina virava-ḡaeḡaei ma dam borui ḡaeḡaei awarimei ina tupua
ma gulagulau maḡamaḡaui ina viamanei.
12 Dobu, Abraham ma Isaac a verei,
marina tam ana verem
ma am epaepaia
muriai wei dobuna ana verei.”
13 Ma God i babani vorovei ma i netawanei. 14 ✡ Gen 28:18, 19God weka Jacob awarina i babani lamna matairana Jacob gana i vimairini. Ma au tepana wine i waḡi ana pulo‡ Wine i puloei pulo ḡelaui maiteni. Jacob mataira i kauei da tauna i verena-melei God awarina. ma Olive monamonana i buloi.§ Jacob wei gabuna i vovivirei God viborumana aubaina. 15 Weka God Jacob awarina i babani ma lamna aubaina wei gabuna i ḡorei Bethel.* Bethel anona God ana numa.
Rachel ana iraḡe
16 Muriai Jacob ana dam maiteni Bethel i voterei ma i vaḡai, ma taui uama i rata da au Ephrath ita ḡeta. Ma Rachel malana i vaia da ina vinatuna ma vinatuna i voiana-guratei ma ana iniviara i rata kaua. 17 Ma i voivoia ma iniviara i rata ma tauvipipiavoa i riwa, “Eḡa ma rovo! Tevera orotona ḡelauna i tupua!” 18 Wate Rachel iʼrairaḡe ma ana lavutu au damona ma tevera i viwavai “Ben-Oni.”† Ben-Oni lamna anona au iniviara natuna. Wate amana i viwavai, “Benjamin.”‡ Benjamin lamna anona au oiena natuna. Lamna anona au ḡoana bo au tauagu ḡaeḡaena. 19 Ma Rachel i ʼraḡe ma eta e nenae au Ephrath (marina wavana Bethlehem) au ririvana i doboi. 20 Ma Jacob gana i vimairini Rachel ana kokoaga au tepana da i vimataira. Matairana amadodo e mamae.
Isaac ana i ʼraḡe
22b Jacob natunatuna nelarai 12:
23 Leah natunatuna:
Reuben; Jacob ana natuevou
Simeon, Levi, Judah, Isakar, ma Zebulun.
24 Rachel natunatuna:
Joseph ma Benjamin.
25 Bilhah - Rachel ana taunola wavine natunatuna:
Dan ma Naphtali.
26 Zilpah - Leah ana taunola wavine natunatuna:
Gad ma Asher.
Wei lamna Jacob natunatuna anatapui au Padan-Aram i ḡuni.
27 ✡ Gen 13:18Ma Jacob i nememei amana Isaac awarina au Mamre au Kiriath-Arba; marina e ḡoreḡorei Hebron. Abraham ma Isaac wariaḡa wei dobuna i mae-gubai. 28 Isaac i mae da ana madeḡa 180 29 ma i magura kaua, i lavutu tawanana ma iraḡe ma amamana i votaḡoi. Natunatuna Esau ma Jacob amai i doboi.
*35:9: Padan-Aram Wei dobuna Aram au wapuna au Mesopotamia. Haran lamna melagai tagogi wei au dobuna.
†35:10: Jacob anona amkwalakwalana. Israel anona God maiteni i viḡaiḡaiawa.
‡35:14: Wine i puloei pulo ḡelaui maiteni. Jacob mataira i kauei da tauna i verena-melei God awarina.
§35:14: Jacob wei gabuna i vovivirei God viborumana aubaina.
*35:15: Bethel anona God ana numa.
†35:18: Ben-Oni lamna anona au iniviara natuna.
‡35:18: Benjamin lamna anona au oiena natuna. Lamna anona au ḡoana bo au tauagu ḡaeḡaena.