1 Ma Bada Noah i riwei, “Tam ainelam rava jijimanim au dobu wei au marana. Lamna aubaina tam ma am numa ravai anatapumi au waga ona geru. 2 Ma Bada ḡamoḡamo i vianinei aniam ma pulo aubaina, ororotoi 7 ma waivinei 7 ma vaia. Ma Bada ḡamoḡamo eḡa ita vianinei, orotona tagogi ma wavinena tagogi ma vaia. 3 Ma nanare kiu ma vaia, ororotoi 7 ma waivinei 7. Wei ma kauei da ḡamoḡamo da kiu anatapui lawalawaii ina mae ma ina vinatuna. 4 Ma au pom 7 au murina ma garewa ana paritawaneiai da mara 40 ma au pom 40 ina atuna. Ma aiwai au dobu a kaukaueia, e mamae ma e lavulavutu anatapui ina pupu.”

5 Anina ma Bada anatapuna i ririweia, Noah i kauei.

17 Ma au pom 40 au orana ututuva i rarata ma waga i tenam epa.

23 Anina ma Bada anatapuna lawalawaii au dobu i pupuna-pai, rava ma ḡamoḡamo ma kiu ma ḡamoḡamo tetetei, anatapui i viamoai. Noah ma taui aiavoi au waga i gerugeru, taui ava i lawana.