1 Ma Bada Moses i riwei, 2 “Ma inana, Tau Besalel, Judah ana damei a vinei, tauna Uri natuna, ma Hur ḡoḡana, 3 ma Aruau Vivivireina a verei. Ma nuaulaulaula ma nota ma aramana a verei da rau-ḡaroḡaro anatapui awari tauna tagotagogina. 4 Tauna taurauḡaroḡaro amai, Gold, Silver ma Bronze taunoleina aiaina. 5 Tauna i ai kaua ḡaima e boribori ma e laḡalaḡai, ma amtai awarina. Tauna rau-ḡaroḡaro anatapuna awarina tagotagogina. 6 Ma nanare Oholiab a vinei, tauna Ahisamak natuna, Dan ana au dam da ana tauagu. Ma nanare taurauḡaroḡaro nuaulaula ma aramana a verei da aiwai anatapuna a ririwem ina kauei. 7 Numagara Vivivireina ma parivainuaḡana bokisi ma uḡu ma numagara ana purapura: 8 kepakepa ma ana purapura; rampa gold aiainei ma purapura ḡelaui ma incense aniapunana. 9 Pulo aniapuna ḡamoḡamo taputapuna apuna aubaina. 10 Ma gara vinualaulaunai ina popoi, gara vivireina ina popoi Pirisi Ḡeḡetelarana Aaron aubaina ma natunatuna pirisi nolana aubaina aubaii, 11 monamona viaiaina aubaina ma incense Bada ana numa aubaina. Taurauḡaroḡaro wei purapurai ina rauḡaroḡaroei me a ririwei nanare.”