3
Peter, oroto aena gwaḡagwaḡana i vilawani
1 Mara tagogi au bigai 3 oklok, Peter ma John pari aubaina i ḡeḡae au Tempol. 2 Ma oroto tagogi aena gwaḡagwaḡana i tupuei, ma mara au anatapuna ana rava i avavara neiai da Tempol metaetana, e ḡoreḡorei, metaeta aiaina, kampa i vivikialai ma rava i ruirui tempol au orana i vivigigimanei mane aubaina. 3 Maranai i ʼnanai da Peter ma John aburuna ava da au metaeta ita rui, ma i vibaḡai mane aubaina. 4 Peter ma John orotona i ʼnana-tunutunui ma Peter i riwa, “Ma inanaiai!” 5 Ma orotona taui i ʼnanai ma i notanotai da aiwai awarii ita vaia. 6 Ma Peter, orotona i riwei, “Awariu silva ma gold eḡa wate aiwai awariu lamna ana verem. Iesu Keriso Nasaretei, wavanei ma vomairi, ma babara!”
7 Ma Peter oroto nimana au oieina i vojijini ma i voagui da i vomairi. Ma maratagogi oroto aena ma ae kwarukwaruna i ai ma i virewapana, 8 ma aenei i viauepa ma babara i vikarei. Anina ma taui maiteni i rui au tempol ma tauna tempol oraninei i bababara, i viviauepa ma God i vovoepaepai. 9 Ma rava anatapui orotona i ʼnanai i bababara ma God i vovoepaepai, 10 ma i aramanei da tauna ravana tagogina tempol metaetana e ḡoreḡorei inanana aiaina au naona, i kiakiala ma i vivigigimana. Ma rava anatapui i ʼnanai aiwai i tupua wei orotona awarina ma i ba-guratana.
Peter patara awarii i babani
11 Ma orotona Peter ma John i vovojijini ma rava anatapui i bana-kauei, ma i viruberubei taui awari au lovelove e ḡoreḡorei, Solomon ana lovelove. * Solomon ana lovelove tagogi tempol au orana e mamae. Wei lamna gari au ririvana ma ana tuatua maḡamaḡauna. 12 Ma maranai Peter patarai i ʼnanai ma i riwei:
Au rava mai Israel, aiwai aubaina o vivinuanaina? Ma aiwai aubaina o inainana-tunutunuiai, apamina tauai ai rewapanei bo ai vipatutuei, wei ravana a kauei da i babara? 13 ✡ Exo 3:15Wei lamna amamata Abraham, Isaac ma Jacob ai God, ana taunola Iesu i viborumei, ma taumi Tauna o verenei da ita viraḡeni, ma Pilate au matana o geduaiei. Pilate i ḡoei da ita rupeni wate taumi eḡa ota vianinei. 14 ✡ Mrk 15:6-14Iesu lamna rava vivivireina ma jijimanina, wate o geduaiei. Ma Pilate i ḡoei da Iesu ita rupeni, wate taumi o ḡoei da tauviraḡena i rupeni aubaimi. 15 Ma taumi lawana maemae-nonoana tauvereina o viraḡeni, wate God i vilawana-melei, tauai wei a vimatematei. 16 Wei ravana aena gwaḡagwaḡana Iesu au wavana i vitumaḡana ma lamna aubaina i lawana. Taumi o aramanei ana doria menanare, Wate ana tumaḡana Iesu awarina i vilawani.
17 Ma au rava marina a aramanei da taumi ami babada maiteni Iesu o viraḡeni, aubaina taumi eḡa ota aramanei da tauna tauvilawana. 18 Wate wei lamna wariaḡa God ana peroveta anatapui i ririweia i tupua, God i riwa da ana tauvilawana ina vinuapoapoe. 19 Ami ḡoa apoapoe Ona voterei ma ona mae-taviremi God awarina da tauna ami ḡoʼapoapoe ina nota-tawanei. 20 Ma lamna maranaina God aruami nualawalawana ina verei, God Iesu i vinei da ami Tauvilawana ma ina paritawaneiai. 21 Iesu au Mara ina mae da God kaua anatapui ina ravivouni, me God ana peroveta vivivirei wariaḡa i ririweia nanare. 22 ✡ Deu 18:15, 18Moses i riwa, “Bada ami God peroveta, me tau nanare, ina terei ma tauna ami dam oinei ina nei. Ma aiwai anatapuna e ririwemi ona rautaniḡanana-kauei. † Mai Jew e ririwa da Moses lamna ai peroveta ḡaeḡaena. 23 ✡ Deu 18:19Ma aiai da wei perovetana eḡa ina rautaniḡanei lamna God ana rava awariei ina vilamonei.”
24 Peroveta Samuel ma muriai Peroveta maḡamaḡaui, kaua i ririweia marina e tuputupua. 25 ✡ Gen 22:18Taumi nai perovetai natunatui ma taumi maiteni parivainuaḡana bagibagina au orana. Au baina God Abraham i riwei, “Am epaepaia awariei dam anatapui au dobu ana viaiaini.” 26 Ma maranai God ana taunola i vinei, ma au naona i paritawaneiai awarimi da ita viaiainimi, ma lamnei taumi tagotagogi ava ami ḡoʼapoapoe ota opu-tawanei ma ota nei Tauna awarina.