75
75-küy •••• Adil soraqchi Xuda
1 Neghmichilerning béshigha «Halak qilmighaysen» dégen ahangda oqulsun dep tapshurulghan, Asafning küy-naxshisi: —
Sanga teshekkür éytimiz, i Xuda, teshekkür éytimiz!
Chünki naming bizge yéqindur;
Buni, qilghan karametliring ispatlap jakarlaydu.
2 Menki Perwerdigar: — «Men békitken waqitni ixtiyarimgha alghinimda,
Adalet bilen soraq qilimen;
3 Yer hem yerning üstide turuwatqanlar tewrinip tursimu,
Uning tüwrüklirini turghuzghuchi Özümdurmen» — dédi.
Sélah.
4 Maxtan’ghanlargha: — «Maxtanmanglar»,
Hem rezillerge «Münggüzüngni kötürme» — dédim; □ «Münggüzüngni yuqiri kötürme» — Tewratta, «münggüz»ler köp hallarda ademlerning abruy-shöhriti yaki küch-qudritini bildüridu. Bu ademning béshidin ösken münggüz emes, elwette!
5 «Münggüzüngni yuqiri kötürme;
Boynungni qattiq qilip ghadiyip sözlime!»
6 Chünki kötürülüsh sherqtin yaki gherbtin emes,
Yaki jenubtinmu kelmeydu; □ «... jenubtin emes» — yaki «(jenubtiki) chöl-bayawandin emes».
7 Chünki Xuda sotchidur;
U birsini kötüridu, birsini chüshüridu.
8 Chünki Perwerdigarning qolida bir qedeh turidu;
Uningdiki sharab köpüklishiwatidu;
U ebjesh sharab bilen toldi;
Xuda uningdin tökidu;
Derweqe yer yüzidiki barliq reziller uning dughini qoymay ichiwétidu;
9 Men bolsam, menggüge guwahliq bérimen: —
Yaqupning Xudasigha küylerni éytimen.
10 «Men rezillerning münggüzlirining hemmisini késip tashlaymen;
Biraq heqqaniylarning münggüzliri kötürülidu!».□ «Men rezillerning münggüzlirining hemmisini késip tashlaymen; biraq heqqaniylarning münggüzliri kötürülidu!» — sözligüchi (mushu 10-ayette) Xudaning Özi yaki Dawut padishahning ewladi bolghan Mesih bolsa kérek.
□75:4 «Münggüzüngni yuqiri kötürme» — Tewratta, «münggüz»ler köp hallarda ademlerning abruy-shöhriti yaki küch-qudritini bildüridu. Bu ademning béshidin ösken münggüz emes, elwette!
□75:6 «... jenubtin emes» — yaki «(jenubtiki) chöl-bayawandin emes».
□75:10 «Men rezillerning münggüzlirining hemmisini késip tashlaymen; biraq heqqaniylarning münggüzliri kötürülidu!» — sözligüchi (mushu 10-ayette) Xudaning Özi yaki Dawut padishahning ewladi bolghan Mesih bolsa kérek.