4
Dawami
1 Xu küni yǝttǝ ayal bir ǝrni tutuwelip, uningdin: — «Biz ɵz nenimizni yǝymiz, ɵz kiyim-keqǝklirimizni kiyimiz; pǝⱪǝt bizni rǝswaliⱪtin halas ⱪilix üqün, bizni namingizƣa tǝwǝ ⱪilixingizni ɵtünimiz!» — dǝydu. □ «bizni namingizƣa tǝwǝ ⱪilixingiz» — xu dǝwrdǝ, toy ⱪilƣandin keyin, ayal erining ismi bilǝn qaⱪirilidiƣan adǝt bar idi.
2 Xu küni «Pǝrwǝrdigarning xehi» uning güzǝlliki ⱨǝm xǝripini kɵrsǝtküqi bolidu,
Zemin bǝrgǝn mewǝ bolsa,
Ⱪeqip ⱪutulƣan Israildikilǝrgǝ xɵⱨrǝt wǝ güzǝllik kǝltüridu.□ «Pǝrwǝrdigarning xehi» — qoⱪum Pǝrwǝrdigarning Ɵzidin qiⱪⱪan bir zatni kɵrsitidu. Əmdi uning kim ikǝnliki tɵwǝndǝ eniⱪlinidu. «Pǝrwǝrdigarning xehi» uning güzǝlliki ⱨǝm xǝripini kɵrsǝtküqi bolidu» — ibraniy tilida ««Pǝrwǝrdigarning xehi» güzǝllik wǝ xan-xǝrǝp üqün bolidu».
3 Ⱨǝm xundaⱪ ix boliduki,
Zionda ⱪalƣanlar, Yerusalemda tohtitilƣanlar,
Yǝni Yerusalemda ⱨayat dǝp tizimlanƣanlarning ⱨǝmmisi pak-muⱪǝddǝs dǝp atilidu.□ «...Yerusalemda ⱨayat dǝp tizimlanƣanlarning ⱨǝmmisi pak-muⱪǝddǝs dǝp atilidu» — ahirⱪi zamanda Yǝⱨudiylarning «ⱪaldi»si eniⱪ kɵrünidu.
4 Xu qaƣda Rǝb adalǝt yürgüzgüqi roⱨ ⱨǝm kɵydürgüqi roⱨ bilǝn,
Zion ⱪizlirining pasiⱪliⱪini yuyup,
Yerusalemning ⱪan daƣlirini tazilaydu.
5 Xu qaƣda Pǝrwǝrdigar kündüzdǝ Zion teƣidiki ⱨǝrbir ɵy,
Xundaⱪla barliⱪ ibadǝt sorunlarning üstigǝ is-tütǝk wǝ bulut,
Kǝqtǝ bolsa ot yalⱪunining julasini yaritidu;
Qünki xan-xǝrǝpning üstidǝ sayiwǝn bar bolidu. □ «xan-xǝrǝpning üstidǝ sayiwǝn bar bolidu» — demǝk, Pǝrwǝrdigarning Ɵzining xan-xǝripi Yerusalemda turidu.
6 Xu küni, kündüzdǝ tomuz issiⱪⱪa sayǝ ⱪilidiƣan,
Hǝtǝrdin panaⱨlinidiƣan, boran-yamƣurlarƣa dalda bolidiƣan bir sayiwǝnlik kǝpǝ bolidu».
□4:1 «bizni namingizƣa tǝwǝ ⱪilixingiz» — xu dǝwrdǝ, toy ⱪilƣandin keyin, ayal erining ismi bilǝn qaⱪirilidiƣan adǝt bar idi.
□4:2 «Pǝrwǝrdigarning xehi» — qoⱪum Pǝrwǝrdigarning Ɵzidin qiⱪⱪan bir zatni kɵrsitidu. Əmdi uning kim ikǝnliki tɵwǝndǝ eniⱪlinidu. «Pǝrwǝrdigarning xehi» uning güzǝlliki ⱨǝm xǝripini kɵrsǝtküqi bolidu» — ibraniy tilida ««Pǝrwǝrdigarning xehi» güzǝllik wǝ xan-xǝrǝp üqün bolidu».
□4:3 «...Yerusalemda ⱨayat dǝp tizimlanƣanlarning ⱨǝmmisi pak-muⱪǝddǝs dǝp atilidu» — ahirⱪi zamanda Yǝⱨudiylarning «ⱪaldi»si eniⱪ kɵrünidu.
□4:5 «xan-xǝrǝpning üstidǝ sayiwǝn bar bolidu» — demǝk, Pǝrwǝrdigarning Ɵzining xan-xǝripi Yerusalemda turidu.