1 APU DIOS an Ap-apu mi, hay kinatag-em ya makattibon am-in tuh luta. Ya hay dayaw mu ya maid di kiingngohanad kabunyan.

2 Takon di u-unga ya goggolang ya natuttuduwan hi maphod an pundayaw ke he-a.* 8:2 Tibon yuy Mateo 21:16 Ya gapuh ongal an kabaelam ya nalakan apputom nadan buhul mun mungngohen he-a.

3 Deket intangad ku nah lintum an kabunyan ta tinibok nan bulan ya nadan bittuwon an inha-ad mu nah kiha-adan da 4 ya mipanomnom an hay tagu ya nababa, yaden tipet pakannomnomom ya paka-ippaptok mu dida? 5 Lintum didan nababbaba mu he-a,† 8:5 Hay kibalinan di “he-a” ya damana bon “nadan anghel.” Tibon yuy Hebrews 2:7. ya ongal di nangipadayawam ke dida. 6 Diday impun-ap-apum am-in hanadah lintum,‡ 8:4-6 Hebrews 2:6-8 7 umat nadah kalnero, baka, nadan udum an aggayam, 8 hamuti, dolog ya am-in nadan wadah baybay.

9 APU DIOS an Ap-apu mi, makulug an hay kinatag-em ya makattibon am-in tuh luta.