1 Antipet e umalih nomnom di tataguh kabobboblen e mungngohen APU DIOS? Ya tipe nin ta hay maid di hilbinay nonomnomon dan aton? 2 Hanada ke bon papatul ya aap-apu da ya mumbabaddang dan mumplanun makihanggan APU DIOS ya nan tinuddu nan patul.* 2:1-2 Acts 4:25-26 3 Kanan day “Hanggaon taku didat poppogon takuy nihbutan takun dida ta bokon mo diday mun-ap-apun ditaku.”

4 Mu hi Apu Dios an wadah dih pun-ap-apuwanah langit ya tattataw-anay planu dan maid di hilbina. 5 Indani ya bimmoh-ol ke dida ya timmattakut da nah namahig an boh-ol na. 6 Kananay “Inhamad kuy pun-ap-apuwan nan patul kud Zion an bilid ku.”† 2:6 Hay kibalinan di Zion handi ya nan boblen David an Jerusalem ya kanan da damdaman bilid an kawad-an nan Templo.

7 Kanan diyen natuddun patul di “Ipainilak di kinalin APU DIOS ke ha-on. Kananay ‘Imbabale dakan ha-on. Ipainilak mod uwanin ha-oy hi Amam.‡ 2:7 Tibon yuy Acts 13:33 ya Hebrews 1:5 ya 5:5. 8 Ibagam ke ha-on ta idat kuy kalebbengam an mun-ap-apun am-in hi kabobboble tuh luta. 9 Ongal di kabaelam an ahi mun-ap-apun dida ya nalakay panadagam ke didan umat hi pumpuhikam hi bangan nakapyah pula.’ ”

10 Kinali dakayun papatul ya aap-apuh kabobboble, pakannomnomon yuy aton yu! Nomnomon yuh tuwet pun-adalan yu. 11 Munhilbi kayun APU DIOS ya un-unudon yuy pinhod na ya adiyu ngohayon. 12 Mangun-unud kayun hiya§ 2:12 Wadaday udum an nitudok an kanan day “Mangun-unud kayu nah Imbabalena.” te deket ngohayon yu ya pinghanadi ya bimmoh-ol ta poppogonay biyag yu.

Mu nada ken mundinol ke hiyan kihikugan da ya ongal di amlong da.