KORINTE
Suh Pool Ih Takkhoh Raang Arah Le
Ephangjatjih
Pool ih Korin ni hoonta chaas adi Kristaan loong roidong nyia tuumaang ni chikrok thoidi halam phansiit suh Korinte suh phangkhoh le ah raangta. Erah tokdi Korin ah mirep miraang mithih mise songtong arah Grik samnuthung angta, erah langla Akaia juukhu hakong ni Room kepiitel angta. Erah hah adi pheehoon mootkaat, nengboong nengse, neng dangjang nyia neng thooroom hejaat hejaat thoidi raangmaatta.
Mina loong ah neng hoongsong hatong ni, rookmui jengmui ni, chaas ni neng dangjang tiit, adoleh jaaro jaalah nyia kuhoon moihoon chengmui tiit, thung atak tiit, chaas phansiit tiit, Esa Chiiala lakkot tiit, nyia ngaaksaat tiit thoidi Pool ih samthun ano arah le raangta. Heh ten ni naririh ih samthun ano Ruurang Ese tiit cheng rumha ah mamah ngaakbaat ha erah noisok rumha.
Arah leedaap 13, adi minchan ah juuba heh mina loong ah raangtaan ih Rangte thaangmuh lakkot ngeh ih raangha.
Hemong Dowa Jatjih
Ephangjatjih(1:1-9)
Chaas ni pheephaak tiit(1:10—4:21)
Roomjup roomtong nyia changtom tiit(5:1—7:40)
Kristaan nyia Ranglajatte(8:1—11:1)
Chaas hasong nyia khorongngot tiit(11:2—14:40)
Kristo nyia hanpiite ngaaksaat tiit(15:1-58)
Judia ni Kristaan loong lakkot tiit(16:1-4)
Maama hasong nyia hethoon tiit(16:5-24)
1
1 Rangte tenthun jun ih Jisu liphante raang ih poon arah Pool nyia seng phono Sosthens jiin nawa-
2 1:2 Esm 18:1 Korin ni songtongte Rangte chaas raangtaan, nyia Rangte esa noksong raang ih, o mina Jisu Kristo jun ih heh raangtaan ih, adoleh seng Teesu Jisu nyia neng Teesu ngeh ih noongrep ni songtongla mina loong raang:
3 Seng loong Wah Rangte nyia Teesu Jisu Kristo ih tenthet minchan nyia semroongroong raang ih romse toom tam kohan.
Kristo taang ni romse tamkot
4 Jisu Kristo jun ih sen suh romse tamkot raangtaan saarookwet ih nga Rangte suh lakookmi liihang. 5 Sen loong ah Kristo jun ih jirep adi changteng ih hoon lan, mongtham nyia jengkhaap kongkhaap ni nep ah. 6 Kristo tiitkhaap ah sendam di erah than ih jatthuk halan, 7 sen ih esiit taan uh romse tamkot ah lachoh tah angkan, seng Teesu Kristo dong ra bansok han jun ih ah. 8 Rangthoon doh uh sen loong ah rongtangtang ih thiinhan, tiimnge liidoh seng Teesu Jisu Kristo ngaakrak Rangwu doh rangdah pan naktoom ang an. 9 Hesah seng Teesu Jisu Kristo damdoh roongroop suh Rangte ih poon tahan loong ah ih Rangte ah ehanpi ejih.
Chaas pheephaak tiit
10 Seng Teesu Jisu Kristo chaan ih, ngaaphoh ngaano sen loong asuh, sen jaachi nah lapheephaak suh sen ih tiim li an eradoh roong jun an ngeh ih raangkoh weerum hala. Sen loong ah thungsiit doh nyia jisiit raang ih roongroop an. 11 Ngaaphoh ngaano loong Klos jaatang ih saasa ih baatrum halang, sen jaachi ni rookmui jengmui je lan. 12 1:12 Esm 18:24 Ngah ih liihang abah: Sen jaachi ni jihoh jihoh daanmui lan. Mararah ih liihan “Ngah ih Pool lih phanhang;” rukho ah ih liihan, “Ngah ih Apollo lih phanhang;” rukho ih liihan, “Ngah ih Pitar lih phanhang;” rukho ah ih liihan, “Ngah ih Kristo lih phanhang.” 13 Kristo ah maama maama ih* 1:13Kristo ah jen pheephaak eta; mararah le ni liihaKristo ah tami pheephaakka. jop pheephaak han! Sen raangtaan ih tekte ah Pool tam angta? Sen loong ah Pool liphante raangtaan ih ju ni tam temtan?
14 1:14 Esm 18:8; Esm 19:29; Rom 16:23 Sen loong ah ngah ih o uh ju temmuh, Krispas nyia Gaius luulu ba juutem tahan, erah thoidi Rangte suh lakookmi liihang. 15 Erah raangtaan ih o ih uh tajen liika sen loong ah nga liphante raang ih juutem tan. ( 16 1:16 1Kr 16:15 Em elang ih ah, Stephenas nyia heh jaatang uh ngah ih juutem rumtang; enoothong wahoh juutem bah ngah ih tasamthun kang.) 17 Kristo ih juutem raangtaan ih tadaapkaat tahang. Heh ih ngah bah Ruurang Ese tiit ah mina mongtham nawa ih lah angthang ih baatkaat thuk tahang, tiimnge liidoh bangphak ni Kristo tek chaan aphaan ah lamat suh ah.
Kristo chaan aphaan nyia Rangte mongtham
18 Erah raangtaan ih Kristo bangphak ni tektiit ah matte loong ah raang ih thaangmuh; enoothong seng o khopi li raang ebah Rangte chaan aphaan. 19 Rangteele ni liiha,
<<Ngah ih jatwah jeewah mongtham thet haat ih ang
nyia ejat emi thung atak loong ah ehoh nah thiin ang.>>
20 1:20 Jb 12:17; Isa 19:12; 33:18; Isa 44:25 Eno bah jatwah jeewah ah mani ah? adoleh ejat emi loong ah? adoleh arah mongrep dowa mongwah maakwah loong ah? Rangte ih arah mongrep dowa mongtham loong ah thaangmuh ngeh ih noisok ha.
21 Rangte mongtham ah mina neng niija mongtham nawa ih heh lajen jatthuk thang ih ang thukla. Erah nang ebah, seng ih nyootsootti asuh <<thaangmuh” liiha jun ih heh suh laalomte loong ah Rangte ih puipang esuh liiha. 22 Jehudi loong ah mih paatjaajih ah jatjoot esuh jamta, eno Grik loong ah ih mongtham ese ah jamta. 23 Enoothong seng loong ih bah Kristo tekrapbot tiit ah baat hi, erah tiitkhaap ah Jehudi raang ih edaan tiit eno Ranglajatte loong raang ih thaangmuh tiit; 24 enoothong Rangte ih o poonha, Jehudi nok hah angkoja adoleh Ranglajatte angkoja, arah tiitkhaap ah langla Kristo tiit, eno erah Rangte chaan aphaan nyia mongtham. 25 Tiimnge Rangte emoklak ih adi uh mina mongtham nang ih ejatthoon, nyia Rangte naangtek ah mina nang ih luuchaan.
26 Ngaaphoh ngaano loong amadoh samthun ih an, Rangte ih poon tahan adoh sen mamah angtan. Mina jun ih sen loong ah jatwah jeewah nyia ehang echaan adoleh changnuh changsiit changnyi ba angtan. 27 Rangte ih jatririh di mina ih thaangmuh liiha ah jatwah jeewah rakrek thuk suh nyia changthih noodek ah ehang echaan rakrek thuksuh danjeeta. 28 Mongrep mina ih thiikkhoh thiik ha loong ah thetsiit thuk suh thaangju kaanse thiik ha nyia chiik haat ha loong ah Rangte ih danjeeha 29 Erah langla Rangte ngathong nah o uh tajen khuupookka. 30 Enoothong Rangte ih sen loong ah Jisu Kristo damdoh tong suh thoksiit halan, eno Rangte ih Kristo ah seng raang ih jatwah mongtham ih hoonthukla. Jisu thoidi seng loong ah kateng angthuk hali; adoleh Rangte esa noksong angthuk heeno rangdah nawa saasiit hali. 31 1:31 Jer 9:24 Erah raangtaan ih Rangteele ni liiha, <<O khuupook esuh li abah Teesu ih tiim mokala erah suh khuupook theng.>>