Ba unitäŋo täktäki täga unita yäŋpäŋ wäpi yäpmäŋ akwayäŋ.

Yawe uwä Isrel ämawebe ninta butewaki nadäŋ nimiŋpäŋ nadäŋ nimikinik täk täyak. Täŋkaŋ imaka säkgämän säkgämän mäyap täŋ nimik täyak.

8-9 Nadäkaŋ? Yawetä ŋode yäŋkuk; Äbot ŋowä näkŋaken äbot. Ämawebe uwä täŋnäkŋatpäŋ mäde nämo api ut namineŋ.

Yawetä ude yäŋpäŋ komi bäräpiken nanik yämagutkuk.

Komi bäräpi nadäŋkuŋo u komi bäräpi bok nadäŋkuŋ.

Ba täŋkentäŋ yämiŋkuko uwä aŋero ini dubiniken irani unitä bumik täŋkentäŋ yämiŋkuk.

Uwä nadäŋ yämikinik täŋkaŋ butewaki nadäŋ yämiŋpäŋ wädäŋ tädotpäŋ yepmaŋkuk.

Ude täŋkaŋ kadäni käroŋi boham watäni säkgämän itpäŋ yämagut yäpmäŋ kuŋatkuk.

10  * Apos 7:51; Efe 4:30 Ude täŋkuko upäŋkaŋ peŋawäk kädet terak Kudupi Munapikita bäräpi imiŋkuŋ. Ude täŋirä Yawetä ini-tägän iwani däkŋeŋpäŋ äboriyekät ämik täŋkuŋ.