19
Taun Babilon pɨsnep apyap pakek, binɨb mɨñmɨñ gɨpal
1 Pen tap anɨb okok gak ak kɨdek nɨgɨnek, binɨb kuŋay yɨbɨl God man ne alaŋ meg mɨgan dad aplanɨl agɨlak,
God Bɨawl yɨbɨl chɨn ak, yɨb nop dad adek awl alaŋ aplanɨgun agɨlak.* Lain 1 ayɨp 3 ayɨp 4 ayɨp 6 ayɨp, chɨn takaw anɨb ak kɨl tɨkobun, God bɨawl yɨbɨl yɨb nop dad adek awl alaŋ aplanɨgun kɨl tɨkɨl agobun. Jon ne takaw anɨb ak, takaw Hiblu kɨl tɨkɨl agak, Haleluya agak. Binɨb ne okok kɨlop tɨg asɨk dup agɨlak. Yɨb awl sek kɨles ne ak sek mɨdeb tek, chɨnop kod mɨdeb agɨlak. 2 Lo 32.43, 2 Kin 9.7, Lep 6.10, 15.3, 16.7, 18.20 Nɨgtep gɨl yɨbɨl, binɨb okok kɨlop bɨlok nɨŋɨd yul ñub agɨlak. Kanɨbtam binawl anɨb ak, God nop kelɨgɨl monmon gɨlɨg, God binɨb ne okok kɨlop paklɨlɨg gak agɨlak. Paklɨl, bɨ si dɨl, binɨb lum okok kɨlop kanɨb yomek abe gɨlak ak, nop nɨŋɨd pen yul awl yɨbɨl ñub agɨlak.
3 Ais 34.10, Lep 14.11, 18.9, 18.18 Anɨb agɨl, tepayaŋ meg mɨgan dad aplanɨl agɨlak,
God Bɨawl yɨbɨl yɨb nop dad adek awl alaŋ aplanɨgun agɨlak. Man awl yɨn gaknɨŋ, sɨkom ak pel pelnep aplanub agɨlak.
4 Neh 8.6, Lep 4.2-6, 4.10, 5.14 Anɨb agelak, 24 bɨawl okok sek, tap kɨm mɨdep omɨŋal omɨŋal okok sek, kɨli God bɨnonɨm besɨg mɨdep adek mɨdeb ak jɨj sɨŋak kɨgom yɨmɨl agɨlak,
Nɨŋɨd yɨbɨl. God Bɨawl yɨbɨl yɨb nop dad adek awl alaŋ aplanɨgun agɨlak.
5 Sng 22.23, 115.13, 134.1, 135.1, Lep 11.18, 20.12 Anɨb agelak, takaw olap bɨnonɨm besɨg mɨdep adek yek sɨŋak nɨb agɨl agak,
Nɨbi binɨb awl akaŋ, binɨb tam okok akaŋ, tay tek mɨdɨl pen God chɨn ak nop bɨawl yɨbɨl agɨl pɨlɨkɨl, wog nop gɨpɨm okok, nop tep yɨbɨl agɨnɨmɨb agak.
Chag Sipsip Ñɨluk ne bin dek, tap mɨdup ñɨŋeb ñɨn ak owup
6 Sng 93.1, 97.1, 99.1, Ese 1.24, Lep 11.15-17, 14.2, 15.3, 21.2 Anɨb agaknɨŋ nɨgɨnek, binɨb kuŋay yɨbɨl ñɨg awl apyapɨlɨg pug agup tek akaŋ, tɨmuk agaknɨŋ gu awl agup tek agɨlɨg agɨlak,
God Bɨawl yɨbɨl yɨb nop dad adek awl alaŋ aplanɨgun agɨlak. God chɨn Bɨawl yɨbɨl, tap okok mɨdupsek gɨnɨmuŋ tek nep mɨdeb ak, mɨñɨl binɨb man okok mɨdupsek kɨlop dɨl kod mɨdeb agɨlak. 7 Mat 22.2, 25.10, Epe 5.32, Lep 21.2, 21.9 Pen Chag Sipsip Ñɨluk ak bin ne nop dɨnɨgab ñɨn ak owup tek,† Chag Sipsip Ñɨluk bin dɨnɨgeb apun ak nɨm, ne Klays. Bin anɨb nep bɨ dɨnɨgeb apun ak nɨm, Klays binɨb ne. Klays adɨkɨd ownɨgab ñɨn ak, binɨb ne dɨnɨgab ak, anɨb ak tek kɨli dɨpil. Klays binɨb ne dad man teplep amnɨgab, ne ayɨp pelpel yenɨgabal. bin ak bɨ dɨnɨg gɨtep gɨl mɨdeb agɨlak. Anɨb ak tep gaknɨŋ mɨñmɨñ gɨlɨg, yɨb nop dad aplanɨgun agɨlak. 8 Sng 45.13-14, Ais 61.10, Ese 16.10 Bin ne nop, God chech kayɨg tep ñɨñakol gɨlɨg yɨbɨl mɨdeb olap ñek yɨmub agɨlak.
Chech kayɨg tep yɨbɨl anɨb ak nɨm, tap teplep God binɨb ne gɨtep gɨpal okok agɨl apin.
9 Mat 22.2-3, Luk 14.15-16, Lep 21.5 Pen ensel ak yɨp agak, Takaw yad agɨnɨgebin ak ñu kɨl tɨkɨnɨmɨn agak. Binɨb God suk agek apɨl Chag Sipsip Ñɨluk bin dɨnɨgab tap awl ak ayɨp ñɨŋɨnɨgabal okok, mɨñmɨñ yɨbɨl gɨnɨgabal agak. Pen takaw olap yɨp agak, Takaw anɨb ak, God takaw ne nɨŋɨd yɨbɨl agup ak agak.
10 Apo 10.25-26, 1 Jo 5.10, Lep 22.6-9 Pen ensel ak anɨb agek, yad tob agen nop sɨŋak kɨgom yɨmɨl nop agnɨgin agen, yɨp agak, Anɨb ma gɨnɨmɨn agak. Yad bɨ wog nop gɨñeb olap agak. Nad ayɨp namam nad okok ayɨp, nɨbi takaw Jisas agñub ak gos kɨles gɨl nɨŋɨd wog gɨpɨm tek, yad abe wog anɨgɨpin agak. God nop nokom gos anep lɨl agnɨgɨnɨmɨn agak. Chɨn nopun, takaw Jisas agñub ak, binɨb gos kɨlop pag yɨkek, God kɨlop gos ñek agñɨbal agak.
Bɨ olap chag hos kayɨg adek ak besɨgɨl ajek
11 Sng 96.13, Ais 11.4, Ese 1.1, Lep 1.5, 3.14, 6.2, 15.5 Pen tepayaŋ nɨgɨnek, God man ne alaŋ mɨgan yɨkɨl, chag hos kayɨg olap jak yek. Bɨ olap chag hos kayɨg adek ak besɨg yek, yɨb ne omɨŋal mɨdeb. Yɨb olap God Nop Chɨg Tep Gup, yɨb olap Nɨŋɨd Yɨbɨl. Ne binɨb okok kɨlop bɨlok nɨŋɨd yul ñub ak, monmon ma ñub, gɨpal tek nɨŋɨd ñub. Anɨb ak binɨb okok ayɨp penpen gɨl ñag jup ak, suŋtep yɨbɨl mɨdɨl ñag jup. 12 Dan 10.6, Lep 1.14, 2.17-18, 19.16 Wɨdɨn ne ak, mab mɨŋɨlaŋ tek yek. Binɨb mɨdupsek kod mɨdeb tek, bɨnonɨm nag ak kuŋay yɨbɨl kɨmɨg cheg ne dum alaŋ lɨ yek. Yɨb olap tɨk lek yek, wak nop okok. Pen yɨb ne anɨb ak, binɨb yokɨp okok ma nepal. Ne nokom nɨgup. 13 Ais 63.1-3, Jon 1.1, 1.14, 1 Jo 5.7-8 Chech pal lɨ yek ak, nɨkɨm ak tawek amnak. Pen yɨb ne ak, God Takaw Ne apal. 14 Mat 28.3, Lep 4.4, 7.9 Bɨ chɨm kadɨŋ gep God man ne alaŋ nɨb okok, kɨli chech kayɨg teplep yɨbɨl okok keke lɨdɨl, chag hos kayɨg adek okok keke besɨg dɨl, nop kɨdek gɨlak. 15 Sng 2.9, Ais 63.3, Jol 3.13, 2 Te 2.8, Lep 1.16, 2.27, 4.8, 12.5, 14.19-20 Meg mɨgan ne ayaŋ, tu kɨd tɨmel yɨbɨl olap aplan jakup. Tu anɨb ak mɨdeb, binɨb man keke lak tek, kɨli ayɨp penpen gɨl pak yuk yokɨl, yɨl kɨles olap dɨl kɨlop kodɨnɨgab. Pen anɨgɨnɨgab ñɨn anɨb ak, kɨli wayn mɨdup tek mɨdel, God nop mɨlɨk yowak. Mɨlɨk yapek nɨm, bɨ anɨb ak nop agek, kɨlop dɨl wayn mɨdup taw chɨb jakup ak kab kɨwok mɨgan ak yokɨl, taw chɨb jakɨnɨgab. Pen kab kɨwok mɨgan takaw anɨb ak, takaw paladaŋ lɨl agɨl, God mɨlɨk yowak ak agak. God ne tap okok mɨdupsek gɨnɨmuŋ tek nep mɨdeb ak anɨgɨnɨgab. 16 1 Ti 6.15, Lep 17.14, 19.12 Pen bɨ chag hos adek besɨg yek ak, chech pal ne okok sek, mɨle kɨd ne okok sek yɨb olap tɨkɨl agɨlak, Bɨnonɨm okok mɨdupsek ne ke bɨnonɨm awl yɨbɨl kɨli mɨdeb ak, bɨawl okok mɨdupsek ne ke Bɨawl yɨbɨl kɨli mɨdeb ak agɨlak.
17 Ese 39.17-20 Pen won ak nɨgɨnek, ensel olap sub wɨdɨn nab sɨŋalaŋ mɨdɨlɨg, yawl wɨŋɨd ajelak okok kɨlop suk awl agɨl agak, God nɨbop tap mɨdup awl ñɨnɨgeb nen, apnan gɨl ñɨŋɨnɨmɨb agak. 18 Apɨl, chɨp kubal yɨbɨl okok ñɨŋɨnɨmɨb agak. Gapman bɨnonɨm okok kɨlop ñɨbɨl, bɨ chɨm kadɨŋ gep bɨawl yɨbɨl okok ñɨbɨl, bɨ chɨm kadɨŋ gep okok ñɨbɨl, chag hos okok ñɨbɨl, bɨ chag hos dad ajɨpal okok ñɨbɨl gɨnɨmɨb agak. Pen binɨb wog gɨñeb bɨawl olap muk okok mɨdebal okok, binɨb wog gep bɨawl olap muk okok ma mɨdebal okok, binɨb yɨb awl mɨdeb okok, yɨb ma mɨdeb okok mɨdupsek, yɨpɨl kɨlop okok ñɨŋɨnɨmɨb agak.
19 Sng 2.2, Lep 16.16, 17.13-14 Pen won ak nɨgɨnek, tap ladek ak sek, gapman bɨnonɨm lum awl kod mɨdebal okok sek, bɨ chɨm kadɨŋ gep kɨli okok sek apnan gɨlak. Kɨli bɨ chag hos kayɨg adek ak besɨg yek ak ayɨp, bɨ chɨm kadɨŋ gep ne okok ayɨp penpen gɨnɨgun agɨl apnan gɨlak. 20 Ais 30.33, Dan 7.11, Lep 13.1-18, 14.10, 16.13-14, 20.10, 20.15 Anɨgɨlak ak pen, bɨ chag hos kayɨg adek besɨg yek ak, ne tap ladek ak sek, bɨne nop gos ñek binɨb okok kɨlop yepɨs yɨbɨl agñak ak sek, kɨlopmɨŋal dɨ nag lɨl, mab mɨŋɨlaŋ salpa sek ke yɨneb mɨgan ak dɨyokak. Tap ladek bɨne anɨb ak, ned ne tap mageptek gɨl binɨb kuŋay yɨbɨl kɨlop yepɨs gek, tap ladek kɨjɨkɨl ne ak dɨl, kawnan nop tek nɨŋɨd gɨlɨlak ak agnɨgɨlak.
21 Lep 17.16, 19.15-18 Pen bɨ chag hos kayɨg adek besɨg yek, tu meg mɨgan ne ayaŋ nɨb aplan jakak ak mɨdeb ak, bɨ omɨŋal bɨ chɨm kadɨŋ gep kɨli okok, kɨlop mɨdupsek ñagak. Ñagek, yawl okok apɨl, yɨpɨl kɨlop okok ñɨb ñɨb mel nɨŋɨd kelɨgɨlak.
*19:1 Lain 1 ayɨp 3 ayɨp 4 ayɨp 6 ayɨp, chɨn takaw anɨb ak kɨl tɨkobun, God bɨawl yɨbɨl yɨb nop dad adek awl alaŋ aplanɨgun kɨl tɨkɨl agobun. Jon ne takaw anɨb ak, takaw Hiblu kɨl tɨkɨl agak, Haleluya agak.
19:2 Lo 32.43, 2 Kin 9.7, Lep 6.10, 15.3, 16.7, 18.20
19:3 Ais 34.10, Lep 14.11, 18.9, 18.18
19:4 Neh 8.6, Lep 4.2-6, 4.10, 5.14
19:5 Sng 22.23, 115.13, 134.1, 135.1, Lep 11.18, 20.12
19:6 Sng 93.1, 97.1, 99.1, Ese 1.24, Lep 11.15-17, 14.2, 15.3, 21.2
19:7 Mat 22.2, 25.10, Epe 5.32, Lep 21.2, 21.9
†19:7 Chag Sipsip Ñɨluk bin dɨnɨgeb apun ak nɨm, ne Klays. Bin anɨb nep bɨ dɨnɨgeb apun ak nɨm, Klays binɨb ne. Klays adɨkɨd ownɨgab ñɨn ak, binɨb ne dɨnɨgab ak, anɨb ak tek kɨli dɨpil. Klays binɨb ne dad man teplep amnɨgab, ne ayɨp pelpel yenɨgabal.
19:8 Sng 45.13-14, Ais 61.10, Ese 16.10
19:9 Mat 22.2-3, Luk 14.15-16, Lep 21.5
19:10 Apo 10.25-26, 1 Jo 5.10, Lep 22.6-9
19:11 Sng 96.13, Ais 11.4, Ese 1.1, Lep 1.5, 3.14, 6.2, 15.5
19:12 Dan 10.6, Lep 1.14, 2.17-18, 19.16
19:13 Ais 63.1-3, Jon 1.1, 1.14, 1 Jo 5.7-8
19:14 Mat 28.3, Lep 4.4, 7.9
19:15 Sng 2.9, Ais 63.3, Jol 3.13, 2 Te 2.8, Lep 1.16, 2.27, 4.8, 12.5, 14.19-20
19:16 1 Ti 6.15, Lep 17.14, 19.12
19:17 Ese 39.17-20
19:19 Sng 2.2, Lep 16.16, 17.13-14
19:20 Ais 30.33, Dan 7.11, Lep 13.1-18, 14.10, 16.13-14, 20.10, 20.15
19:21 Lep 17.16, 19.15-18