1  Hab 2.20, Lep 6.1 Pen Chag Sipsip Ñɨluk ak, nag kugul ak wɨsɨkaknɨŋ, God man ne alaŋ takaw pug ma gɨl, yep won olap yokɨp yek. 2  2 Sto 29.25-28, Mat 18.10, Luk 1.19 Pen nɨgɨnek, ensel anep kugul ak, God wɨdɨn mɨdup adek sɨŋak jak yelɨgɨpal. Ensel anɨb okok kɨlop akɨl keke ñek, dɨ yelak.

3-4  Kis 30.1-3, Sng 141.2, Amo 9.1, Luk 1.10, Lep 5.8, 9.13 Ensel olap pen kɨnag gol dɨl gɨlak won olap dak. Kɨnag anɨb ak, tap teplep kuy tep owep ak mɨgan yek. Dɨl, ap God nop sɨbogep abañ adek gol sɨŋak jakɨl yek. God nop tap dagɨlel yɨn kuy tep owep ak kuŋay yɨbɨl ñelak, dɨl God nop abañ gol dɨl gɨlak adek ak dagɨlak. Abañ anɨb ak, bɨnonɨm besɨg mɨdep wulep sɨŋak yek. Pen tap kuy tep owep ak dagɨlek, sɨkom ak yɨn aplanɨlɨg, binɨb God yɨl yelak okok nop agnɨgɨlak takaw ak sek jɨmñɨl wɨlɨk malɨk gɨl, aplan amnak. 5  Kis 19.16-19, Wkp 16.12, 1 Kin 19.11, Ese 10.2, Apo 4.31, Lep 4.5, 11.19, 16.18 Pen kɨnag won anɨb ak dɨl, mab yɨn gɨlɨg yek God nop sɨbogep abañ adek alaŋ yɨnek okok dɨl, kɨnag mɨgan ayaŋ lɨl, lum awl adek ayaŋ yokak. Yokek, tɨmuk awl agɨlɨg, añɨñak dɨlɨg, gu agek palsek amɨl, monmon dak.

6 Won anɨb ak, ensel anep kugul akɨl dɨ yelak okok, dad aplanɨl pugɨnɨg gelak.

7  Kis 9.23-25, Ais 2.13, Ese 38.22, Jol 2.30, Lep 9.4, 16.2 Ensel ned ak, akɨl ne ak pugek, mab mɨŋɨlaŋ ak sek, tun man mɨdup awl ak sek nɨkɨm komkam gɨl, lum adek awl sog yowak. Pen sogak anɨb ak, lum awl day omɨŋal nokom tek agɨl, day omɨŋal tek yek, day nokom olap yɨn sɨbok amnak. Man okok, mab okok, tap wɨj kɨm kɨm jak yek okok mɨdupsek, yɨn sɨbok amnak.

8  Kis 7.20-21, Jer 51.25, Ese 14.19, Amo 7.4, Lep 16.3 Pen ensel nab ak, akɨl ne ak pugek, dum awl yɨbɨl mab tek yɨnek olap, ñɨg solwala nab sɨŋak dɨyokɨlak. Dɨyokel, ñɨg solwala day omɨŋal nokom tek agɨl, day omɨŋal tek yek, day nokom olap nɨkɨm tawek amnak. 9  Ais 14.12 Amek, kubsal tap yelak okok day omɨŋal nokom tek agɨl, day omɨŋal tek yek, day nokom olap mɨdupsek kumɨlak. Pen sip yelak okok day omɨŋal nokom tek agɨl, day omɨŋal tek yek, day nokom olap gɨ tɨmel gak.

10  Ais 14.12, Lep 9.1, 16.4 Pen ensel nab peŋ ak, akɨl ne ak pugek, gap pogɨlɨn awl mab mɨŋɨlaŋ tek yɨnek olap, wɨsɨp alaŋ nɨb pɨgju apyowak. Ñɨg awl okok sek, ñɨg kɨlam jup okok sek, day omɨŋal nokom tek agɨl, day omɨŋal tek yek, day nokom olap apyowak. 11  Kis 15.23, Jer 9.15, 23.15 Gap anɨb ak yɨb ne Malasin Sɨlek agɨlak. Ñɨg okok day omɨŋal nokom tek agɨl, day omɨŋal tek yek, day nokom olap gɨ tɨmel gak. Binɨb kuŋay ñɨg gɨ tɨmel gak anɨb okok ñɨbɨl kumɨlak.

12  Ais 13.10, Ese 32.7, Jol 2.10, 2.31, 3.15, Amo 8.9, Lep 6.12-13 Pen ensel tɨgawup ak, akɨl ne ak pugek, sub, takan, gap okok day omɨŋal nokom tek agɨl, day omɨŋal tek yek, day nokom olap sɨkom tek pak yu gɨl, mɨlek tep pel gup tek ma gak. Sub ak tɨmel gɨl, takan gap okok tɨmel gɨl, day omɨŋal nokom tek agɨl, day omɨŋal tek yek, day nokom olap mɨlek golɨgup tek ma gak.

13  Lep 9.12, 11.14 Pen yad anɨgɨl nɨg mɨdɨlɨg nɨgɨnek, yawl duk ak wɨsɨp nab sɨŋalaŋ wɨŋɨd ajɨlɨg, takaw awl tek agɨl agak, Ake, ake, ake, tɨmel yɨbɨl gɨnɨgeb agak. Ensel omɨŋal nokom, akɨl kɨli pugɨnɨgebal ak pugɨlaknɨŋ, binɨb lum awl mɨdebal okok, kɨlop gɨ tɨmel yɨbɨl gɨnɨgab agak.