13
Chɨn anɨb gonɨgun, God nop tep gɨnɨgab
1 Jon 13.34, 1 Te 4.9, 1 Pi 1.22, 2 Pi 1.7, 1 Jo 3.11, 4.7, 4.20 Mam ay okok ayɨp penpen mapen lɨlɨg mɨdɨl dɨnɨmɨb. 2 Stt 18.1-8, 19.1-3, Mat 25.35, Lom 12.13, 1 Ti 3.2, 1 Pi 4.9 Binɨb okok nɨb okok nɨb ownɨgel ak, kɨlop ag dap kal mɨgan nɨbi lɨnɨmɨb. Binɨb ogɨnap, binɨb okok ag dɨdeg lɨl ag dɨnok agɨl, ensel okok kɨlop pen ag dɨdeg lɨl ag dɨlak. 3 Mat 25.36, Lom 12.15, 1 Ko 12.26, Kol 4.18, Hib 10.34, 1 Pi 3.8 Binɨb kɨlop nag lel mɨdebal okok, chɨn ayɨp nag lɨl mɨdobun agɨl kɨlop nɨŋɨd dɨtep gɨnɨmɨb. Binɨb kɨlop gɨ tɨmel gel koslam mɨdebal okok, chɨn abe koslam yonɨgun tek lup agɨl kɨlop gos nɨŋɨd dɨtep gɨnɨmɨb.
4 1 Ko 6.9, Gal 5.19-21, Epe 5.5, Kol 3.5-6, Lep 22.15 Bin bɨ dɨpal okok, tap tep yɨbɨl. Binɨb ogɨnap apɨl, bɨ bel omɨŋal pɨsnep dɨpil anɨb ak ma tɨbɨlɨkɨnɨgel ak nɨm, God nɨgek gach sek ma mɨdeb. God binɨb bin bɨ dɨl, kɨdek bin si bɨ si gɨnɨgabal okok sek, binɨb yokɨp bin si bɨ si gɨnɨgabal okok sek, kɨlop takaw awl yɨbɨl ag genɨgab, yɨpɨl awl yɨbɨl ak dɨnɨgabal.
5 Lo 31.6-8, Jos 1.5, Mat 6.25, 6.34, Plp 4.11-12, 1 Ti 6.8 Mani din agɨl gos kuŋay ma nɨgɨnɨmɨb. Tap chɨn dɨpun okok tap tep, chɨnop tap olap ma tek dup agɨl gos nɨgɨnɨmɨb. Nɨb nepɨm, God ne anɨb agak,
Yad nep ma kelɨgɨnɨgayn, yad nep kud ma ñɨnɨgayn, mel agak.
6 Sng 118.6 Anɨb ak chɨbol chɨnop ak tep gek, gos sek mɨdɨl takaw anɨb ak agɨnɨgun,
Bɨawl yɨp kod mɨdɨl dɨtep gek, ma pɨlɨkɨnɨgayn agɨnɨgun. Binɨb okok yɨp tap olap gɨnɨgel tek ma lup agɨnɨgun.
Bɨawl okok kɨli nɨbop agel nepek ak, sawl ma gɨnɨmɨb
7 1 Ko 4.16, Hib 6.12 Bɨawl nɨbi kɨli ned God takaw nɨbop agɨlak okok, kɨlop gos nɨŋɨd sawl ma gɨnɨmɨb. Kɨli kanɨb tep adek ak amɨl wog gɨtep gɨl, God nop gos lɨnɨgɨlak. Anɨgel amnak ak nɨbi gos nɨŋɨd, adek nokom anɨb ak nep tek gɨnɨmɨb. 8 Jon 8.58, Epe 4.14, Hib 1.12, Lep 1.4 Jisas Klays ne ned yek tek, mɨñɨl abe mɨdeb, kɨdek abe pel anɨgɨl yenɨgab. 9 Lom 14.17, Epe 4.14, Kol 2.4, 2.8, 2.16, 1 Ti 4.3 Binɨb ogɨnap takaw ke agɨl, ag amɨl apɨl gel, takaw anɨb ak gos nɨbop gɨ tɨmel gek kanɨb tep adek ak kelɨgɨnɨgabɨm tek lɨnɨmuŋ. God ne chɨnop yɨmug nɨŋɨd gɨtep gek, gos chɨn nab ayaŋ kɨles gɨl yonɨmuŋ ak, anɨb ak nep tep yɨbɨl. Tap ñɨŋeb ma ñɨŋeb takaw ak pen, gos chɨn nab ayaŋ kɨles gɨnɨmuŋ tek ma lup. Binɨb okok tap ak ñɨŋeb, tap ak ma ñɨŋeb agɨl, asɨk mosɨk gɨ mɨdebal ak pen, tap anɨb okok gek mɨdtep ma gɨpal.
10 1 Ko 9.13, 10.18 Chɨn God nop sɨbogep abañ adek ak olap mɨdeb. Pen bɨ God nop sɨbogep wog nop gɨ mɨdebal, God sel kal agnɨgep mɨgan ayaŋ okok, kɨli tap sɨbogep abañ adek God nop ñɨbun ak, ñɨŋɨnɨgel tek ma yɨbɨl lup. 11 Kis 29.14, Wkp 6.30, 16.27, Nam 19.3 Bɨ God nop sɨbogep bɨawl yɨbɨl ak, chag sipsip chag bulmakaw tap okok pakɨl nɨkɨm dɨl, God nop sɨbogɨnɨg, God kal ñɨluk mɨgan ayaŋ suŋtep ke yɨbɨl mɨgan ak amub. Anɨgek, God ne binɨb tap si tap tɨmel gɨpal okok tɨg walɨg gɨyokup. Nonɨm okok pen damɨl, mɨdebal seŋayaŋ dagɨlek pɨsnep yɨn sɨbok amub. 12 Mat 21.39, Jon 19.17-18, Apo 7.58 Anɨb ak tek Jisas abe, binɨb okok kɨli God binɨb ne suŋtep yɨbɨl yelaŋ agɨl, taun seŋayaŋ amɨl yul awl dɨl, nɨkɨm ne ke sogek kumak. 13 Hib 11.26, 12.2, 1 Pi 4.14 Adek anɨb ak nop yɨl seŋayaŋ amnɨgun. Amon, nop agjulak tek chɨnop monmon agjunɨgel. 14 Mai 2.10, Plp 3.20, Hib 11.10, 11.16, 12.22 Chɨn nopun, lum awl ak, pelpel yonɨgun tep olap ma mɨdeb ak pen, tep kɨdek apek pelpel yonɨgun agɨl kod mɨdobun.
15 2 Sto 29.31, Sng 50.14, 50.23, 69.30-31, Hos 14.2, 1 Pi 2.5 Jisas wog anɨgɨl gak, anɨb ak tek chɨn pelpel yɨb awl dɨl, yɨb awl anɨb ak God nop tap pak sɨbogep tek ak ñon amnɨmuŋ. Meg mɨgan dad aplanɨl, yɨb nop ak pel dad aplanɨgun. 16 Lom 12.13, Plp 4.18, Hib 6.10 Pen binɨb okok kɨlop gɨñɨl, gɨtep gɨlɨg tap ogɨnap ñɨnɨmɨb. Anɨb okok tap sɨbog ñɨbal tek anɨb ak nep gem, God nɨgek nop tep gɨnɨgab. Anɨb ak sawl ma gɨnɨmɨb, adek anɨb ak nep gɨnɨmɨb.
God ne chɨnop gek, wog ne mɨdupsek gɨtep gɨnɨgun tek lup
17 Ese 3.17, 1 Te 5.12, 1 Ti 5.17 Bɨawl nɨbi okok, kɨli nɨbop gɨñɨnɨg, wog gɨlɨg nɨbop kodɨpal. Pen kɨdek, wog gɨpal anɨb ak God nop agñɨnɨgel. Anɨb ak tek kɨlop muk okok mɨdɨl, takaw apal ak nɨŋɨd kɨdek gɨnɨmɨb. Anɨgenɨgabɨm, tep gaknɨŋ wog gɨnɨgabal. Mel ak, koslam wog gel tep ma gek, nɨbop tɨtay dɨl kod mɨdtep gɨnɨgabal?
18 Apo 23.1, 24.16, Lom 15.30, 2 Ko 1.12, Kol 4.3 God nop pel agnɨgem, chɨnop kod yonɨmuŋ. Chɨn gɨtep gɨnɨgun agɨl pel gos nopun. Anɨb ak anɨgɨl gos nopun, chɨbol nab chɨn ayaŋ yɨpɨd gɨl mɨdtep gup. 19 Yad nɨbop kɨles gɨl agebin, God nop agnɨgem yɨp gɨñek, mɨdebɨm ak kasek adɨkɨd ownɨgayn.
20 Ais 55.3, Jer 32.40, Ese 37.26, Sek 9.11, Lom 15.33, 1 Ko 6.14, Hib 10.29, 1 Pi 2.25 Bɨawl chɨn Jisas, ne bɨ chag sipsip mukep kɨles tɨmel ak. Nɨkɨm ne ke ak dɨl God nop sɨbog ñek, takaw ag adek nokom lak pel pelnep yenɨgab ak wos gup. Anɨb ak God bɨ kɨmɨgel mɨdtep gep ak, ne Jisas nop gek tepayaŋ tɨkjakak. 21 Gal 1.5, Plp 2.13, 2 Te 2.17, 1 Pi 5.10 Pen God nop anɨgɨl agnepin, ne nɨbop dɨtep gɨl kod mɨdaknɨŋ, gos ne mɨdupsek yɨpɨd gɨl kɨdek gɨnɨmɨb tek lup. Abe agnepin, ne Jisas Klays nop gos nɨŋɨd chɨnop gek, gos ne ke nɨŋɨd anɨb agup tek gɨnɨgun. Pen Klays nop yɨb awl ñɨnɨgun, pel pelnep ñɨlɨg yonɨgun. Yaw.
Takaw day won ogɨnap
22 Pen mam ay sɨkop, nɨbop yɨlɨk ma gonɨmuŋ agɨl, takaw palawl ma apin. Wulep won ak apin. Anɨb ak kɨmɨgel gos sek mɨdɨl, takaw apin anɨb ak nɨgtep yɨbɨl gɨnɨmɨb.
23 Pen nɨbop agñen nɨgɨnɨgebɨm, mam chɨn Timoti nop nag lak ak, ag seŋ yokel kɨm amnak. Kasek yɨp yɨl apenɨgab, chɨl ayɨp apɨl nɨbop nɨgɨnɨgabul.
24 Nɨbi takaw yad ak dɨl, bɨawl nɨbi okok ayɨp, binɨb God yɨl mɨdebal okok ayɨp, kɨlop mɨdupsek ag dɨdeg lɨnɨmɨb. Mam ay man awl Yitali nɨb okok, kɨli nɨbop ag dɨdeg lebal.
25 God nɨbop yɨmug nɨŋɨd gɨtep gɨnɨmuŋ.
13:1 Jon 13.34, 1 Te 4.9, 1 Pi 1.22, 2 Pi 1.7, 1 Jo 3.11, 4.7, 4.20
13:2 Stt 18.1-8, 19.1-3, Mat 25.35, Lom 12.13, 1 Ti 3.2, 1 Pi 4.9
13:3 Mat 25.36, Lom 12.15, 1 Ko 12.26, Kol 4.18, Hib 10.34, 1 Pi 3.8
13:4 1 Ko 6.9, Gal 5.19-21, Epe 5.5, Kol 3.5-6, Lep 22.15
13:5 Lo 31.6-8, Jos 1.5, Mat 6.25, 6.34, Plp 4.11-12, 1 Ti 6.8
13:6 Sng 118.6
13:7 1 Ko 4.16, Hib 6.12
13:8 Jon 8.58, Epe 4.14, Hib 1.12, Lep 1.4
13:9 Lom 14.17, Epe 4.14, Kol 2.4, 2.8, 2.16, 1 Ti 4.3
13:10 1 Ko 9.13, 10.18
13:11 Kis 29.14, Wkp 6.30, 16.27, Nam 19.3
13:12 Mat 21.39, Jon 19.17-18, Apo 7.58
13:13 Hib 11.26, 12.2, 1 Pi 4.14
13:14 Mai 2.10, Plp 3.20, Hib 11.10, 11.16, 12.22
13:15 2 Sto 29.31, Sng 50.14, 50.23, 69.30-31, Hos 14.2, 1 Pi 2.5
13:16 Lom 12.13, Plp 4.18, Hib 6.10
13:17 Ese 3.17, 1 Te 5.12, 1 Ti 5.17
13:18 Apo 23.1, 24.16, Lom 15.30, 2 Ko 1.12, Kol 4.3
13:20 Ais 55.3, Jer 32.40, Ese 37.26, Sek 9.11, Lom 15.33, 1 Ko 6.14, Hib 10.29, 1 Pi 2.25
13:21 Gal 1.5, Plp 2.13, 2 Te 2.17, 1 Pi 5.10