1 ⵢ ⵤⴶⵤⵏⵏ ⵙ ⵗⵢⵙⴰ ⵏ⵿ⵜⴰ ⵍⵎⵙⵈ ⵓⴹⵢ ⵀⵔⵔ ⵏⵎⵛⵏⴰ ⵎⵙ⵰ ⵢ ⵔⵏ ⵎⵔⵓ ⴹ ⵔⵓ ⵀⵔⵔⵏⵜ⵰ 2 ⵏ⵿ⵜⴹⴰ ⵓⴰ ⴹⵏⵗⵙⵙⵏⵏ ⵙ ⵏⵔⴰ ⵀⵔⵔⵏ ⵏⵎⵛⵏⴰ ⵜⵔⴰ ⵏⴶⴰ ⵎⵛⵏⴰ ⵏⵍⴾⵎ ⵢⵍⵓⵌⵀⵏⵜ⵰ 3 ⵜⵔⴰ ⵏⵎⵛⵏⴰ ⵍⴾⵎ ⵢⵍⵓⵌⵀⵏⵜ ⵎⵔⵏ ⵍⵓⵌⵀⵏ ⵏⵎⵛⵏⴰ ⵓⵔ ⵎⵙⵏ ⵤⴾ 4 ⴼⵍⵙ ⵀⵔⵔⵏ ⵏⵎⵛⵏⴰ ⴾⵍ ⵔⵏⵏ ⴹⵏⵜ ⵎⵔⵏ ⵜⵔⵏⴰ ⵜⴰ ⵜⵗⵍⵀⵜ ⴹⵏⵜ ⵜⴹⵢ ⵤⴶⵤⵏⵏⴰ⵰

5 ⵎⴰ ⵎⵙ ⵤⴰ ⵓⴰ ⵔⵏⵏ ⴹⵏⵜ⵰ ⴹⵢ ⵤⴰ ⵓⴹⵏ ⵓⴰ ⵤⴶⵤⵏⵏ ⵙ ⵗⵢⵙⴰ ⵀⵔⵔ ⵏⵎⵛⵏⴰ ⵎⵙ⵰ 6 ⵗⵢⵙⴰ ⵙⴹⵓ ⴹⵏⵜ ⵜⵓⵙⵍⵎⵗ ⴹⵗ ⵎⵏ ⵤⵏⵏⵜ ⴹⵗ ⵏ⵿ⵗⵍ ⴼⵍ ⵜⴶⵜⵓⵜ ⴹⵗ ⴹⵢ ⵓⵔⴶⵗ ⵎⵏ ⵗⵙ ⵙ ⴹⵏⴼⵍⵍ ⴾⵍⵔ ⵎⵏ ⴹⵤⵏⵢ ⵙ ⴹⵏⴼⵍⵍ⵰ ⵏ⵿ⴼⵙ ⵓⴰ ⵤⴹⴶⵏ ⵙⵜⴹⵏ ⵔⵜ ⵓⴰ ⵏ⵿ⴼⵙ ⵓⴰ ⵤⴹⴶⵏ ⵎⵔⵏ ⵜⴹⵜ ⵎⵙ⵰ 7 ⴹⵗ ⴹⵢ ⴾⵔⴹⵜ ⵜⴶⵢⵓⵏ ⵜⵍⵏⵏ ⵎⵙⵏⵏ 8 ⵏ⵿ⴼⵙ ⵓⴰ ⵤⴹⴶⵏ ⴹⵎⵏ ⴹⵤⵏⵢ ⵎⵔⵏ ⴾⵜⵏⵙⵏⵜ ⴼⵍ ⴾⵔⴹⵜⵙⵏⵜ ⵏⵎⵏⴾⵏⵜ ⵙ ⵜⴶⵢⴰ ⵜⴰ⵰ 9 ⵙ ⴶⵢⵏ ⵢⵜⴹⵏ ⴼⵍ ⵔⵜ ⴹ ⵏⵆⵀⵍ ⵜⴶⵢⵏⵙⵏ⵰ ⵎⵛⵏ ⵜⴶⵢⴰ ⵜⵏ ⵎⵛⵏⴰ ⵏ⵿ⵜⴰ ⵤⵓⵔⵜ ⵎⵔⵏ ⵏ⵿ⵜⴰ ⴶⴰ ⵢ ⵀⵔⵔⵏⵜ⵰ 10 ⵓⴰ ⵤⴶⵤⵏⵏ ⵙ ⵀⵔⵔ ⵏⵎⵛⵏⴰ ⵏ⵿ⵜⴰ ⴹⴰ ⵜⵂⴰ ⵜⴶⵢⴰ ⵜⴰ ⵎⵏⵜ⵰ ⵓⴰ ⵓⵔ ⵏⵤⴶⵤⵏ ⵙ ⵎⵛⵏⴰ ⵓⴹⵢ ⵙⵀⵂⵓ ⵜⴶⴰ ⴼⵍⵙ ⵤⴶⵤⵏ ⵓⵔ ⴶⴰ ⵜⴶⵢⴰ ⵜⴰ ⴶⴰ ⵎⵛⵏⴰ ⴼⵍ ⵀⵔⵔⵏⵜ⵰

11 ⵎⴰ ⵜⵙⵜⴹⴰ ⵜⴶⵢⴰ ⵜⴰ⵰ ⵜⵙⵜⴹⴰ ⵙ ⵎⵛⵏⴰ ⴾⴼⵏⴰ ⵜⵎⴹⵔ⵿ⵜ ⵜⴰ ⵜⵗⵍⵍⵜ ⵎⵔⵏ ⵜⵎⴹⵔ⵿ⵜ ⵜⴰ ⵏ⵿ⵜⴰ ⴹⵜⴶⵎⴹⵜ ⵀⵔⵔⵏⵜ⵰ 12 ⵓⴰ ⵤⴶⵤⵏⵏ ⵙ ⵀⵔⵔ ⵏⵎⵛⵏⴰ ⴶⵔⵓ ⵜⵎⴹⵔ⵿ⵜ ⵜⴰ ⵓⴰ ⵙⵔⵙ ⵓⵔ ⵏⵤⴶⵤⵏ ⵓⵔ ⵜⵜⴶⵔⵓ⵰

13 ⵔⵜⵏ ⵓⵏ ⴾⵜⵀⵗⵓⵏ⵿ⵜⵏⵏ ⴼⵍ ⴹ ⵜⵙⵏⵎ ⵙ ⵜⴶⵔⵓⵎ ⵜⵎⴹⵔ⵿ⵜ ⵜⵗⵍⵍⵜ ⴾⵓⵏⵢ ⵤⴶⵤⵏⵏ ⵙⵙⵎ ⵏⵀⵔⵔ ⵏⵎⵛⵏⴰ⵰ 14 ⵏ⵿ⵜⴰ ⴹⴰ ⵎⴾ ⵓⵙ ⵏⴾⵙ ⵛⴾ ⴼⵍ ⵎⵏⵏⴰ ⵗⵔ ⵎⵛⵏⴰ ⵙ ⴹⵗⵙ ⵏⴶⵎⵢ ⵔⵜ ⵏⵎⵏⴾⵏ ⴹⵜⵔⵏⵜ ⵓⴹⵢ ⵙⵙⵎⵏⴰ⵰ 15 ⵎⵔⵏ ⴹⴹ ⵤⵎⵙ ⵏⵙⵏ ⵙ ⵙⵙⵎⵏⴰ ⵓⴹⵢ ⵔⵜ ⵓⴰ ⴹⵗⵙ ⵏⴶⵎⵢ ⵏⵙⵏ ⵙ ⵏⴶⵔⵓⵜⵓ⵰

16 ⵙ ⵏⵢ ⵢⵏ ⴹⵗⵓⵏ ⵎⴹⵔⵢⵏⵜ ⴹⵗ ⵤⴶⵤⵏ ⵜⴶⵓ ⵀⴾⴹ ⵜⵓⵔⵏⵛⵜⵛⴰ ⵢ ⵜⵎ⵿ⵙⵢ ⴶⵎⵢⵜⵙ ⴹⵗ ⵎⵛⵏⴰ ⴹⵙⵙⵔⴼ⵰ ⵢⵜⴹⵏ ⵙ ⴶⵏⴰ ⵓⵏ ⵜⴶⵏⵏ ⵀⴾⴹⵏ ⵓⵏ ⵓⵔ ⵏⵛⵜⵛⵓ ⵙ ⵜⵎ⵿ⵙⵢ⵰ ⵎⵛⵏ ⵍⵢ ⵀⴾⴹ ⵓⴰ ⵜⵓⵢⵏ ⵙ ⵜⵎ⵿ⵙⵢ ⵎⵔⵏ ⵓⵔⴶⵗ ⵏ⵿ⵜⴰ ⵙ ⴹⵓⵏⵏⵗ ⴹ ⵜⵜⵔⵎ ⵢ ⵓⴰ ⵜⴶⵏ⵰ 17 ⵜⴹⵜ ⵙ ⵀⴰ ⵏⵆⴹ ⵀⴾⴹ ⵎⵙ ⵎⵛⵏ ⵓⵔⴶⵗ ⵀⴾⴹⵏ ⴾⵍ ⵛⵜⵛⵏ ⵙ ⵜⵎ⵿ⵙⵢ⵰

18 ⵏⵙⵏ ⵙ ⵀⵔⵔⵏ ⵏⵎⵛⵏⴰ ⵓⵔ ⴶⵍⵏ ⵜⴶⵏ ⵀⴾⴹⵏ ⴼⵍⵙ ⵀⵔⵔ ⵏⵎⵛⵏⴰ ⵜⵏⴶⵤⵏ⵰ ⴹⵢ ⴹⴰ ⴼⵍⵙ ⵓⵔ ⴹⵗⵙⵏ ⴼⵔⴶ ⵀⵍⵙ ⵓⵍⴰ⵰ 19 ⵏⵙⵏ ⵙ ⵏⴾⵏⵢ ⵎⵛⵏⴰ ⴹⵏⵗⵍⵏ ⵎⵔⵏ ⴹⵏⵜ ⴾⵜⵏⵜ ⵏⴹⴰ ⴹⵗⵙ ⵀⵍⵙ⵰ 20 ⵏⵙⵏ ⵙ ⵀⵔⵔ ⵏⵎⵛⵏⴰ ⵙⴹⵓ ⵎⵔⵏ ⵏ⵿ⵜⴰ ⴹⵏⵗⴾⴼⵏ ⴶⵔⵢ ⴼⵍ ⴹ ⵏⵙⵏ ⵎⵍⵢ ⵓⵏ ⵜⴹⵜ ⵎⵔⵏ ⵏⵔ⵿ⵜⵢ ⴹⵎⵍⵢ ⵓⵏ ⵜⴹⵜ ⵙ ⵜⵔⵢⵜ ⵏⵀⵔⵔⵏⵜ ⵗⵢⵙⴰ ⵍⵎⵙⵈ⵰ ⵏ⵿ⵜⴰ ⵎⵙⵏ ⵎⵍⵢ ⵓⵏ ⵜⴹⵜ ⵂⴾⵏ ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰

21 ⵀⵔⵔⵏⵏ ⴶⵤⵜ ⵎⵏⵓⵏ ⴹⵗ ⵙⵏⵎⵏ⵰