1 ⴾⴹ ⵛⵓⵍⵗ ⵓⵍⵏ ⵏⵢⵜⴹⵏ ⵂⵔⴾⴹ ⵓⵏ ⵏ⵿ⴶⵍⵙⵏ ⴹⴰ ⵙ ⴹⵓⵔ⵿ⵜⵂⴰ ⵜⵔⴰ ⵓⵔ ⵤⵍⵢ ⵓⵍⵏ ⴹⵎⵙⵍⵢ ⵏⵏⵢⵏⴰ ⵎⴹⵗ ⵎⵙⵍⵢ ⵏⵗⵍⵍ ⵏ⵿ⵜⵤⵍⵢ ⵜⵜⵓⵜⵏ⵰ 2 ⴾⴹ ⴶⵔⵓⴰ ⵜⵂⴾⵜ ⵏⵎⵍ ⵏ⵿ⵙⵍⵏ ⴹⵤⵤⵀⵜ ⵎⵛⵏⴰ ⵓⵍⴰ ⴶⵔⵓⴰ ⵙⵔⵏ ⴾⵍ ⴹⵎⵙⵏⵜ ⴾⵍ ⵓⵍⴰ ⵍⵗ ⵤⴶⵤⵏ ⴾⵎⵍⵏ ⴹⵙⴼⵔⴶⵏ ⵙⴶⵍⵢ ⵏⴹⵗⵗⵏ ⴹⴰ ⵙ ⴹⵓⵔ⵿ⵜⵂⴰ ⵜⵔⴰ ⵓⵔ ⵎⵙⵗ ⵓⵍⴰ⵰ 3 ⴾⴹ ⵤⵏⴰ ⵜⵍⵏⵏ ⴾⵍ ⵢ ⵜⵍⵆⵓⵏ ⵙⴾⵜⵗ ⵎⵏⵏ ⵢⵍⵗⵀⴹⴰ ⵏⵎⵛⵏⴰ ⵂⵔ ⵗⵔⵢ ⵎⵍ ⵙ ⴶⵔⵗ ⵢⵜⴹⵏ ⴹⴰ ⵙ ⴹⵓⵔ⵿ⵜⵂⴰ ⵜⵔⴰ ⵓⵔ ⴹⵤⵏ⵿ⴼⵓ ⴹⵢ ⵙ ⵓⵍⴰ⵰

4 ⵓⴹⵏ ⵓⴰ ⵜⵂⴰ ⵜⵔⴰ ⵜⵂⵢ ⵜⵤⵢⴹⵔ⵿ⵜ ⵍⵗ⵰ ⵓⵔ ⵤⵓⵢ ⵢⵓⴹⵏ ⵓⵍⵢⵏ ⵓⵔ ⵜⴶⵓ ⵀⵔⴶⵏ ⵓⵔ ⴹⴾⵍ ⵎⵏⵜ ⴹⵏⴶ ⵢⵜⴹⵏ⵰ 5 ⵓⴹⵏ ⵜⵂⴰ ⵜⵔⴰ ⵓⵔ ⵜⴶⵓ ⵎⵤⵍ ⵏⵀⴰ ⵏ⵿ⵜⴾⵔⴾⵜ ⵓⵔ ⴶⵎⵢ ⵓⴰ ⵜⵤⵏ⵿ⴼⵏ ⵏ⵿ⵜⴰ ⵗⵙ ⵓⵔ ⵔⵗⵙ ⵍⵂⵎⵏⵜ ⵓⵔ ⵜⵜⴼ ⴹⵗ ⵎⵏ ⵔⴾ ⵎⵤⵍ ⴹⵙⴶⴰ ⵓⴹⵏ⵰ 6 ⵓⵔ ⵜⵙⴹⵓⵜ ⵔⵜ ⵓⵔ ⵏⵗⴹ ⴾⵍⵔ ⵜⴹⵜ ⵜⵜⵙⴹⵓⵜ⵰ 7 ⴼⵓ ⵤⵤⵢⴹⵔ ⴼⵓ ⵤⴶⵤⵏ ⴼⵓ ⴶⴰ ⵜⵎⴰ ⵤⵎⵔ ⵢⵔⵜ ⴾⵍ⵰ 8 ⵜⵔⴰ ⵓⵔ ⴹⵙⵍⴾⵎ ⴹ ⵜⵗⵔⴹ ⵜⵂⴾⵜ ⵏⵎⵍ ⵏ⵿ⵙⵍⵏ ⴹⵤⵤⵀⵜ ⵎⵛⵏⴰ ⵍⴾⵎ ⵜⵓⵔ⵿ⵜⵍⴰ ⵜⵏ ⵛⵓⵍ ⵏⵓⵍⵏ ⵓⵔ ⵏⵜⵓⵤⴹⵢ ⴹ ⵜⵔⵤ ⵜⵏ ⵎⵙⵏⵜ ⵏ⵿ⵜⴰ ⴹⴰ ⵍⴾⵎ ⵜⵓⵔ⵿ⵜⵍⴰ⵰ 9 ⴼⵍⵙ ⵎⵙⵏⵜⵏⵏⴰ ⵓⵔ ⵜⵏ⵿ⴹⴰ ⵎⵍⵏⵏⴰ ⵙⵍⵏ ⵓⵏ ⴹⵤⵤⵀⵜ ⵎⵛⵏⴰ ⴹⵗ ⵓⵔ ⵏ⵿ⴹⴰ⵰

10 ⵎⵛⵏ ⵙ ⴹⵜⵙⴰ ⵍⴾⵎⵍⵜ ⵓⴰ ⵓⵔ ⵏⴾⵎⵍ ⴹ ⵀⴰ ⵜⵎⵢⵎⵜⵏⵜ⵰ 11 ⵂⵔⵓⴰ ⵎⵙⴰ ⵀⵔⵔ ⵓⵍ ⵏⵀⵔⵔ ⵜⴶⵗ ⵜⴶⵗ ⵎⴹⵔⵏⵏ ⵓⵏ ⵀⵔⵔ ⵍⵗ ⵜⵢⵜⵢ ⵜⵏ ⵀⵔⵔ⵰ ⵎⵛⵏ ⵙ ⵆⵍⵗ ⵍⵙ ⵢⵗⵏ ⵔⵜⵏ ⵓⵏ ⵀⵔⵔ ⴹⴼⵔⵢ⵰ 12 ⵎⵔⴹⴰ ⵏⵂⵏⵢ ⵙ ⵎⵙⵏⵜⵏⵏⴰ ⵓⵍⴰ ⴹ ⵜⴶⵜ ⵓⵔ ⵜⵎⵙ ⵓⵍⴰ ⴹⴶⵎⴰ ⵏ⵿ⵜⴰ ⵜⵍⴾⵎⵜ⵰ ⵤⵍⵢⵜⵏⵜ ⵓⴰ ⵤⵍⵢⵏ ⵏⵢ ⵏⵓⴹⵏ ⴹⵗ ⵛⵛⵜ ⴹⵏⵢⵏⵜ ⴹⵎ ⵙⴹⵎ⵰ ⵎⵔⴹⴰ ⵎⵙⵏⵜⵏ ⵓⵔ ⵜⴾⵎⵍ ⵎⵛⵏ ⵍⴾⵎ ⴹ ⵜⴾⵎⵍ ⵜⴶⵓ ⵍⴾⵎⵍⵜ ⵜⴰ ⵜⴶⴰ ⵜⵎⵤⴹⵢⵜ ⵜⴰ ⴹⴶⴰ ⵎⵛⵏⴰ⵰

13 ⵎⵔⵏ ⵎⵔⴹⴰ ⴾⵔⴹ ⵔⵜⵏ ⵓⵏ ⵜⵍⵏⵏ ⵜⵏⵎⵙⵏ ⵤⴶⵤⵏ ⴹⵜⵎⴰ ⴹⵜⵔⴰ⵰ ⵎⵛⵏ ⵓⴰ ⵜⵏⴶⵔⵏ ⵜⵔⴰ⵰