55
Ho a i Talè, Ami’ty Marotaly; Fanoroa’ i Davide 1 Janjiño o filolohakoo ry Andrianañahare;
ko mietak’ amo halalikoo.
2 Haoño raho, le toiño;
ie tsitoboboly am-pitoreoko,
toe miñeoñeoñe avao
3 ty amy feon-drafelahikoy,
ami’ty fanindria’ o lo-tserekeo,
ie mametsa-kasosorañe;
vaho am-piloroloroañe
ty atreatré’ iareo ahy.
4 Miola ty an-troko ao,
vaho midoiñ’ amako
ty fangebahebàn-kavilasy.
5 Midoñ’amako ty firevendreveñañe
naho ty fihondrahondràñe,
vaho opoe’ ty anifañe.
6 Hoe raho : Ee te nanañ’ elatse
hoe deho!
le ho nitiliñe añe vaho nitofa;
7 Eka, ho niherereake mb’eo,
ho nañialo am-patrambey añe. Selà
8 Ho nifiotse mb’am-pipalirako mb’eo,
ty ami’ty tio-bey naho ty afo-rano.
9 Votemboteo ry Talè,
tseraho ty famele’ iareo,
fa nahatrea piaroteñe naho fiolañe
an-drova ao raho.
10 Handro an-kaleñe iereo ro
mitingatinga ambone kijoly ey,
añivo’e ao ty hatsivokarañe
naho fikitrohan-draty.
11 Firotsahañe ty añivo’e ao,
tsy mienga o kiririsa’eo
ty joy naho ty fìtake.
12 Tsy t’ie rafelahy te mañìnje ahy,
fa ho nileoko,
tsy t’ie mpalaiñ’ ahy te itoabora’e,
fa ho nietahako.
13 Te mone ihe, rahambako,
mpiamako naho rañeko,
14 nimamy ty fifañohahòhan-tika,
mbore nitrao-pivovotse amy màroy mb’añ’anjomban’ Añahare mb’eo.
15 Ee t’ie ho fañahieñe
mb’am-pihomaham-beo,
agodoño veloñe an-tsikeokeok’ ao;
amy te an-kaloloañe ao ty kiboho’e;
añivo’e ao.
16 Aa naho zaho, ho kanjieko t’Andrianañahare;
vaho handrombak’ ahy t’Iehovà. 17 Hariva naho handro vaho an-tsipinde ty hitoreovako
naho hiñeoñeoñe;
vaho ho janji’e ty feoko.
18 Hijebaña’e an-kanintsiñe
amy fifandraparapahañe amakoy.
19 Hijanjiñe t’i Andrianañahare
vaho ho toiñe’e iareo;
I miambesatse am-piambesa’e haehaey, Selà
toe tsy miova iareo,
tsy mañeveñe aman’ Añahare.
20 F’ie mañonjo-haoke hañatreatre
amo nifampilongo ama’eo,
ie nifotetse amy fañina’ey,
21 Nalama te amo solikeo o entam-palie’eo fe aly avao ty añ’ arofo’e ao;
nalea ta o menakeo o saontsi’eo,
te mone fibara napontsoañe.
22 Apoho am’ Iehovà o kilanka’oo,
le ho tohaña’e;
tsy hado’e higavingaviñe o vantañeo.
23 F’ihe ry Andrianañahare:
ro hampijoroboñ’ iareo
an-kobon-dalek’ao;
tsy hiveloma’ ondaty mampiori-dio
naho mamañahio, ty an-tsasa’ o andro’eo, fa naho zaho, Ihe ro hiatoako.
DRAFT VERSION