1 O ana’ i Levio: i Gersome, i Kehàte vaho i Merarý. 2 Zao ty tahina’ o ana’ i Gersomeo: i Libný naho i Simý. 3 O ana’ i Kehàteo: i Amrame, Itshare naho i Kebrone vaho i Oziele. 4 O ana’ i Merario: i Maklý naho i Mosý, le zao o hasavereña’ o nte-Levio ty aman-droae’eo. 5 I Gersone: ana’e t’i Libný, ana’e t’ Iakate, ana’e t’i Zimà, 6 ana’e t’Ioà, ana’e t’Idò, ana’e t’i Zerake, ana’e t’Ieateray. 7 O ana’ i Kehàteo: ana’e t’i Aminadabe, ana’e t’i Korake, ana’e t’i Asire, 8 ana’e t’i Elkanà, ana’e t’i Ebiasafe, ana’e t’i Asire, 9 ana’e t’i Takate, ana’e t’i Oriele, ana’e t’i Ozià, ana’e t’i Saole. 10 O ana’ i Elkanao: i Amasay naho i Akimote. 11 Ty amy Elkanà: o ana’ i Elkanào: ana’e t’i Zofay, ana’e t’i Nakate, 12 ana’e t’i Eliabe, ana’e t’Ierokame, ana’e Elkanà. 13 O ana’ i Samoeleo; tañoloñoloña’e t’i Vasný naho i Abià. 14 O ana’ i Merario: i Maklý, ana’e t’i Libný, ana’e t’i Shimý, ana’e t’i Ozà. 15 I Simý: ana’e t’i Kagià, ana’e t’i Asaià.

16 Iretoañe o najado’ i Davide hifeleke ty fisaboañe añ’anjomba’ Iehovào, ie fa napok’ ao i vatay. 17 Le nitoroñe an-tsabo añatrefa’ i kivohon-kibohom-pamantañañey iereo, am-para’ ty nandranjia’ i Selomò ty anjomba’ Iehovà e Ierosalaime ao, le songa nandrambe ty toe’e naho ty fitoroña’e amy firirita’ey. 18 Irezao o nandrambe o toe’eo naho o tarira’eoo: Amo ana’ i Kehàteo: i Hemane mpisabo, ana’ Ioele, ana’ i Samoele, 19 ana’ i Elkanà, ana’ Ierokame, ana’ i Eliele, ana’ i Toàke, 20 ana’ i Zofe, ana’ i Elkanà, ana’ i Mahate, ana’ i Amasay, 21 ana’ i Elkanà, ana’ Ioele, ana’ i Azarià, ana’ i Tsefana, 22 ana’ i Takate, ana’ i Asire, ana’ i Ebia­safe, ana’ i Koràke, 23 ana’ Iitshare, ana’ i Kehàte, ana’ i Levý, ana’ Israele. 24 Naho i Asafe rahalahi’ey nijohañe am-pitàn-kavana eo, toe i Asafe ana’ i Berakià, ana’ i Simeà, 25 ana’ i Mikaele, ana’ i Baaseià, ana’ i Malkià, 26 ana’ i Etný, ana’ i Tse­rake, ana’ i Adaià, 27 ana’ i Etane, ana’ i Zimà, ana’ i Simý, 28 ana’ Iakate, ana’ i Gersome, ana’ i Levý. 29 Naho ty ana’ i Merarý rahalahi’ iareo, am-pitàn-kavia eo, i Etane ana’ i Kisisý, ana’ i Abdý, ana’ i Maloke, 30 ana’ i Kasabià, ana’ i Amatsià, ana’ i Kilkià, 31 ana’ i Amtsý, ana’ i Baný, ana’ i Samere, 32 ana’ i Maklý, ana’ i Mosý, ana’ i Merarý, ana’ i Levý. 33 Le tinendre amo hene fitoroñañe an-kibohon’ anjomban’ Añahareo o nte-Levy rahalahi’ iareoo. 34 Le i Aharone naho o ana-dahi’eo ty nañenga amy kitrelin’ engan-koroañey naho amy kitrelim-pañembohañey ho amy ze fitoroñañe iaby amy toetse loho masiñey naho hañeferañe Israele ty amy ze hene nandilia’ i Mosè mpitoron’ Añahare. 35 Zao o ana’ i Aharoneo: i Elazare ana’e, i Pinekase ana’e, i Abisoà ana’e 36 i Boký ana’e, i Ozý ana’e, i Zerakià ana’e, 37 i Meraiote ana’e, i Amarià ana’e, i Akitobe ana’e, 38 i Tsadoke ana’e, i Akimatse ana’e. 39 Le zao o toem-pimoneña’ iareo amo rova’eoo naho amo efe-tane’ o ana’ i Aharoneo, amo hasavereña’ o nte-Kehàteoo, o niazo’ iereo an-kitsapakeo. 40 Nitolorañe ty Kebrone an-tane’ Iehoda ao naho o tanem-piandraza’eo. 41 Fe natolotse amy Kalebe, ana’ Iefonè o tete’ i rovaio naho o tanà’eo. 42 Le natolotse amo ana’ i Aharoneo o rova’ Iehoda rezao: i Kebrone, rovam-pitso­lohañe naho i Libnà reke-tanem-piandraza’e naho Iatire vaho i Estemòa rekets’ o fiandraza’eo, 43 naho i Kilane reke-piandraza’e, i Debire reke-piandraza’e, 44 naho i Asane reke-piandraza’e naho i Bete-semese reke-piandraza’e, 45 le boak’ amy fifokoa’ i Beniaminey: i Gebà reke-piandraza’e naho i Alemete reke-piandraza’e vaho i Anatote reke-piandraza’e. Aa ty hamaro’ o rova’eo ty amo hasavereña’ iareo iabio: Rova folo-telo’amby. 46 Le natolotse an-kitsapak’ amo ana’ i Kehàte ila’eo, boak’ an-kasavereñam-pifokoañe, i vakim-pifokoañe, vaki’ i Menasèy ty rova folo. 47 Le amo ana’ i Gersomeo, ty amo hasavereña’eo, boak’am-pifokoa’ Isakare naho boak’ am-pifokoa’ i Asere naho boak’ am-pifokoa’ i Naftalý vaho boak’ am-pifokoa’ i Menasè ty rova folo-telo’ amby e Basane ao. 48 Le amo ana’ i Merario, ty natolots’ an-tsapake, ty amo hasavereña’eo, boak’ am-pifokoa’ i Reobene naho am-pifokoa’ i Gade naho am-pifokoa’ i Zebolone ao, ty rova folo-ro’ amby. 49 Aa le natolo’ o ana’ Israeleo amo nte-Levio o rova’eo reke-piandrazañe: 50 Tinolotse, an-kitsapake, boak’ am-pifokoan’ ana’ Iehoda naho am-pifokoan’ ana’ i Simeone naho am-pifokoan’ ana’ i Beniamine, i rova tokaveñe amo añara’eo rezay. 51 Toe nanan-drova an’ toetse am-pifokoa’ i Efraime ao ty ila’ o ana’ i Kehàteo. 52 Natolotse iareo ho rovam-pitsolohañe, t’i Sekeme, am-bohibohi’ i Efraime ao reke-piandraza’e naho i Gezere reke-piandraza’e, 53 naho Iokmeame reke-piandraza’e naho i Bete-korone reke-piandraza’e, 54 naho i Aialone reke-piandraza’e naho i Gate-rimone reke-piandraza’e; 55 le boak’ ami’ty vakim-pifokoa’ i Menasè ao: i Anere reke-piandraza’e naho i Bileame reke-piandraza’e, ho a ty ila’ o hasavereñan’ ana’ i Kehàteo. 56 Natolotse amo ana’ i Gersomeo, boak’ an-kasavereñam-bakim-pifokoa’ i Menasè ao, i Golane e Basane ao reke-piandraza’e naho i Astarote reke-piandraza’e; 57 naho boak’ am-pifokoa’ Isakare: i Kadese, reke-piandraza’e naho i Dob­rate reke-piandraza’e, 58 naho i Ramote, reke-piandraza’e naho i Aneme reke-piandraza’e; 59 le boak’ am-pifokoa’ i Asere: i Masale reke-piandraza’e naho i Abdone reke-piandraza’e 60 naho i Kokoke reke-piandraza’e naho i Rekobe reke-piandraza’e; 61 le boak’ am-pifokoa’ i Naftalý: i Kedese e Galile reke-piandraza’e naho i Kamone reke-piandraza’e naho i Kiriatehaime reke-piandraza’e. 62 Le natolotse amo ila’eo, amo ana’ i Merario, boak’ am-pifokoa’ i Zebolone: i Ri­mone reke-piandraza’e naho i Tabore reke-paripari’e. 63 Le alafe’ Iordaney e Ierikò, atiñana’ Iordaney, boak’ am-pifokoa’ i Reobene, i Betse­re am-patrambey ao, reke-pian­draza’e naho Iatsà reke-pian­draza’e, 64 naho i Kedemote, reke-pian­draza’e naho i Mofaate reke-pian­draza’e; 65 le boak’ am-pifokoa’ i Gade: i Ramote e Gilade ao reke-piandraza’e naho i Makanaime reke-piandraza’e, 66 naho i Kesbone reke-piandraza’e naho Iazere reke-piandraza’e.