3
Zhuwawu Namabathiza Onosasanyedha Dila
(Mt 3.1-12; Mr 1.2-8)
1 Vowaakwana yaaka kumi ni tanu dha omwene wa Tibeeriyo Sezari, Pontiyo Pilatu agali kuminadori* Naari tetararaka Kuminadori eriiriwa tetararaka, athonga epaddi ya nannayi ya murudda mmohi; teto moone, verisikulu 19. oZhudeya, Heroddi agali namathonga a elabo ya oGalileya, ddibile Filipi aali namathonga a elabo yo Etureya ni Tarakoniti, Lusaniya aali namathonga a elabo yo Abilene; 2 Annasi ni Kayifa yaali apogo a anamakutha. Mudhidhi oyene yahidha madhu a Mulugu wa Zhuwawu, mwaana a Zakariya, agali mwiiddeddereni. 3 Zhuwawu aheddeedda mirudda dhatedhene dha nikome na mwihinje Zhorodawu alaleyaga wi ebathiziwe etthwaruwaga, wi eleveleliwe mwa dhoothega. 4 Woona mwalebeliwiwa muniivuruni na madhu a namavuhulela Ezaya:
“Ndhu nnakuwa mwiiddeddereni:
‘Sasanyedhani rampa a Nabwiya,
moogolele dila yaaye.
5 Maddiba mateene evuheleliwe,
mwango dhatedhene ni thuthuma dhiliganelihiwe
dila dhokoromana dhineere woogoliwa.
Muli magologodha muliganelihiwe.
6 Athu ateene eneere woona ovulumusa wa Mulugu!’ ”† Es 40.3-5
7 Anamwinji yodhowa wi yabathiziwe. Zhuwawu oowoga, eeraga: “Nyo mulogo wa dhivili! Wuwaaddelileni ottawa owali wa Mulugu onafuna odha baani? 8 Mvahe dhoovaha dhebaribari dhowoneyiha otthwaruwa. Muhambeele owoga wekiinyu: ‘Nihikanna baba eehu Abarahamu.’ Miyo ginowuwaaddelani wi Mulugu onowanda, osaddula mabwe alena wi ekale ahima a Abarahamu. 9 Vano badho ehimala osasanyedhiwa, eli vati va mithanko. Mithanko dhatedhene dhihinavaha dhoovaha dhapama dhineere okakathiwa wi dhivokedhiwe omunddoni.”
10 Nuwindo anamwinji yahimukohaga, yiiraga: “Nneere hiyo ddi?”
11 Zhuwawu ahaakulaga, eeraga: “Ole winna malaya meenddi, amvahe nimohi ole ohinna. Ole winna yooja, eerena emodha-modhave.”
12 Yahifiyaga anamakoha-musoko‡ Naari pubilikanos Anamakoha-musoko yanna mukalelo wabure vameentoni va athu; teto moone mu Lk 5.27 ,;Lk 5.29 ,;Lk 5.30; Lk 7.29 ,;Lk 7.34; Lk 15.1; Lk 18.10 ,;Lk 18.11 ,;Lk 18.13 e Lk 19.2. wi ebathiziwe. Yomukohaga, yiiraga: “Namasuuziha, ki nneerege ddi?”
13 Ahawaakulaga, eeraga: “Naari kamwenjedhedhe okwaranyiha mwaaddeleliwinyu.”
14 Teto anyakoddo yahimukohaga, yiiraga: “Ki hiyo, nneerege ddi?”
Oliye ahawaakulaga: “Kammwakege muthu korowa dhaaye momuthusa, kammurathelege muthu. Mudhiveliwege ni yoliveliwa yeenyu.”
15 Mudhidhi oyene athu yomujejihedha Muthikitheliwi, yowikoha weekiwa akala Zhuwawuya daali Muthikitheliwi. 16 Zhuwawu ahawaakulaga ateene: “Miyo, epaddi yaaga, ginowubathizani ni mahinje, mbwenye onodha oowodha onagikwaranya miyo naari kagifwanele otapula migoyi dha sapatho dhaaye. Oliye Oneerege wubathizani ni Muneba Woweela ni munddo. 17 Etelo yaaye eli mmadani amvethena tirigu wi amuhele vatatani, makataya aapahe ni munddo wohuthima.” 18 Nuwindo, oolaleya muselu wapama alibihaga ni madhu majinjene.
19 Vano Zhuwawu agamusumulule namathonga a murudda, Heroddi ole mwaha womutela Heroddiya, mwadha ddibile ni dhabure dhimohi dheeriliyena, 20 Heroddi ahenjedhedha dhabure dhimohi vomuhela Zhuwawu mukaambura.
Obathiziwa, ni Makolo a Yesu
(Mt 3.13-17; Mt 1.1-17; Mr 1.9-11)
21 Dhahipadduwa athu ateene ebathiziwaga, teto ahibathiziwa Yesu. Alobelaga odhulu wahithuleya. 22 Muneba Woweela wahikitela va Oliye ni mooneyelo a kangayiwa. Vano wahiiweya ndhu odhulu neerilege: “We Oli Mwaanaga; odhivela aaga, mwa we ginodhiveliwa.”
23 Yesu, aganna yaaka dhowaakwana makumi maraaru, ahambeela mabasa aaye. Aali, woona mweerelisu, mwaana a Zhuuze,
mwaana a Heli, 24 Heli mwaana a Mathati,
Mathati mwaana a Levi, Levi mwaana a Meliki,
ola di mwaana a Yannayi, mwaana a Zhuuze,
25 Zhuuze mwaana a Matathiya,
Matathiya mwaana a Amosi,
Amosi mwaana a Nahumu,
ola di mwaana a Esili, mwaana a Nagayi,
26 Nagayi mwaana a Maathi,
Maathi mwaana a Matathiya,
Matathiya mwaana a Semeyini,
ola di mwaana a Yoseki, mwaana a Yoda,
27 Yoda mwaana a Yowanane,
Yowanane mwaana a Resa,
Resa mwaana a Zorobabeli,
ola di mwaana a Salatiyeli, mwaana a Neri,
28 Neri mwaana a Meliki,
Meliki mwaana a Addi,
Addi mwaana a Kosamu,
ola di mwaana a Elemadamu, mwaana a Eri,
29 Eri mwaana a Zhoxuwe,
Zhoxuwe mwaana a Eliyeeziri,
Eliyeeziri mwaana a Yorimu,
ola di mwaana a Mathati, mwaana a Levi,
30 Levi mwaana a Sumeyawu,
Sumeyawu mwaana a Zhuda,
Zhuda mwaana a Zhuuze,
ola di mwaana a Yonamu, mwaana a Eliyakimu,
31 Eliyakimu mwaana a Meleya,
Meleya mwaana a Menna,
Menna mwaana a Matatha,
ola di mwaana a Nathani, mwaana a Davidi,
32 Davidi mwaana a Yese,
Yese mwaana a Obeddi,
Obeddi mwaana a Bowazi,
ola di mwaana a Sala, mwaana a Naaxoni,
33 Naaxoni mwaana a Aminaddabe,
Aminaddabe mwaana a Adimini,
Adimini mwaana a Arini,
Arini mwaana a Hesiromo,
ola di mwaana a Perezi, mwaana a Zhuda,
34 Zhuda mwaana a Yakobo,
Yakobo mwaana a Ezaaki,
Ezaaki mwaana a Abarahamu,
ola di mwaana a Teera, mwaana a Nakori,
35 Nakori mwaana a Seruge,
Seruge mwaana a Ragawu,
Ragawu mwaana a Pelege,
ola di mwaana a Eberi, mwaana a Sala,
36 Sala mwaana a Kayinani,
Kayinani mwaana a Arifaxadi,
Arifaxadi mwaana a Semu,
ola di mwaana a Nowe, mwaana a Lameki,
37 Lameki mwaana a Methuzela,
Methuzela mwaana a Enoki,
Enoki mwaana a Zharedi,
ola di mwaana a Mahalaleyeele, mwaana a Kayinani,
38 Kayinani mwaana a Enoosi,
Enoosi mwaana a Sethi,
vano ola, di mwaana a Adamu,
mwaana a Mulugu.
*3:1 Naari tetararaka Kuminadori eriiriwa tetararaka, athonga epaddi ya nannayi ya murudda mmohi; teto moone, verisikulu 19.
†3:6 Es 40.3-5
‡3:12 Naari pubilikanos Anamakoha-musoko yanna mukalelo wabure vameentoni va athu; teto moone mu Lk 5.27 ,;Lk 5.29 ,;Lk 5.30; Lk 7.29 ,;Lk 7.34; Lk 15.1; Lk 18.10 ,;Lk 18.11 ,;Lk 18.13 e Lk 19.2.