Tai Dam Lôm 3

ꞌQuám Chảu Pua ꞌPhạ ꞌmen mết

1 ꞌSướng ꞌnặn ꞌphắn ꞌcốn ꞌDiu đảy đi ꞌlưn ꞌcốn táng ꞌphắn ꞌsứ#đaư? ꞌViạk ꞌdệt ꞌhịt tắt mai ꞌnựa năng ꞌcốn ꞌchái ꞌnặn ꞌmí ꞌca#săng? 2 ꞌMen lo ꞌmí ꞌca lai#ꞌnéo. Cón#mết, Chảu Pua ꞌPhạ đảy dao ꞌquám ꞌchiến ꞌTan chảu ꞌvạy nẳng ꞌcốn#ꞌDiu. 3 ꞌChăm#ꞌva ꞌmí ꞌsán ꞌcốn ꞌDiu chaư báu#ꞌsư tó Chảu Pua#ꞌPhạ, ꞌTan chảu ꞌcọ ꞌnhắng cứ ꞌtoi ꞌquám ꞌTan chảu dú ꞌsướng#cáu. 4 Ta#ꞌva ꞌchu ꞌcốn bẻo ꞌcọ tam#té, Chảu Pua ꞌPhạ ꞌnhắng cáo ꞌquám ꞌmen ꞌtẹ ꞌchu#ꞌchớ, ꞌsướng ꞌquám ꞌTan chảu đảy tẻm ꞌchiến ꞌvạy#ꞌva:

ꞌMưa Chảu Pua ꞌPhạ ꞌvạu ꞌlẹo, ꞌcọ hên ꞌva ꞌmen

ꞌTan chảu ꞌpẹ mết ꞌchu ꞌquám ꞌmưa ꞌchớ cáo ꞌtội.

5 ꞌChớ đaư ꞌcốn ꞌháu ꞌdệt ꞌnéo báu#ꞌmen, phaư ꞌcọ hên chẻng#ꞌva, Chảu Pua ꞌPhạ ꞌdệt ꞌmen mết ꞌchu#ꞌnéo. ꞌLẹo ꞌháu ꞌchí#ꞌva, ꞌcợn ꞌchớ ꞌTan chảu pút nhay sáư ꞌtội ꞌnéo báu#minh ꞌsịn#a, 6 báu#ꞌmen ꞌnéo ꞌnặn cá#đaư, ꞌquám ꞌnặn ꞌcốn ꞌháu hák ꞌvạu#thôi. ꞌVa pên ꞌnéo#ꞌnặn, Chảu Pua ꞌPhạ ꞌchí sét ꞌván sáư ꞌtội ꞌcốn ꞌmướng ꞌlum ꞌsứ đaư#đảy. 7 ꞌMí ꞌcốn ꞌcọ ꞌchí ꞌcại ꞌhiạk#ꞌva, “Sủ ꞌsướng ꞌháu pên phủ ꞌvạu#bẻo, ꞌmí lởi hảư Chảu Pua ꞌPhạ ꞌmí ꞌchư siêng ꞌhung#ꞌhướng. ꞌSứ đaư chắng ꞌhiạk ꞌháu pên phủ ꞌchọ sáư#ꞌtội. 8 ꞌVa ꞌsướng ꞌnặn ꞌháu ꞌcọ ꞌpá căn ꞌdệt ꞌnéo ác ꞌhại hảư hên ꞌnéo đi#ók.” Phủ ngắm báu#đi ꞌnéo ꞌnặn sôm đáng đảy ꞌtội ꞌsướng ꞌva ꞌtẹ#lo. ꞌMí ꞌsán ꞌcốn ꞌnhắng bắc ꞌhiạk ꞌsúm khỏi bók son ꞌnéo ꞌnặn#máư.

Báu ꞌmí phủ đaư pên ꞌcốn đi ꞌmí ꞌmen

9 ꞌSướng ꞌnặn ꞌcốn ꞌDiu ꞌsúm khỏi ꞌcọ báu#ꞌmí săng ꞌlưn phủ báu#pên ꞌcốn ꞌDiu cá#đaư. ꞌHáu ꞌcọ đảy ꞌvạu ꞌmá#ꞌlẹo, ꞌchu ꞌcốn ꞌmướng ꞌlum báu#ꞌva phaư ꞌcọ dú cỏng phép báp ꞌsội ꞌsướng điêu căn#mết. 10 ꞌQuám Chảu Pua ꞌPhạ đảy tẻm ꞌchiến ꞌvạy#ꞌva:

ꞌChí ha ꞌcốn đi ꞌmí ꞌmen phủ ꞌnưng ꞌcọ báu ꞌmí.

11 Báu ꞌmí sắc ꞌcốn ꞌhụ ꞌluống ꞌtáng ꞌmen ꞌtẹ

Báu ꞌmí phaư ꞌkhớng chaư ha Chảu Pua ꞌPhạ.

12 ꞌChu ꞌcốn phaư ꞌcọ ꞌngoạk nả sia Chảu Pua ꞌPhạ mết

Sau pên ꞌcốn uối ꞌhại ꞌtếng#cá

ꞌChí ha ꞌcốn ꞌnưng ꞌdệt ꞌnéo ꞌmen ꞌcọ báu ꞌmí.

13 ꞌLắm ꞌcó sau uối ꞌhại min ꞌnau ꞌsướng khum phăng ꞌcốn tai khay#dú

ꞌLịn sau ꞌcọ ꞌvạu đảy ꞌto ꞌnéo bẻo

ꞌHím sốp sau ꞌsướng nỏng ꞌngú háu.

14 Sốp têm ꞌquám khớn mang khôm khén.

15 Sau ꞌvắn tin sáo ha khả ꞌcốn.

16 Pay ꞌtáng đaư ꞌcọ ꞌdệt ꞌnéo sák siêu hảư ꞌcốn khổ báp.

17 Sau báu ꞌhụ ꞌluống ꞌtáng kin đi dú ꞌngai.

18 Sau báu ꞌhụ nể dăm phép ꞌquiến Chảu Pua ꞌPhạ.

19 ꞌHáu ꞌcọ ꞌhụ ꞌlẹo#ꞌva, ꞌluột ꞌláng Chảu Pua ꞌPhạ bók ꞌnéo đaư ꞌcọ ꞌmen bók phủ dú cỏng phép ꞌluột#ꞌnặn. ꞌSướng ꞌnặn ꞌchu ꞌcốn phaư ꞌcọ báu#thiêng khói sia báp ꞌsội#đảy. ꞌCốn ꞌmướng ꞌlum phaư ꞌcọ ꞌchí ꞌchọ Chảu Pua ꞌPhạ sét ꞌván#mết. 20 ꞌLuống ꞌtáng ꞌdệt ꞌtoi ꞌluột báu#ꞌmí phủ đaư pên ꞌcốn đi ꞌmí ꞌmen tó nả Chảu Pua ꞌPhạ#đảy. ꞌLuột Chảu Pua ꞌPhạ ꞌmí ꞌvạy ꞌcọ ꞌpưa hảư ꞌcốn ꞌháu ꞌhụ chắc ꞌviạk ꞌháu ꞌdệt báp#ꞌsội.

ꞌLuống ꞌtáng Chảu Pua ꞌPhạ ꞌtứ pên ꞌcốn đi ꞌmí ꞌmen

21 ꞌMá ꞌkhạy ꞌnị, ꞌluống ꞌtáng Chảu Pua ꞌPhạ ꞌtứ pên ꞌcốn đi ꞌmí ꞌmen ꞌcọ đảy cáo chẻng#ók, báu#ꞌmen ꞌluống ꞌtáng ꞌdệt ꞌtoi#ꞌluột. ꞌPặp ꞌchiến ꞌluột ꞌláng kéng ꞌquám ꞌpứng ꞌlam páo Chảu Pua ꞌPhạ đảy ꞌchiến ꞌmá té pang ꞌchạu ꞌcọ đảy cáo ꞌhọt nả ꞌviạk#ꞌnị. 22 Chảu Pua ꞌPhạ ꞌtứ pên ꞌcốn đi ꞌmí ꞌmen ꞌnặn ꞌmen ꞌtoi ꞌluống ꞌtáng pông chaư ꞌchưa Chảu ꞌGiê‑ꞌsu ꞌKha‑ꞌlịt, ꞌTan chảu phớng ꞌdứa hảư phủ đaư hák#ꞌchưa, ꞌpưa#ꞌva phaư ꞌcọ pên ꞌcốn báp ꞌsội ꞌto#căn. 23 Phaư ꞌcọ ꞌdệt báp ꞌsội tó Chảu Pua ꞌPhạ#mết, chắng báu#đảy khảu dú bón ꞌhung ꞌhướng ꞌTan#chảu. 24 ꞌTan chảu ꞌmí công ꞌphún phớng ꞌdứa phủ ꞌcốn báu#tính ꞌca#săng, ꞌdọn Chảu ꞌGiê‑ꞌsu ꞌKha‑ꞌlịt đảy tháy au khói sia báp ꞌsội#ꞌlẹo, Chảu Pua ꞌPhạ chắng ꞌtứ pên ꞌcốn đi ꞌmí#ꞌmen. 25 Chảu Pua ꞌPhạ ꞌmí chaư dên hơng ꞌnán chắng báu#ꞌhế sáư ꞌtội ꞌcốn ꞌmướng ꞌlum phủ ꞌdệt ꞌnéo báp ꞌsội ꞌmá#cón, ꞌlẹo chắng hảư Chảu ꞌGiê‑ꞌsu ꞌlống ꞌmá tai pên ꞌsướng ꞌchương vảy#ꞌsớ, ꞌlượt ꞌTan chảu lay ók ꞌtén ꞌcốn ꞌmướng ꞌlum phủ đảy#ꞌchưa, hảư ꞌháu hên chẻng ꞌluống ꞌmen khong Chảu Pua#ꞌPhạ. 26 ꞌKhạy ꞌnị Chảu Pua ꞌPhạ ꞌcọ hảư ꞌháu hên chẻng ꞌluống ꞌmen khong ꞌTan chảu, ꞌlẹo ꞌva phủ đaư pông chaư ꞌchưa Chảu ꞌGiê‑ꞌsu, ꞌTan chảu ꞌcọ ꞌtứ phủ ꞌnặn pên ꞌcốn đi ꞌmí#ꞌmen.

27 ꞌSướng ꞌnặn phủ ꞌcốn ꞌchí au ꞌquám săng ꞌmá ảng ꞌcọ báu#đảy. ꞌVa ꞌhiạk chảu hák ꞌdệt đảy ꞌtoi ꞌluột ꞌcọ báu#ꞌmen, ꞌmí ꞌto pông chaư ꞌchưa Chảu ꞌGiê‑ꞌsu chắng#đảy. 28 ꞌSúm ꞌháu hên#ꞌva, pên ꞌcốn đi ꞌmí ꞌmen tó nả Chảu Pua ꞌPhạ ꞌcọ ꞌdọn pông chaư ꞌchưa Chảu ꞌGiê‑ꞌsu ꞌKha‑ꞌlịt ꞌto#ꞌnặn, báu#ꞌmen ꞌdọn ꞌdệt ꞌtoi ꞌluột ꞌláng Chảu Pua ꞌPhạ ꞌnặn cá#đaư. 29 Chảu Pua ꞌPhạ pên Chảu Chom ꞌchu ꞌphắn#ꞌcốn, báu#ꞌmen ꞌto ꞌphắn ꞌcốn ꞌDiu cá#đaư, 30 ꞌpưa#ꞌva ꞌmí Chảu Pua ꞌPhạ phủ#điêu, báu#ꞌva ꞌphắn ꞌcốn ꞌDiu ꞌhứ#ꞌva ꞌcốn táng#ꞌphắn, ꞌva#phủ đaư pông chaư ꞌchưa Chảu ꞌGiê‑ꞌsu, Chảu Pua ꞌPhạ ꞌcọ ꞌchí ꞌtứ phủ ꞌnặn pên ꞌcốn đi ꞌmí#ꞌmen. 31 ꞌMí ꞌcốn ꞌcọ ꞌchí#ꞌva, ꞌchưa ꞌsướng#ꞌnặn, ꞌcọ ꞌmen ꞌváng thỉm ꞌluột ꞌláng Chảu Pua ꞌPhạ sia ꞌsịn#a, báu ꞌmen ꞌnéo ꞌnặn cá#đaư. ꞌHáu ꞌcọ ꞌnhó ꞌluột ꞌláng Chảu Pua ꞌPhạ khửn sung#ꞌló.

Lôm
<
3
>