Tai Dam ꞌLu‑ca 3

Dô‑ꞌhăn páo ꞌquám Chảu Pua ꞌPhạ

1 ꞌHọt pi thứ síp#hả pang Chảu Cai‑ꞌsa ꞌchư Ti‑bê‑ꞌlia đảy téng đa bản#ꞌmướng, ꞌtan Pôn‑tiêu Pi‑ꞌlạt pên quan tỉnh phén đin Du‑đai, ꞌtan ꞌHê‑ꞌlột phủ téng#đa phén đin ꞌKha‑ꞌli‑ꞌlê, ꞌnọng ꞌchái ꞌHê‑ꞌlột ꞌchư ꞌPhi‑ꞌlịp phủ téng#đa phén đin ꞌI‑tu‑ꞌlai kéng Ta‑ꞌkhô‑ꞌnịt, ꞌtan ꞌLi‑ꞌsa‑ꞌnia phủ téng#đa phén đin ꞌA‑bi‑ꞌlên. 2 ꞌTan Ăn‑ꞌna kéng ꞌtan Ca‑da‑ꞌpha pên mo luông ꞌcốn#ꞌDiu. Pang ꞌnặn Chảu Pua ꞌPhạ au ꞌquám bók son hảư Dô‑ꞌhăn ꞌlụk ꞌchái ꞌSa‑ꞌkha‑ꞌlia dú nẳng ꞌtông hẻng#ꞌlẹng. 3 Dô‑ꞌhăn chắng pay ꞌtua phổng ꞌlố ꞌme ꞌnặm Do‑đa‑ꞌnê, páo hảư ꞌdệt ꞌhịt bắp‑ti‑sa‑ꞌma, mai#ꞌva piến chaư ꞌváng sia ꞌluống ꞌtáng báp ꞌsội, ꞌpưa hảư Chảu Pua ꞌPhạ dáng#ꞌdóm, 4 ꞌsướng ꞌquám ꞌtan Ê‑ꞌsa‑da pang ꞌchạu phủ pên ꞌlam páo ꞌquám Chảu Pua ꞌPhạ đảy tẻm ꞌchiến ꞌvạy#ꞌva:

ꞌMí sương khék nẳng ꞌtông hẻng ꞌlẹng

Sảng chaư thả ꞌPhạ pên Chảu đuốn thơng

ꞌDệt ꞌtáng đi ꞌsư ꞌpiếng ꞌhặp tỏn.

5 ꞌChu ꞌlọng ꞌchu ꞌchí thôm nhổn hảư ꞌpiếng

ꞌChu ꞌpú ꞌchu sốn ꞌlống hảư tắm ꞌpiếng căn

ꞌTáng ꞌcột ꞌchí peng hảư pên ꞌsư

ꞌTáng ꞌmí to ꞌcọ quát kiểng hảư đin ꞌpiếng.

6 ꞌLẹo ꞌchu ꞌcốn ꞌchí hên ꞌluống Chảu Pua ꞌPhạ ꞌchoi hảư khói sia báp#ꞌsội.

7 ꞌMí lai ꞌcốn pay ha ꞌtan Dô‑ꞌhăn ꞌdệt ꞌhịt bắp‑ti‑sa‑ꞌma hảư. ꞌTan hên ꞌsướng ꞌnặn chắng ꞌvạu sáư sau#ꞌva, “ꞌNéo ꞌphắn ꞌngú ꞌhại#ꞌhới, phaư bók su#ꞌva, ꞌchí ꞌhụ ník ꞌvện sia ꞌviạk pút nhay Chảu Pua ꞌPhạ sáư ꞌsội ꞌchí ꞌmá ꞌhọt ꞌnặn#đảy? 8 ꞌSướng ꞌnặn hảư su kin dú ꞌtoi ꞌluống ꞌmen sôm pên ꞌcốn đảy ꞌváng sia ꞌluống ꞌtáng báp#ꞌsội. ꞌNhá ảng#ꞌva pên ꞌchựa sai pú Ắp‑ꞌla‑ꞌham [lỏ#sôm chaư Chảu Pua#ꞌPhạ]. Khỏi bók hảư ꞌhụ#chẻng, Chảu Pua ꞌPhạ au ꞌpứng đán ꞌnị ꞌmá biến ók pên ꞌchựa sai pú Ắp‑ꞌla‑ꞌham ꞌcọ#đảy. 9 [Nả ꞌviạk Chảu Pua ꞌPhạ ꞌchí sáư ꞌsội khỏn ꞌchí ꞌmá ꞌhọt ꞌnặn] pék ꞌsướng khoan chẳm ꞌvạy nẳng hảu co ꞌmạy ꞌnặn#ꞌlẹo. ꞌVa co đaư báu#pên mák pên nuối đi ꞌcọ ꞌchí ꞌchọ pẳm thỉm sáư ꞌpháy phau#sia.”

10 ꞌCốn ꞌtếng lai đảy ꞌnghín ꞌtan Dô‑ꞌhăn ꞌvạu ꞌnéo ꞌnặn chắng tham#ꞌva, “ꞌSướng ꞌnặn ꞌsúm khỏi ꞌchí ꞌchọ ꞌdệt ꞌnéo#đaư?”

11 Dô‑ꞌhăn tóp ꞌva, “Phủ đaư ꞌmí sửa song phưn ꞌcọ ꞌchọ păn hảư phủ báu#ꞌmí. Phủ ꞌmí khảu ꞌnặm ꞌcọ hảư păn pék#căn.”

12 ꞌMí ꞌpứng ꞌcốn kếp quí ꞌcọ ꞌmá ꞌdệt ꞌhịt bắp‑ti‑sa‑ꞌma. Sau đảy tham Dô‑ꞌhăn ꞌva, “ꞌSáy#ꞌhới, ꞌsúm khỏi#ꞌlế, ꞌchí ꞌchọ ꞌdệt ꞌnéo#đaư?”

13 Dô‑ꞌhăn tóp sau ꞌva, “ꞌQuám sắng bók hảư kếp quí ꞌto đaư ꞌcọ hảư kếp ꞌto ꞌnặn#thôi.”

14 ꞌPứng lính ꞌcọ ꞌmá tham, “ꞌSúm khỏi#ꞌlế, ꞌchí ꞌchọ ꞌdệt ꞌnéo#đaư?”

ꞌTan tóp sau ꞌva, “ꞌNhá khốm têng ꞌdạt ꞌchính au ꞌngớn#sáu. ꞌNhá bắc ꞌquám ꞌlạ tả đai sáư#sáu. ꞌNgớn bươn ꞌto đaư ꞌcọ hảư ꞌpó chaư au ꞌto#ꞌnặn.”

15 ꞌCốn ꞌtếng lai ꞌcóng thả [pua nháư khék#ꞌva] Chảu ꞌKha‑ꞌlịt, phaư ꞌcọ ngắm nẳng cuông chaư#ꞌva, “Dô‑ꞌhăn ꞌchí ꞌmen Chảu ꞌKha‑ꞌlịt ꞌhứ#báu?”

16 ꞌSướng ꞌnặn Dô‑ꞌhăn chắng bók sau#ꞌva, “ꞌChí ꞌmí ꞌTan phủ#ꞌnưng ꞌmí chức nháư ꞌquiến luông ꞌsứa#khỏi. Khỏi ꞌnị báu#sôm đáng ꞌchí kẻ sai ꞌhái hảư ꞌTan#chảu. Khỏi au ꞌnặm ꞌdệt ꞌhịt bắp‑ti‑sa‑ꞌma hảư ꞌpứng#chảu. Hák#ꞌva ꞌTan phủ ꞌnặn ꞌchí ꞌdệt bắp‑ti‑sa‑ꞌma ꞌnéo sống Chảu Khuôn Saư kéng ꞌpháy ꞌmá sáư ꞌpứng#chảu. 17 ꞌTan ꞌchí ꞌlưạk phủ ꞌcốn ꞌsướng khắm#ꞌví, ꞌví khảu ꞌlạp ók sia, chắng khôn khảu đi sáư ꞌlạu ꞌvạy, khảu ꞌlạp lỏ#thók sáư bón ꞌpháy mảy báu ꞌhụ ꞌmọt sắc#ꞌtưa.”

18 Dô‑ꞌhăn páo kháo ꞌhung saư ꞌtếng bók son sau lai khu lai ꞌnéo tứm#máư.

19 Dô‑ꞌhăn chê ꞌtan ꞌHê‑ꞌlột phủ téng#đa phén đin [ꞌKha‑ꞌli‑ꞌlê] ꞌpưa ꞌtan đảy au ꞌnáng ꞌHê‑ꞌlô‑đia phủ pên ꞌnọng ꞌpạư ꞌmá ꞌdệt#ꞌmía, kéng ꞌtan ꞌnhắng đảy ꞌdệt ꞌviạk ác ꞌhại lai ꞌnéo#máư. 20 ꞌTan ꞌHê‑ꞌlột ꞌdiến pắt Dô‑ꞌhăn pay khảu#ꞌtú, ꞌnhương ꞌdệt ác tứm#máư.

Chảu ꞌGiê‑ꞌsu ꞌdệt ꞌhịt bắp‑ti‑sa‑ꞌma

21 ꞌChớ ꞌcốn ꞌtếng lai ꞌnhắng đang ꞌdệt ꞌhịt bắp‑ti‑sa‑ꞌma, Chảu ꞌGiê‑ꞌsu ꞌcọ ꞌdệt ꞌsướng#điêu. ꞌChớ ꞌTan chảu ꞌnhắng đang đé so Chảu Pua#ꞌPhạ, ꞌtọng ꞌphạ ꞌdiến khay#ók. 22 Chảu Khuôn Saư pên ꞌsướng hún ꞌnộc#sau ꞌlống ꞌmá ꞌngói ꞌtếng ꞌTan#chảu. ꞌDiến ꞌmí sương ꞌvạu ꞌlống ꞌmá té ꞌphạ#ꞌva, “Chảu pên ꞌLụk ꞌchái ꞌhặc sương khong#ꞌPo, ꞌPo sôm chaư nẳng ꞌLụk#lai.”

Chủm ꞌchựa Chảu ꞌGiê‑ꞌsu

23 Chảu ꞌGiê‑ꞌsu tẳng cốc ók ꞌdệt ꞌviạk, tuổi ꞌTan chảu dáo sam síp#pi. ꞌSướng ꞌcốn ꞌtếng lai ngắm#ꞌva, ꞌTan chảu pên ꞌlụk Dô‑ꞌsệp,

Dô‑ꞌsệp [phua ꞌnáng ꞌMa‑ꞌli‑a] pên ꞌlụk Ê‑ꞌli, 24 Ê‑ꞌli pên ꞌlụk ꞌMặt‑ꞌthạt,

ꞌMặt‑ꞌthạt pên ꞌlụk ꞌLê‑ꞌvi, ꞌLê‑ꞌvi pên ꞌlụk ꞌMên‑chi,

ꞌMên‑chi pên ꞌlụk Da‑ꞌna, Da‑ꞌna pên ꞌlụk Dô‑ꞌsệp pang cón,

25 Dô‑ꞌsệp pang cón ꞌnặn pên ꞌlụk ꞌMặt‑ta‑ꞌthia, ꞌMặt‑ta‑ꞌthia pên ꞌlụk ꞌA‑ꞌmột,

ꞌA‑ꞌmột pên ꞌlụk ꞌNa‑ꞌhum, ꞌNa‑ꞌhum pên ꞌlụk Ê‑ꞌsa‑ꞌli,

Ê‑ꞌsa‑ꞌli pên ꞌlụk ꞌNa‑ꞌkhai, 26 ꞌNa‑ꞌkhai pên ꞌlụk ꞌMa‑át,

ꞌMa‑át pên ꞌlụk ꞌMặt‑ta‑ꞌthia pang cón, ꞌMặt‑ta‑ꞌthia pang cón ꞌnặn pên ꞌlụk ꞌSê‑ꞌmê‑in,

ꞌSê‑ꞌmê‑in pên ꞌlụk Dô‑ꞌsệc, Dô‑ꞌsệc pên ꞌlụk Dô‑đa,

27 Dô‑đa pên ꞌlụk Dô‑a‑ꞌnan, Dô‑a‑ꞌnan pên ꞌlụk ꞌLê‑ꞌsa,

ꞌLê‑ꞌsa pên ꞌlụk ꞌSa‑ꞌlu‑ba‑bên, ꞌSa‑ꞌlu‑ba‑bên pên ꞌlụk ꞌSa‑ăn‑ꞌthiên,

ꞌSa‑ăn‑ꞌthiên pên ꞌlụk ꞌNê‑ꞌli, 28 ꞌNê‑ꞌli pên ꞌlụk ꞌMên‑chi pang cón,

ꞌMên‑chi pang cón ꞌnặn pên ꞌlụk ꞌA‑đi, ꞌA‑đi pên ꞌlụk Cô‑ꞌsam,

Cô‑ꞌsam pên ꞌlụk Ên‑ꞌma‑đam, Ên‑ꞌma‑đam pên ꞌlụk Ê‑ꞌlạk,

29 Ê‑ꞌlạk pên ꞌlụk Dô‑ꞌsua, Dô‑ꞌsua pên ꞌlụk Ê‑ꞌli‑ê‑sê

Ê‑ꞌli‑ê‑sê pên ꞌlụk Dô‑ꞌlim, Dô‑ꞌlim pên ꞌlụk ꞌMặt‑ꞌthạt pang#cón,

ꞌMặt‑ꞌthạt pên ꞌlụk ꞌLê‑ꞌvi pang cón, 30 ꞌLê‑ꞌvi pên ꞌlụk ꞌSi‑ꞌmê‑ôn,

ꞌSi‑ꞌmê‑ôn pên ꞌlụk Du‑đa, Du‑đa pên ꞌlụk Dô‑ꞌsệp pang ꞌchạu,

Dô‑ꞌsệp pên ꞌlụk Dô‑ꞌnam, Dô‑ꞌnam pên ꞌlụk Ên‑da‑kim,

31 Ên‑da‑kim pên ꞌlụk ꞌMê‑ꞌlê‑a, ꞌMê‑ꞌlê‑a pên ꞌlụk ꞌMen‑ꞌna,

ꞌMen‑ꞌna pên ꞌlụk ꞌMặt‑ta‑ꞌtha, ꞌMặt‑ta‑ꞌtha pên ꞌlụk ꞌNa‑ꞌthan,

ꞌNa‑ꞌthan pên ꞌlụk Đa‑ꞌvịt, 32 Đa‑ꞌvịt pên ꞌlụk ꞌGiê‑ꞌsai,

ꞌGiê‑ꞌsai pên ꞌlụk Ô‑bết, Ô‑bết pên ꞌlụk Bô‑ắt,

Bô‑ắt pên ꞌlụk ꞌSăn‑ꞌmôn, ꞌSăn‑ꞌmôn pên ꞌlụk ꞌNa‑ꞌsôn,

33 ꞌNa‑ꞌsôn pên ꞌlụk Ăm‑ꞌmi‑ꞌna‑đáp, Ăm‑ꞌmi‑ꞌna‑đáp pên ꞌlụk Ắt‑ꞌmin,

Ắt‑ꞌmin pên ꞌlụk ꞌA‑ꞌni, ꞌA‑ꞌni pên ꞌlụk ꞌHê‑sa‑ꞌlôn,

ꞌHê‑sa‑ꞌlôn pên ꞌlụk Pê‑lết, Pê‑lết pên ꞌlụk Du‑đa pang#cón,

34 Du‑đa pên ꞌlụk Da‑ꞌkhộp, Da‑ꞌkhộp pên ꞌlụk ꞌI‑ꞌsạc,

ꞌI‑ꞌsạc pên ꞌlụk Ắp‑ꞌla‑ꞌham, Ắp‑ꞌla‑ꞌham pên ꞌlụk Tê‑ꞌla

Tê‑ꞌla pên ꞌlụk ꞌNa‑ꞌhô, 35 ꞌNa‑ꞌhô pên ꞌlụk ꞌSê‑ꞌlục,

ꞌSê‑ꞌlục pên ꞌlụk ꞌLê‑u, ꞌLê‑u pên ꞌlụk Pê‑lếc,

Pê‑lếc pên ꞌlụk Ê‑bê, Ê‑bê pên ꞌlụk ꞌSê‑ꞌla,

36 ꞌSê‑ꞌla pên ꞌlụk Kê‑ꞌnan, Kê‑ꞌnan pên ꞌlụk ꞌA‑pắc‑sát,

ꞌA‑pắc‑sát pên ꞌlụk ꞌSêm, ꞌSêm pên ꞌlụk ꞌNô‑a,

ꞌNô‑a pên ꞌlụk ꞌLa‑ꞌmệc, 37 ꞌLa‑ꞌmệc pên ꞌlụk ꞌMê‑ꞌthu‑ꞌsê‑ꞌla,

ꞌMê‑ꞌthu‑ꞌsê‑ꞌla pên ꞌlụk Ê‑ꞌnộc, Ê‑ꞌnộc pên ꞌlụk Da‑ꞌlệt,

Da‑ꞌlệt pên ꞌlụk ꞌMa‑ꞌha‑ꞌla‑ꞌlên, ꞌMa‑ꞌha‑ꞌla‑ꞌlên pên ꞌlụk Kê‑ꞌnan pang cón,

38 Kê‑ꞌnan pên ꞌlụk Ê‑ꞌnột, Ê‑ꞌnột pên ꞌlụk ꞌSệt,

ꞌSệt pên ꞌlụk ꞌA‑đam, ꞌA‑đam pên ꞌlụk Chảu Pua#ꞌPhạ.