Tai Dam ꞌHệp‑ꞌlơ 12

Chảu Pua ꞌPhạ bók ꞌpứng phủ pên ꞌlụk ꞌTan chảu

1 Lai phen ꞌcốn dú ỏm pên chứng hảư ꞌháu ꞌsướng#ꞌnặn, ăn đaư háp nắc ꞌsướng ꞌviạk báp ꞌsội ꞌmặc nuống ꞌpán chaư ꞌháu ꞌvạy ꞌnặn hảư pốt thỉm#sia, ꞌlẹo cứ mẳn chaư ꞌtoi ꞌluống ꞌtáng mai ꞌvạy hảư ꞌháu ꞌsướng ꞌcốn khéng#ꞌlen. 2 Hảư ꞌlé bớng Chảu ꞌGiê‑ꞌsu, phủ ꞌpá ꞌháu ꞌmí chaư ꞌchưa té cốc ꞌtạu lả#sút. ꞌTan chảu ꞌchịu khổ ꞌtếng ꞌmạy tháng#khen, báu#đu săng ꞌviạk tai ꞌnặn pên ꞌnéo nả#ꞌhại, ꞌpưa ꞌlé hên ꞌviạk ꞌmuôn ꞌmớng ꞌtặt ꞌvạy tó nả#ꞌTan, ꞌlẹo ꞌcọ đảy ꞌnăng ꞌhiếng sảng ꞌphượng khoa ꞌtến Chảu Pua#ꞌPhạ. 3 Hảư ngắm bớng đu Chảu ꞌGiê‑ꞌsu ꞌnhắng ꞌchịu khổ tó ꞌpứng ꞌcốn báp khắt khoang ꞌcơ#ꞌnặn, ꞌpi ꞌnọng chắng ꞌchí báu#ít ꞌmươi cắp báu#ꞌnọi#chaư. 4 ꞌPi ꞌnọng ꞌchịu tó ꞌsốn ꞌdệt ꞌviạk báp ꞌsội#ꞌnặn, báu#ꞌhế đảy tó ꞌsốn ꞌhọt chao hảư ꞌchọ#khả. 5 ꞌPi ꞌnọng ꞌlứm ꞌquám Chảu Pua ꞌPhạ tít tơn ꞌsướng pên ꞌlụk#ꞌva:

ꞌLụk ꞌhới

ꞌNhá đu ꞌngai ꞌviạk Chảu Pua ꞌPhạ bók son

ꞌChớ ꞌTan chảu chê, ꞌnhá hảư ꞌnọi#chaư.

6 ꞌTan chảu bók son ꞌnặn, ꞌmen phủ ꞌTan ꞌhặc

ꞌTan nhẳn au pên ꞌlụk ꞌlẹo, chắng bók chắng son.

7 ꞌChớ ꞌpi ꞌnọng chuốp ꞌpọ ꞌdạk ꞌchá ꞌcọ ứt au pên ꞌluống Chảu Pua ꞌPhạ bók#son, mai#ꞌva ꞌTan chảu ꞌtứ ꞌpi ꞌnọng pên#ꞌlụk. Phủ đaư pên ꞌlụk ꞌcọ ꞌchọ ải bók#son. 8 ꞌVa ꞌpi ꞌnọng hák báu#chuốp ꞌTan chảu bók son ꞌsướng ꞌlụk ꞌchu ꞌcốn đảy chuốp bók son#ꞌnặn, ꞌpi ꞌnọng ꞌcọ pên ꞌsướng ꞌlụk ꞌmán#ꞌtáng, báu#ꞌmen ꞌlụk#ók. 9 ꞌLẹo báu#sút ꞌto#ꞌnặn, ꞌsúm ꞌháu ꞌmí ải ꞌmo ꞌkính bók#son, ꞌháu ꞌcọ ꞌnhắng ꞌhụ nể#dăm. ꞌChí ꞌvạu săng Chảu Pua ꞌPhạ phủ pên ꞌPo ꞌtáng ꞌminh#khuôn, ꞌháu ꞌnhương sú phép ꞌquiến ꞌTan chảu ꞌsứa ꞌnặn#máư, ꞌháu chắng ꞌchí đảy mẳn ꞌdứn dú ꞌlớng#ꞌlớng. 10 Ải ꞌmo ꞌkính bók son ꞌháu đảy ꞌdan#ꞌnưng ꞌtoi chaư sau ꞌchọ#bók. Hák#ꞌva Chảu Pua ꞌPhạ phủ pên ꞌPo bók son hảư ꞌháu đảy ꞌláng#đi, ꞌpưa ꞌháu chắng ꞌchí pên ꞌcốn ꞌpẹk saư ꞌsướng ꞌTan#chảu. 11 ꞌMen#lo, ꞌchớ ꞌháu chuốp bók son ꞌmưa cón ꞌnặn ꞌcọ#ꞌvuốn, báu#ꞌmen ꞌviạk ꞌmuôn#ꞌmớng. Hák#ꞌva lăng ꞌmá phủ sú ꞌquám bók son ꞌnặn đảy ꞌmá pên ꞌcốn đi ꞌmí#ꞌmen, súc sáng bang#chaư.

12 ꞌSướng ꞌnặn hảư cố ꞌhéng ꞌnhó ꞌmứ ón ꞌsém kéng hua khảu ón ꞌhéng khong ꞌpi ꞌnọng#khửn. 13 Pên ꞌsướng ꞌdệt sểm ꞌtáng ꞌsư ꞌvạy ꞌpi ꞌnọng#pay, kéng ꞌcốn ꞌqué báu hảư tỏng đút ꞌlộm, ꞌnhắng ꞌchí đảy hóm đi#máư.

14 Hảư kin dú ꞌmen cắp ꞌchu#ꞌcốn. Hảư ꞌmí chaư ꞌpẹk#saư. ꞌVa hák chaư báu#ꞌpẹk saư, báu#ꞌmí phaư ꞌchí đảy hên Chảu Pua ꞌPhạ phủ pên Chảu#Chom. 15 Đảy ꞌchự hiêm dản ꞌmí phủ báu#đảy công ꞌphún Chảu Pua ꞌPhạ phớng ꞌdứa#hảư. ꞌNhá hảư phaư pên ꞌsướng ꞌhạk ꞌmạy khôm ꞌngọk ók ꞌmá ꞌlẹo ꞌdệt hảư lai ꞌcốn ꞌhại uối ꞌdọn ꞌmắn. 16 Đảy ꞌchự hiêm ꞌnhá ꞌmí phaư ꞌdệt phít ꞌviạk ꞌnhính ꞌchái ꞌhứ#ꞌva ꞌlé công ꞌphún Chảu Pua ꞌPhạ báu#ꞌmí ꞌca#săng, ꞌsướng pú Ê‑ꞌsao ꞌmưa ꞌláng đảy khai ꞌquiến ꞌpi ꞌchái cốc ꞌlẹk au khảu ꞌpựa#điêu. 17 ꞌPi ꞌnọng ꞌcọ ꞌhụ#ꞌlẹo, lăng ꞌmá pú Ê‑ꞌsao é hảư ải chảu cóp ꞌphái#hảư, ải ꞌcọ thiêng#sia, ta#ꞌva ꞌmắn hảy ꞌmắn khék đé so ꞌcọ báu#piến chaư ải#đảy.

18 ꞌPi ꞌnọng đảy ꞌmá ha Chảu Pua ꞌPhạ ꞌcọ báu#ꞌmen ꞌmá ꞌhọt pom ꞌpú ꞌmứ khắm#đảy, ꞌsướng ꞌphắn ꞌcốn ꞌI‑ꞌsa‑ên pang ꞌchạu ꞌmá ꞌhọt ꞌpú ꞌSi‑ꞌnai, pên bón ꞌpháy#mảy, ꞌmựt đăm#ꞌmúa, ꞌlốm#ꞌlạo. 19 ꞌChớ ꞌnặn ꞌphắn ꞌcốn ꞌI‑ꞌsa‑ên đảy ꞌnghín ꞌnắn sương páu#tút, sương pák ꞌnéo#dản, phủ đaư đảy ꞌnghín ꞌcọ đé so ꞌnhá pák ꞌmá#ꞌtọn, 20 ꞌpưa#ꞌva sau báu#ꞌphắng ꞌquám bók ꞌnặn#đảy, ca‑ta ꞌva tô sắt pay ꞌnhăm ꞌpú ꞌnặn ꞌcọ ꞌnhắng ꞌchọ đán hin ꞌlếu sáư hảư#tai. 21 ꞌNéo hên ók ꞌmá ꞌnặn ꞌdệt hảư dản#lai, pú ꞌMô‑ꞌsê chắng ꞌvạu ꞌva pú dản chao sắn ꞌtếng#tô.

22 ꞌPứng ꞌpi ꞌnọng#ꞌló, đảy ꞌmá ꞌhọt ꞌpú ꞌSi‑ôn, ꞌmen bón Chảu Pua ꞌPhạ phủ ꞌmí ꞌlới#dú, lỏ#pên ꞌmướng ꞌGiê‑ꞌlu‑ꞌsa‑ꞌlêm dú ꞌtếng#ꞌphạ, bón mứn sen tiên ꞌchạư tảu ꞌhốm căn ꞌmuôn#ꞌmớng. 23 ꞌPi ꞌnọng ꞌmá sú ꞌsúm ꞌhốm phủ pên ꞌcốn ꞌTan#chảu, pên ꞌsướng ꞌpứng ꞌlụk#cốc, ꞌchư sau đảy tẻm ꞌvạy nẳng ꞌmướng#ꞌphạ. ꞌLẹo ꞌmá ꞌhọt Chảu Pua ꞌPhạ phủ sét ꞌván mết ꞌchu#ꞌcốn, kéng ꞌpứng ꞌcốn đi ꞌmí ꞌmen phủ ꞌTan chảu hảư pên ꞌcốn đi#sút. 24 ꞌPi ꞌnọng ꞌmá ꞌhọt Chảu ꞌGiê‑ꞌsu phủ song cang ꞌtoi ꞌquám nhẳn pao#máư, kéng ꞌmá ꞌhọt ꞌlượt ꞌTan chảu ꞌphặt sáư ꞌlẹo#ꞌnặn, ꞌmí sương khék đi ꞌsứa ꞌlượt pú ꞌA‑bên ꞌmưa#ꞌláng.

25 ꞌChự hảư đi, ꞌnhá thiêng sia Chảu Pua ꞌPhạ phủ ꞌvạu dú#ꞌnặn. ꞌPứng ꞌcốn thiêng sia báu#ꞌphắng ꞌquám Chảu Pua ꞌPhạ đảy tơn nẳng ꞌmướng ꞌlum ꞌnị ꞌcọ báu#ók khói sia báp#đảy. ꞌChí ꞌvạu săng#máư, ꞌva ꞌháu ꞌpịch sia báu#ꞌphắng ꞌquám ꞌTan chảu bók tơn ꞌmá té ꞌmướng#ꞌphạ, ꞌnhương báu#ók khói sia báp#đảy. 26 Té ꞌmưa ꞌláng#ꞌnặn, sương pák ꞌTan chảu ꞌdệt hảư phén đin sa‑ꞌnăn sắn#ꞌphướn. ꞌKhạy ꞌTan chảu ꞌnhắng mai ꞌvạy#ꞌva, ꞌchí hảư sa‑ꞌnăn sắn#ꞌphướn ꞌtưa ꞌnưng#máư báu#sút ꞌto phén đin#thôi, ꞌtếng#cá ꞌphạ#é. 27 ꞌQuám ꞌvạu ꞌtưa ꞌnưng máư ꞌnặn bók hảư ꞌhụ#ꞌva, ăn đaư sa‑ꞌnăn sắn ꞌphướn#đảy, ꞌmen ꞌpứng ꞌnéo Chảu Pua ꞌPhạ có sảng ꞌnặn ꞌcọ ꞌchí mết#sia, ꞌpưa hảư ꞌpứng ꞌnéo báu#ꞌhụ sa‑ꞌnăn sắn#ꞌphướn ꞌnhắng#dú.

28 ꞌSúm ꞌháu ꞌchí đảy khảu phén ꞌhôm ꞌngáu Chảu Pua ꞌPhạ ꞌmướng ꞌnéo báu ꞌhụ sa‑ꞌnăn sắn#ꞌphướn. ꞌSướng ꞌnặn ꞌháu ꞌchọ ꞌmí chaư nể#dăm, so đảy ꞌdọn công ꞌphún Chảu Pua#ꞌPhạ, vảy ꞌháu pên ꞌnéo hảư sôm chaư ꞌTan#chảu, 29 ꞌpưa#ꞌva Chảu Pua ꞌPhạ Chảu Chom ꞌsúm ꞌháu ꞌnặn pên ꞌpháy phau#mảy.