Tai Dam Ê‑ꞌphê‑ꞌsô 6

ꞌViạk ꞌlụk kin dú cắp ải ꞌếm

1 Phủ pên ꞌlụk, hảư ꞌphắng ꞌquám ải ꞌếm cuông ꞌhôm ꞌngáu ꞌGiê‑ꞌsu phủ pên Chảu#Chom, ꞌdệt ꞌnéo ꞌnặn chắng#ꞌmen. 2 ꞌQuám Chảu Pua ꞌPhạ đảy sắng ꞌvạy#ꞌva, “Hảư ꞌhụ nể dăm ải ꞌếm#chảu,” ꞌquám bók ꞌnị pên khót thứ#ꞌnưng ꞌmí ꞌquám chao ꞌhẹn tứm máư#ꞌva, 3 “ꞌpưa ꞌchí ꞌmí dú kin đi, mẳn ꞌdứn dú nẳng phén#đin.”

4 Phủ pên ải ꞌnhá ꞌdệt hảư ꞌlụk pút#nhay, hảư ꞌcoi bók son, tít tơn sau ꞌhụ kin dú ꞌtoi ꞌluống ꞌtáng ꞌGiê‑ꞌsu phủ pên Chảu#Chom.

Phủ pên khỏi kéng phủ cốc chảu

5 Phủ pên khỏi hảư ꞌphắng ꞌquám phủ cốc chảu nẳng ꞌmướng#ꞌlum. Hảư ꞌhụ nể dăm#dản, hảư ꞌmí chaư ꞌsư sú ꞌquám phủ cốc ꞌsướng ꞌpi ꞌnọng đảy sú ꞌquám Chảu ꞌKha‑ꞌlịt. 6 Báu#ꞌmen ꞌto sú ꞌquám ꞌpưa hảư phủ cốc sưng ꞌmưa ꞌchớ sau hên ꞌpi ꞌnọng ꞌdệt đi cá#đaư. Hảư ꞌdệt ꞌsướng pên ꞌcốn ꞌchạư ꞌviạk Chảu ꞌKha‑ꞌlịt, mết mốc mết chaư ꞌdệt ꞌtoi chaư Chảu Pua ꞌPhạ. 7 Hảư sút mốc sút chaư ꞌchạư ꞌviạk phủ cốc chảu ꞌsướng đảy ꞌchạư ꞌviạk ꞌGiê‑ꞌsu phủ pên Chảu#Chom, báu#ꞌmen ꞌto ꞌchạư ꞌviạk phủ ꞌcốn#thôi. 8 ꞌPi ꞌnọng ꞌcọ ꞌhụ#ꞌlẹo, phủ đaư ꞌdệt đi ꞌnéo#đaư, ꞌGiê‑ꞌsu phủ pên Chảu Chom ꞌchí hảư đi ꞌnéo#ꞌnặn, báu#ꞌva phủ pên khỏi ꞌhứ pên ꞌcốn ꞌtứ#ꞌtang.

9 ꞌLẹo phủ pên cốc ꞌcọ hảư ꞌdệt đi cắp phủ pên khỏi khong chảu ꞌsướng#điêu, ꞌnhá đảy ꞌhạp#sau. ꞌPi ꞌnọng ꞌcọ ꞌhụ#ꞌlẹo, sau cắp chảu ꞌmí Chảu Chom phủ điêu dú cá ꞌmướng#ꞌphạ, ꞌlẹo ꞌTan chảu báu#ꞌhặc khỏn ꞌchọn hiếng phủ#đaư.

ꞌViạk tó sớc cắp phi

10 Lả sút#ꞌnị, hảư ꞌpi ꞌnọng mẳn chaư hảo ꞌhéng nẳng ꞌGiê‑ꞌsu phủ pên Chảu#Chom, ꞌlẹo ꞌpơng inh phép nháư ꞌquiến luông khong#ꞌTan. 11 Hảư sủ khong cẳn khong ꞌsốn ꞌchu ꞌnéo Chảu Pua ꞌPhạ#hảư, ꞌpi ꞌnọng chắng ꞌchí mẳn chaư báu#tốc báng ꞌlứa tô cốc phi#ꞌhại. 12 ꞌSúm ꞌháu tó sớc ꞌnặn báu#ꞌmen tó cắp phủ#ꞌcốn, ꞌmen tó cắp phi ꞌhại ꞌmí phép ꞌquiến cá#ꞌphạ, kéng phi téng đa ꞌtáng ꞌmựt đăm nẳng ꞌmướng ꞌlum#ꞌnị. 13 ꞌSướng ꞌnặn hảư au khong cẳn khong ꞌsốn ꞌchu ꞌnéo Chảu Pua ꞌPhạ#hảư, ꞌmưa ꞌchớ ꞌpi ꞌnọng chuốp ꞌhại chắng ꞌchí cẳn#đảy, tó sớc ꞌchu ꞌnéo ꞌlẹo ꞌpi ꞌnọng ꞌcọ ꞌchí mẳn#chaư. 14 ꞌSịn hảư mẳn chaư ꞌtoi ꞌluống ꞌtáng ꞌmen#ꞌtẹ, ꞌcọ pên ꞌsướng lính ꞌhặt sai eo#ꞌvạy. Hảư ꞌdệt ꞌtoi ꞌluống đi ꞌmí#ꞌmen, ꞌcọ pên ꞌsướng lính ꞌtứ piếng lếc pảy#ớc. 15 Hảư ꞌkhặn ꞌkháng páo kháo ꞌluống dú đi kin đi cắp Chảu Pua#ꞌPhạ, ꞌcọ pên ꞌsướng lính au ꞌhái ꞌtứ sáư#tin. 16 ꞌLớng ꞌlớng mẳn chaư ꞌchưa Chảu ꞌGiê‑ꞌsu ꞌKha‑ꞌlịt, ꞌcọ pên ꞌsướng lính au piếng ꞌtóng ꞌmá pảy#ꞌmo, ꞌdọn piếng ꞌtóng ꞌnặn ꞌpi ꞌnọng chắng ꞌchí ꞌmọt đắp đảy ꞌpứng pưn ꞌpháy phi ꞌhại bén#sáư. 17 Hảư mẳn chaư ꞌchưa ꞌva đảy ók khói sia báp ꞌsội#ꞌlẹo, ꞌcọ pên ꞌsướng lính au ꞌmụ khang ꞌtứ sáư#hua. Hảư khắm đáp ꞌmá nẳng Chảu Khuôn#Saư, lỏ#ꞌmen ꞌquám Chảu Pua#ꞌPhạ. 18 Báu#ꞌva ꞌnhám đaư hảư đé so ꞌhọt Chảu Pua ꞌPhạ ꞌchu ꞌnéo ꞌtoi ꞌluống Chảu Khuôn Saư uôn#ꞌpá. ꞌChớ ꞌpi ꞌnọng đé so ꞌcọ hảư au chaư#sáư, ꞌlớng ꞌchớ đé so Chảu Pua ꞌPhạ hảư dên ꞌpay ꞌTan chảu ꞌtếng#mết. 19 Đé so Chảu Pua ꞌPhạ ꞌchoi khỏi#é, ꞌchớ đaư khỏi ꞌvạu#ók, ꞌTan chảu chắng ꞌchí hảư khỏi ꞌhụ ꞌvạu ꞌluống#ꞌmen, ꞌlẹo khỏi chắng ꞌchí ꞌmí chaư cả páo ꞌquám ꞌlặp ꞌlợc Chảu Pua ꞌPhạ hảư ꞌhụ kháo ꞌhung saư Chảu ꞌGiê‑ꞌsu. 20 ꞌViạk khỏi khảu ꞌtú ꞌcọ ꞌpưa khỏi pên phủ tang nả páo kháo ꞌhung saư Chảu ꞌGiê‑ꞌsu ꞌnị. ꞌSướng ꞌnặn hảư ꞌpi ꞌnọng đé so Chảu Pua ꞌPhạ ꞌchoi khỏi ꞌmí chaư cả páo kháo ꞌhung saư ꞌnéo khỏi ꞌchọ#ꞌvạu.

ꞌQuám sắng ꞌlá

21 ꞌTan Ti‑ꞌkhi‑cô pên ꞌpi ꞌnọng ꞌhặc sương cuông ꞌhôm ꞌngáu Chảu ꞌGiê‑ꞌsu, ꞌnặm saư chaư ꞌsư ꞌchoi nả ꞌviạk ꞌTan#chảu. ꞌTan Ti‑ꞌkhi‑cô ꞌchí ꞌtố ꞌviạk khỏi sú ꞌpi ꞌnọng ꞌphắng mết ꞌchu ꞌnéo hảư ꞌpi ꞌnọng ꞌhụ#ꞌva khỏi ꞌdệt#săng, kin dú ꞌsứ#đaư. 22 ꞌSướng ꞌnặn khỏi chắng ꞌchạư ꞌtan ꞌmá ha ꞌpi#ꞌnọng, ꞌcọ ꞌpưa ꞌmá ꞌvạu hảư ꞌhụ mốt ꞌsúm khỏi kin dú ꞌnéo#đaư, kéng tủm ꞌpúa chaư ꞌpi ꞌnọng#é.

23 Khỏi đé so Chảu Pua ꞌPhạ phủ pên ꞌPo kéng ꞌGiê‑ꞌsu ꞌKha‑ꞌlịt phủ pên Chảu#Chom, hảư ꞌpi ꞌnọng đảy súc sáng bang#chaư, ꞌmí chaư ꞌhặc ꞌpéng căn cắp ꞌmí chaư ꞌchưa ꞌTan#chảu. 24 So công ꞌphún Chảu Pua ꞌPhạ dú cắp ꞌnặp pheng ꞌpi ꞌnọng ꞌchu ꞌcốn phủ ꞌmí chaư ꞌhặc ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu báu#ꞌmí ꞌchớ chứt#cháng.