Tai Dam 2 ꞌThê‑ꞌsa‑ꞌlôn 2

Phủ ác ꞌhại sút ꞌti

1 ꞌPi ꞌnọng ꞌhặc ꞌpéng, ꞌvạu ꞌmá ꞌtáng nả ꞌviạk ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu dú cá ꞌphạ ꞌchí ꞌlống ꞌmá#ꞌnặn, ꞌtếng cá ꞌviạk ꞌTan chảu ꞌchí ꞌtọn ꞌhốm au ꞌháu pay dú#ꞌtoi, 2 ꞌsúm khỏi so ꞌpi ꞌnọng ꞌnhá sẳn ꞌmáu ꞌmúa đủng tứn săng#ꞌnớ. Lon ꞌmí phaư ꞌhiạk#ꞌva pên ꞌlam páo ꞌquám Chảu Pua#ꞌPhạ, ꞌhiạk ꞌmí ꞌquám bók son ꞌhứ#ꞌva ꞌmí sư ꞌmá té ꞌsúm khỏi#ꞌva ꞌhọt ꞌmự ꞌGiê‑ꞌsu phủ pên Chảu Chom ꞌmá#ꞌlẹo, 3 ꞌsứ đaư ꞌcọ#đi, ꞌnhá tốc báng ꞌlứa phaư#ꞌnớ, ꞌpưa ꞌmự ꞌnặn ꞌnhắng báu#ꞌhế ꞌmá#ꞌhọt. Cón ꞌchớ ꞌnặn hák ꞌchí hên ꞌviạk tó ꞌsốn Chảu Pua ꞌPhạ ꞌlẹo phủ ác ꞌhại sút ꞌti ꞌnặn ók#ꞌmá, Chảu Pua ꞌPhạ đảy ꞌlặt hảư ꞌmắn ꞌchọ đắp siêu#pay. 4 Phủ ác ꞌhại sút ꞌti ꞌnặn ꞌmen phủ khắt pỉn Chảu Pua#ꞌPhạ, ꞌmắn pák cảo pên nháư ꞌsứa ăn đaư phủ ꞌcốn ꞌtứ pên ꞌthớn théng kéng ꞌkhới vảy ꞌsớ#ꞌnặn. ꞌMắn ꞌnhắng ꞌchí ꞌnăng ꞌhướn vảy ꞌháu Chảu Pua ꞌPhạ#máư, ảng#ꞌva pên Chảu Pua#ꞌPhạ. 5 ꞌChớ khỏi dú nẳng ꞌpi ꞌnọng khỏi ꞌcọ ꞌlớng ꞌvạu ꞌviạk ꞌnặn#ꞌlế, ꞌnhắng#chứ#ꞌquá. 6 ꞌPi ꞌnọng ꞌcọ ꞌhụ chắc ꞌlẹo ꞌnéo cẳn phủ ác ꞌhại ꞌvạy#ꞌnặn, thả ꞌhọt ꞌnhám ꞌhẹn chắng hảư ꞌmắn ók#ꞌmá. 7 ꞌViạk ác ꞌhại khắt ꞌquám Chảu Pua ꞌPhạ ꞌnặn ꞌkhạy ꞌlặp ꞌsuôn khắt#dú, phủ cẳn ꞌcọ ꞌnhắng cẳn ꞌviạk ác ꞌhại ꞌnặn ꞌvạy ꞌtạu ꞌhọt ꞌnhám hảư phủ cẳn ꞌnặn ók#pay. 8 ꞌLẹo chắng ꞌchí hên phủ ác ꞌhại khắt ꞌquám Chảu Pua ꞌPhạ ꞌnặn ók#ꞌmá. ꞌMưa ꞌchớ ꞌGiê‑ꞌsu phủ pên Chảu Chom táo ꞌlống ꞌmá ꞌhọt#ꞌnặn, ꞌTan chảu ꞌchí páu ꞌlốm sáư bả ꞌnặn hảư ꞌmắn đắp pay#sia, ꞌTan chảu ꞌhung lưởn ꞌmá ꞌdệt hảư ꞌmắn ꞌhuội sút pay#sia.

9 Phủ ác ꞌhại ꞌnặn au phép phi ꞌSa‑tan ꞌmá ꞌdệt lai ꞌnéo lák lửm pên mai hảư ꞌcốn tốc báng ꞌlứa#ꞌmắn. 10 Phủ ꞌnặn ꞌdệt lai ꞌnéo ꞌcột chan bẻo ꞌlứa ꞌpứng ꞌcốn đang ꞌchí ꞌchọ đắp siêu#ꞌnặn, ꞌcọ ꞌpưa sau báu#ꞌnhóm ꞌchốm au ꞌquám ꞌmen ꞌtẹ khong Chảu Pua ꞌPhạ ăn ꞌchí ꞌpá hảư sau ók khói sia báp#ꞌsội. 11 ꞌSướng ꞌnặn Chảu Pua ꞌPhạ chắng ꞌdệt hảư sau lông ꞌtoi ꞌluống phít ꞌnéo ꞌpá sau tốc báng ꞌlứa phủ ác ꞌhại ꞌchí ꞌmá#ꞌnặn, 12 ꞌvạy hảư Chảu Pua ꞌPhạ sáư ꞌsội sau ꞌchu ꞌcốn phủ báu#ꞌchưa ꞌquám ꞌmen#ꞌtẹ, ꞌmí ꞌto ꞌmặc ꞌdệt ꞌnéo báu#ꞌmen ꞌluống ꞌtáng Chảu Pua#ꞌPhạ.

Hảư mẳn chaư chứ au ꞌquám bók son

13 ꞌPi ꞌnọng phủ Chảu ꞌGiê‑ꞌsu ꞌhặc#ꞌpéng, té ꞌchạu té đai ꞌmá Chảu Pua ꞌPhạ ꞌlưạk au ꞌpi ꞌnọng hảư đảy ók khói sia báp#ꞌsội, Khuôn Saư Chảu Pua ꞌPhạ chắng hák hảư ꞌpi ꞌnọng đảy pên dên ꞌTan#chảu, ꞌpi ꞌnọng ꞌcọ ꞌchưa ꞌquám ꞌmen#ꞌtẹ, ꞌsúm khỏi ꞌcọ ꞌchọ đảy#ꞌdọn ꞌTan chảu ꞌpưa ꞌpi ꞌnọng ꞌlớng#ꞌlớng. 14 Chảu Pua ꞌPhạ hảư ꞌsúm khỏi páo kháo ꞌhung saư ꞌviạk Chảu ꞌGiê‑ꞌsu, hảư ꞌpi ꞌnọng ók khói sia ꞌsội sia#báp, ꞌpưa hảư đảy ꞌquám ꞌhung ꞌhướng ꞌtoi ꞌGiê‑ꞌsu ꞌKha‑ꞌlịt Chảu Chom ꞌsúm#ꞌháu.

15 ꞌPi ꞌnọng ꞌhặc ꞌpéng, ꞌpưa ꞌsướng ꞌnặn, ꞌquám bók son khong ꞌsúm khỏi đảy ꞌchiên ꞌmá hảư#ꞌnặn, pên ꞌquám pák ꞌhứ#ꞌva sư san ꞌcọ#đi, hảư ꞌpi ꞌnọng cứ mẳn chaư tó ꞌquám#ꞌnặn.

16 ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu cắp Chảu Pua ꞌPhạ phủ pên ꞌPo#ꞌháu, chaư quảng ꞌhặc ꞌpéng tủm ꞌpúa ꞌháu đảy ún mốc ún chaư ꞌlới#ꞌlới, ꞌTan chảu hảư ꞌháu mong ꞌcóng thả ꞌnéo#đi. 17 ꞌSướng ꞌnặn ꞌsúm khỏi chắng đé so ꞌTan chảu tủm ꞌpúa chaư ꞌpi#ꞌnọng, ꞌchoi ꞌpi ꞌnọng hảư mẳn chaư ꞌdệt ꞌchu ꞌluống#đi, pák ꞌvạu ꞌchu ꞌluống#ꞌmen.